वेट लॉससाठी परफेक्ट! मिक्स डाळींचा वापर करून झटपट बनवा पौष्टिक खिचडी, नोट करून घ्या रेसिपी

वाढलेले वजन कमी करण्यासाठी मिक्स डाळीचा वापर करून बनवलेली खिचडी खावी. यामुळे शरीराला सुद्धा फायदे होतात आणि पचनक्रिया मजबूत राहते. चला तर जाणून घेऊया खिचडी बनवण्याची रेसिपी.

लहान मुलांपासून ते अगदी मोठ्यांपर्यंत सगळ्यांचं खिचडी खायला खूप जास्त आवडते. पौष्टिक चवीची खिचडी १० ते १५ मिनिटांमध्ये लगेच तयार होते. मिक्स डाळी, तांदूळ आणि लसूणची फोडणी देऊन बनवलेली खिचडी जेवणाच्या ताटात असेल तर चार घास जास्त जातात. बऱ्याचदा वजन वाढल्यानंतर ते कमी करण्यासाठी वेगवेगळ्या सप्लिमेंट्स, गोळ्या आणि इतर पदार्थांचा आहारात समावेश केला जातो. पण वारंवार चुकीचे सप्लिमेंट्स घेतल्यामुळे शरीराला हानी पोहचण्याची जास्त शक्यता असते. त्यामुळे वाढलेले वजन कमी करण्यासाठी आहारात पौष्टिक पदार्थांचे सेवन करावे. आज आम्ही तुम्हाला दुपारच्या जेवणासाठी किंवा रात्रीच्या जेवणासाठी पौष्टिक मिक्स डाळींची खिचडी बनवण्याची सोपी रेसिपी सांगणार आहोत. या पद्धतीने बनवलेली खिचडी कमीत कमी साहित्यात झटपट तयार होते आणि चवीला सुद्धा भारी लागते. खिचडी खाल्ल्यामुळे वजन कमी होण्यासोबतच रक्तातील साखर सुद्धा नियंत्रणात राहते. चला तर जाणून घेऊया मिक्स डाळींची पौष्टिक खिचडी बनवण्याची सोपी रेसिपी.(फोटो सौजन्य – pinterest)

Bread Without Oven : विना ओव्हन घरी ब्रेड कसं बनवायचं? नोट करा सोपी घरगुती रेसिपी

साहित्य:

• मसूर डाळ
• उडीद डाळ
• मूग डाळ
• तांदूळ
• तेल
• हिंग
• मोहरी
• जिरं
• कांदा
• टोमॅटो

Health Tips: सकाळचा नाश्ता का महत्त्वाचा? जाणून घ्या नाश्ता करण्याचे काय आहेत आरोग्यदायी फायदे

कृती:

• मिक्स डाळींची पौष्टिक खिचडी बनवण्यासाठी सर्वप्रथम, वाटीमध्ये मसूर डाळ, मूग डाळ, उडीद डाळ आणि तांदूळ स्वच्छ धुवून पाण्यात भिजत ठेवा.
• कुकरच्या भांड्यात तेल किंवा तूप गरम करून त्यात हिंग, मोहरी आणि जिरं घालून व्यवस्थित भाजा. त्यानंतर त्यात ठेचून घेतलेला लसूण आणि कडीपत्त्याची पाने घालून भाजा.
• भाजलेल्या साहित्यात बारीक चिरलेला कांदा आणि टोमॅटो घालून चवीनुसार घाला. सर्व साहित्यात व्यवस्थित मिक्स करून झाल्यानंतर त्यावर झाकण ठेवून एक वाफ काढून कांदा टोमॅटो शिजवा.
• कांदा शिजल्यानंतर त्यात लाल तिखट, हळद, गरम मसाला घालून व्यवस्थित भाजा आणि त्यात भिजवलेले सर्व मिश्रण घालून मिक्स करा.
• खिचडी बनवताना त्यात कोमट पाणी घालून मिक्स करा आणि कुकरच्या ४ शिट्ट्या काढून घ्या.
• तयार आहे सोप्या पद्धतीमध्ये बनवलेली मिक्स डाळींची खिचडी. हा पदार्थ लोणचं किंवा पापडासोबतच आणखीनच सुंदर लागतो.