जेवणात तोंडी लावण्यासाठी हिरव्यागार ताज्या मिरच्यांपासून बनवा इन्स्टंट चटपटीत लोणचं, गरमागरम भाकरीसोबत लागेल चविष्ट

आज आम्ही तुम्हाला सोप्या पद्धतीमध्ये हिरव्या मिरचीचे लोणचं बनवण्याची कृती सांगणार आहोत. हा पदार्थ झटपट तयार होतो. याशिवाय जेवणात भाजी नसल्यास हिरव्या मिरचीचे लोणचं तुम्ही खाऊ शकता.

सकाळ संध्याकाळच्या जेवणात प्रत्येकाला काहींना काही चटपटीत खाण्यास हवे असते. चटपटीत आणि झणझणीत पदार्थ खाण्याची इच्छा झाल्यानंतर घरी मसालेदार पदार्थ बनवले जातात. पण कायमच मसालेदार पदार्थांचे सेवन करणे आरोग्यासाठी धोक्याचे ठरते. त्यामुळे नेहमीच कमीत कमी तिखट आणि सहज पचन होणाऱ्या पदार्थांचे सेवन करावे. वाढत्या थंडीत चटपटीत आणि तिखट पदार्थ खाण्याची इच्छा झाल्यास तुम्ही हिरव्यागार मिरच्यांपासून झणझणीत लोणचं बनवू शकता. हिरव्या मिरचीचं लोणचं जेवणात तोंडी लावण्यासोबतच गरमागरम भाकरी, चपाती किंवा पराठ्यासोबत तुम्ही खाऊ शकता. कमीत कमी वेळात झटपट तयार होणारे मिरचीचे लोणचं दीर्घकाळ व्यवस्थित टिकून राहते. बऱ्याचदा लोणचं तयार केल्यानंतर ते महिनाभर मुरण्याची वाट पाहावी लागते. पण हिरव्या मिरचीचे लोणचं लगेच मुरते. चला तर जाणून घेऊया हिरव्या मिरचीचे लोणचं बनवण्याची सोपी कृती.(फोटो सौजन्य – pinterest)

कुरकुरीत, चटाकेदार ‘मॅगी भेळ’ तुम्ही खाल्ली आहे का? संध्याकाळच्या नाश्त्याला बनवा आणि कुटुंबाला खाऊ घाला

साहित्य:

• हिरव्या मिरच्या
• तेल
• मीठ
• हळद
• बडीशेप
• पिवळी मोहरी
• लिंबाचा रस
• हिंग
• गरम मसाला

कोबीची भाजी खायला आवडत नाही? मग सकाळच्या नाश्त्यात १० मिनिटांमध्ये बनवा झणझणीत कोबी पराठा, नोट करा रेसिपी

कृती:

• हिरव्या मिरचीचं लोणचं बनवण्यासाठी सर्वप्रथम, हिरव्या मिरच्या स्वच्छ धुवून घ्या. त्यानंतर त्यांचे देठ काढून मिरच्या बारीक चिरून घ्या.
• मिक्सरच्या भांड्यात पिवळी राईची डाळ, बडीशेप घालून बारीक पावडर तयार करा. बडीशेपमुळे लोणच्याला सुंदर चव येईल.
• एका वाटीमध्ये गरम करून घेतलेले तेल ओतून घ्या. त्यानंतर त्यात तयार केलेली पावडर ओतून मिक्स करा आणि मिश्रणावर झाकण मारा.
• १० मिनिट झाल्यानंतर त्यात बारीक चिरलेल्या हिरव्या मिरच्या, लिंबाचा रस आणि चवीनुसार मीठ घालून व्यवस्थित मिक्स करा.
• तयार केलेले लोणचं काचेच्या बरणीमध्ये भरून ठेवा. तयार आहे सोप्या पद्धतीमध्ये बनवलेले हिरव्या मिरचीचे लोणचं.