वयाच्या चाळीशीत हवी आहे सुंदर त्वचा? तर जाणून घ्या प्रियांका चोप्राने सांगितलेले खास ब्युटी सिक्रेट

वय वाढल्यानंतर हळूहळू त्वचेमध्ये बदल होत जातो. चेहऱ्यावर सुरकुत्या येणे. बारीक बारीक रेषा दिसणे, वांग इत्यादी समस्या वाढू लागतात. या समस्या वाढू लागल्यानंतर त्वचा खराब होते. वयाच्या चाळीशीमध्ये सुंदर त्वचेसाठी प्रियांका चोप्राने शेअर केलेले फेस मास्क नक्की वापरून पहा.हे फेस मास्क वापरल्यामुळे तुमच्या त्वचेवर चमकदार ग्लो दिसू लागेल.

बॉलिवूडमधील प्रसिद्ध अभिनेत्री देसी गर्ल प्रियांका चोप्रा तिच्या अभिनयामुळे सगळीकडे प्रसिद्ध आहे.ती तिच्या अभिनयासोबतच फिटनेस आणि सौंदर्याकडे मोठ्या बारकाईने लक्ष देते. प्रियांकाची चमकदार त्वचा, सुंदर केस सगळ्यांचं आवडतात. प्रियांकाच्या अभिनयाचा मोठा चाहतावर्ग आहे, तसेच तिच्या फिटनेस आणि सौंदर्याचे सुद्धा अनेक फॅनफॉलोवर आहेत. प्रियांका चोप्रा ही तिच्या फॅशन आणि सौंदर्यासाठी सगळीकडे ओळखली जाते. प्रियांका चोप्रा ही वयाच्या चाळीशीनंतर सुद्धा खूप सुंदर दिसते. तिच्या फॅशन, ब्यूटीचे नेहमीच कौतुक केले जाते.प्रियांका चोप्राने वयाच्या चाळीशीमध्ये सुंदर चमकदार त्वचा मिळवण्यासाठी घरगुती फेस मास्क कसा बनवायचा याची सोपी शेअर केली आहे. चला तर जाणून घेऊया प्रियांका चोप्राने सांगितलेला फेस मास्क घरच्या घरी कसे बनवायचे.

कोरड्या त्वचेसाठी फेस मास्क:

साहित्य:

• गव्हाचे पीठ
• हळद
• लिंबाचा रस
• दही
• गुलाब पाणी

कृती:

• फेस पॅक बनवण्यासाठी एका वाटीमध्ये दोन चमचे गव्हाचे पीठ घेऊन त्यात चिमूटभर हळद टाका.
• त्यानंतर त्यात 1 चमचा दही टाकून मिक्स करून घ्या. मिक्स करून झाल्यानंतर त्यात लिंबाचा रस आणि गुलाब पाणी टाकून पुन्हा एकदा मिक्स करा.
• मिक्स करून झाल्यानंतर हे मिश्रण त्वचेवर लावा. 15 ते 20 मिनिटं ठेवून झाल्यानंतर कोमट पाण्याने चेहरा स्वच्छ करा.
• हा उपाय आठवड्यातून दोनदा केल्याने तुमच्या चेहरा ग्लोइंग दिसेल.

हे देखील वाचा: केमिकल पद्धतीने केस कलर करणे सोडा आणि अशाप्रकारे घरीच तयार करा नैसरगिक हेअर कलर

तेलकट त्वचेसाठी फेस मास्क:

साहित्य:

• अंड्याचा पांढरा बल्क
• ओट्स पावडर
• दही

कृती:

• फेस मास्क बनवण्यासाठी सर्वप्रथम एक अंड घेऊन त्यातील पांढरा बल्क वाटीमध्ये काढून घ्या.
• त्यानंतर त्यात ओट्सची पावडर आणि दही टाकून मिक्स करा.
• मिक्स करून झाल्यानंतर संपूर्ण चेहऱ्यावर फेस मास्क लावून घ्या.
• चेहऱ्याला फेस मास्क लावून झाल्यानंतर 15 मिनिटं सुकण्यासाठी तसाच ठेवा.
• त्यानंतर कोमट पाण्याने त्वचा स्वच्छ करून घ्या.
• हा उपाय आठवड्यातून दोनदा केल्याने चेहऱ्यावरील अतिरिक्त तेल निघून जाईल.

हे देखील वाचा: मीरा राजपूतने सांगितले सुंदर-मजबूत केसांचे रहस्य! घरातच ‘हा’ उपाय करून पाहा

कॉम्बिनेशन त्वचेसाठी फेस मास्क:

साहित्य:

• मुलतानी माती
• चंदन पावडर
• गुलाब पाणी

कृती:

• फेस मास्क बनवण्यासाठी सर्वप्रथम एका वाटीमध्ये 1 चमचा मुलतानी माती घेऊन त्यात चंदन पावडर मिक्स करा.
• त्यानंतर त्यात गुलाब पाणी टाकून जाडसर पेस्ट बनवा
• तयार केलेली पेस्ट संपूर्ण चेहऱ्याला लावून घ्या.
• 20 मिनिटं ठेवून कोमट पाण्याने चेहरा स्वच्छ करा.
• हा उपाय आठवड्यातून दोनदा केल्याने चेहऱ्यावरील हरवलेला ग्लो पुन्हा परत मिळेल.