रविवार, 1 नोव्हेंबर 2026
वादग्रस्त जागा महावितरणच्या गळ्यात! ( सौजन्य - सोशल मीडिया )
पोमण (ता. वसई) येथील सव्हें क्र. १२६/१/१ मधील एकूण १८५८ चौरस मीटर जागा मे. रॉयल इंडस्ट्रियल डब कंपनीने सन २०१५ मध्ये महावितरणला नवीन वीज वितरण उपकेंद्र उभारणीसाठी भाडेपट्ट्याने दिली होती. या जागेवर महावितरणने ४ कोटी ८१ लाख ४१ हजार ३४० रुपये खर्च करून २० मेगावॅट (२२/२२ केव्ही) क्षमतेचे वीज उपकेंद्र (स्विचिग स्टेशन) उभारले. तर माहिती फलकानुसार संपूर्ण प्रकल्पाचा खर्च ८ कोटी ३५ लाख रुपये नमूद आहे. मात्र, माहिती अधिकार कार्यकर्ते चंदू विजय पाटील यांनी सह दुय्यम निबंधक कार्यालय आणि उपअधीक्षक भूमी अभिलेख कार्यालयाकडून अधिकृत नौदी मिळवल्या असता महाघोटाळ्याचा पर्दाफाश झाला.
अपर जिल्हाधिकारी दत्तात्रेय कवितके यांनी याप्रकरणी कडक कारवाईचे निर्देश दिल्यानंतर महावितरणचे कार्यकारी अभियंता प्रवीण उद्धवराव सुटे यांनी नायगाव पोलिस ठाण्यात अधिकृत फिर्याद दिली. पोलिसांनी पदमशी कल्याणजी गजरा (वय ६०) आणि हरेश रामजी भानुशाली (वय ५०, दोघे रा. पोमण) यांच्याविरुद्ध गुन्हा गुन्हा नोंदवला आहे. वरिष्ठ पोलीस निरीक्षक संजय हजारे यांच्या मार्गदर्शनाखाली पोलिस उपनिरीक्षक रणजित नलवडे पुढील तपास करत असून, विकासकांवर आता अटकेची टांगती तलवार आहे. याप्रकरणात महावितरणच्या तत्कालीन अधिकाऱ्यांचा सहभाग असण्याची शक्यता आहे.
भूमी अभिलेख विभागामार्फत झालेल्या अधिकृत शासकीय मोजणीत धक्कादायक वास्तव समोर आले. महावितरणला दिलेल्या एकूण जागेपैकी तब्चल ६२४.४८ चौरस मीटर क्षेत्र नैसर्गिक पाण्याचा नाला असल्याचे स्पष्ट झाले. पदमशी गजरा आणि हरेश भानुशाली यांनी या नाल्यावरील अतिक्रमण स्वतःच्या मालकीचे असल्याचे भासवले. त्यांनी जागेचा खोटा खासगी मोजणी नकाशा तयार करून ती महावितरण कंपनीला भाडेपट्ट्याने दिली. स्वतःच्या आर्थिक फायद्यासाठी शासनाचे कोट्यवधी रुपयांचे नुकसान केल्याचे कोकण विभागीय आयुक्तांकडे सादर झालेल्या चौकशी अहवालातही सिद्ध झाले.
Ans: बिल्डरांनी नैसर्गिक पाण्याच्या नाल्याची ६२४ चौरस मीटर जागा स्वतःच्या मालकीची असल्याचे भासवून बनावट नकाशाच्या आधारे महावितरणला वीज उपकेंद्र उभारण्यासाठी भाडेपट्ट्याने दिली होती.
Ans: या बनावट प्रक्रियेमुळे महावितरण आणि शासनाची ४ कोटी ८१ लाख ४१ हजार ३४० रुपयांची आर्थिक फसवणूक झाली आहे.
Ans: मेसर्स रॉयल इंडस्ट्रियल हबचे भागीदार पदमशी कल्याणजी गजरा आणि हरेश रामजी भानुशाली यांच्याविरुद्ध नायगाव पोलिस ठाण्यात अधिकृत फिर्यादीवरून गुन्हे दाखल करण्यात आले आहेत.
