Pitru Paksha: पितृपक्षातील जेवण होईल खास! पारंपरिक पद्धतीने बनवा विदर्भ स्पेशल कढी, नोट करा रेसिपी

Pitru Paksha: पितृपक्षात पूर्वजांचे स्मरण करून श्रद्ध घातले जाते. नैवेद्यासाठी घरात पारंपरिक पदार्थ बनवले जातात. विदर्भामध्ये पितृपक्षाच्या जेवणात आवर्जून दह्याची पांढऱ्या रंगाची कढी बनवली जाते. चला जाणून घेऊया रेसिपी.

Pitru Paksha: पितृपक्षात पूर्वजांचे स्मरण करून त्यांना आदरांजली वाहिली जाते. भारतीय संस्कृतीमध्ये पितृपक्षाला विशेष महत्व आहे. या दिवसांमध्ये पितरांचे श्रद्ध घालून घरात सात्विक आणि पारंपरिक पदार्थ बनवले जातात. महाराष्ट्राच्या विदर्भामध्ये पितृपक्षाच्या जेवणात विविध पारंपरिक पदार्थ बनवण्याची परंपरा आहे. जेवणाची चव वाढवण्यासाठी हटके पद्धतीने पांढऱ्या रंगाची कढी बनवली जाते. या कढीमध्ये हळदीचा अजिबात वापर केला जात नाही. बेसन किंवा साध्या दह्याची कढी सगळ्यांनी खाल्ली असेल. पण या पद्धतीने बनवलेली कढी चवीला अतिशय सुंदर लागते. मसाल्यांमुळे कढीला एक वेगळाच सुंदर रंग आणि चव येते. त्यामुळे केवळ पितृपक्षातच नाहीतर इतर वेळीसुद्धा विदर्भ स्पेशल कढी जेवणात बनवू शकता. गरमागरम भात आणि विदर्भ स्पेशल कढी चवीला अतिशय सुंदर लागेल आणि जेवणात चार घास जातील. चला तर जाणून घेऊया विदर्भ स्पेशल कढी बनवण्याची सोपी रेसिपी.(फोटो सौजन्य – istock)

संध्याकाळच्या स्नॅक्ससाठी परफेक्ट! १५ मिनिटांत घरच्या घरी बनवा Corn Chilli Cheese Toast; रेसिपी एकदा वाचाच

साहित्य:

• दही
• बेसन
• तूप
• खडे मसाले
• नागवेलीची पाने
• शेंगदाणे
• लसूण
• आलं
• पाणी
• कढीपत्ता
• मीठ
• कोथिंबीर
• जिरं

Recipe : रात्रीच्या जेवणाचा बेत बनवा खास, नोट करा सोयाबीन-मशरुम बिर्याणी; चव अशी की कुटुंबातील सर्वच होतील खुश

कृती:

• पारंपरिक पद्धतीने विदर्भ स्पेशल कढी, बनवण्यासाठी भांड्यामध्ये ताजे दही घेऊन त्यात थोडंसं पाणी घालून दही चांगले फेटून घ्या.
• फेटलेल्या दह्यामध्ये १ किंवा २ चमचे बेसन घालून सर्व साहित्य व्यवस्थित एकत्र करा. पिठाच्या अजिबात गुठल्या ठेवू नये.
• मिक्सरच्या भांड्यात हिरवी मिरची, लसूण पाकळ्या, आलं, जिरं, दगडफूल, नागवेलीची पाने, शेंगदाणे घालून बारीक वाटण करुन घ्या. आवश्कता वाटल्यास पाणी घालावे.
• कढईमध्ये तूप गरम करण्यासाठी ठेवा. त्यानंतर त्यात लवंग, जिरं घालून फोडणी भाजा. त्यानंतर त्यात तयार केलेले वाटण आणि दही घालून लगेच झाकण ठेवून धुरकट फोडणी करा.
• यामुळे पदार्थाला पारंपरिक चव येईल. सगळ्यात शेवटी कढीमध्ये कढीपत्ता आणि चवीनुसार मीठ घालून मिक्स करा.
• कढीला एक उकळी आल्यानंतर त्यात बारीक चिरलेली कोथिंबीर घालून मिक्स करुन कढी खाण्यासाठी तयार होईल.
• तयार आहे आंबट-तिखट चवीची विदर्भ स्पेशल कढी.