केमिकल पद्धतीने केस कलर करणे सोडा आणि अशाप्रकारे घरीच तयार करा नैसरगिक हेअर कलर

रासायनिक प्रोडक्टसचा वापर करून केसांना कलर असाल तर वेळीच थांबा. केसांच्या आरोग्यास रासायनिक कलर घातक ठरतात. मात्र आता तुम्ही नैसर्गिक पद्धतीने घरीच केस काळेकुट्ट कलर करू शकता. जाणून घ्या योग्य पद्धत. (फोटो सौजन्य: istock)

Follow Us:

Follow Us:

वाढत्या वयोमानानुसार अनेकांचे केस पांढरे होऊ लागतात. पांढरे केस कोणालाही आवडत नाहीत याने आपण वयोवृद्ध वाटू लागतो ज्यामुळे अनेकजण आपले पांढरे केस काळे करण्यासाठी रासायनिक कलरचा वापर करतात. आजच्या धावपळीच्या युगात तर तरुणांनाही पांढऱ्या केसांची समस्या उद्भवू लागली आहे. पांढरे केस काळे करण्यासाठी बाजारात अनेक रासायनिक हेअर कलर्स उपलब्ध आहेत मात्र आम्ही तुम्हाला सांगतो की, केसांसाठी हे रासायनिक कलर फार घातक ठरत असतात.

रासायनिक कलरमुळे केसांच्या समस्या वाढू लागतात आणि केसं झपाट्याने खराब होऊ लागतात. म्हणूनच आज आम्ही तुम्हाला घरच्या घरी नैसर्गिक कलर कसा तयार करावा याचा एक सोपा उपाय सांगत आहोत. या उपायाने तुमचे केस कोणत्याही रासायनिक पदार्थाशिवाय नैसर्गिक रीतीने काळेकुट्ट होतील. तसेच यामुळे तुमच्या केसांच्या निगा राखली जाईल.

हेदेखील वाचा – मीरा राजपूतने सांगितले सुंदर-मजबूत केसांचे रहस्य! घरातच ‘हा’ उपाय करून पाहा

आज आम्ही तुम्हाला दह्यापासून केसांसाठीचा नैसर्गिक कलर कसा तयार करायचा याचा एक सोपा उपाय सांगत आहोत. दही आरोग्यासाठी तसेच केसांसाठी फार फायदेशीर ठरते. केसांची चमक, मजबूती, आणि पोषण वाढवण्यासाठी दहीचा वापर केला जातो. दहीमध्ये प्रोटीन, व्हिटॅमिन बी५, आणि व्हिटॅमिन डी आढळते, जे केसांच्या मुलांना पोषण देण्याचे काम करते. यामुळे केसांची वाढ सुधारते आणि केसांचे तुटणे कमी होते.

अशाप्रकारे तयार करा हेअर मास्क

साहित्य

• एक कप दही
• दोन चमचे मेथीच्या बिया
• एक मध्यम कांदा
• दोन चमचे नारळ तेल
• एक मध्यम बीटरूट

कृती

• हेअर मास्क तयार करण्यासाठी प्रथम मेथीच्या बिया रात्रभर भिजत ठेवा
• दुसऱ्या दिवशी या बियांची एक पेस्ट तयार करून घ्या
• दुसरीकडे कांद्याचा रस तयार करा
• मग बीटरूटची पेस्ट तयार करा
• यांनतर एका भांड्यात दही घ्या
• यात मेथीच्या बियांचा पेस्ट, कांद्याचा रस, बीटरूट पेस्ट, आणि नारळ तेल टाका आणि मिक्स करा
• सर्व साहित्य चांगले एकत्र करा
• तुमचा हेअर मास्क तयार आहे
• हा तयार हेअर मास्क केसांच्या मुळांपासून ते टोकांपर्यंत लावा
• यांनतर हा मास्क 30-35 मिनिटे केसांवर लावून ठेवा आणि मग कोमट पाण्याने केस धुवून टाका

टीप – आम्ही देत असलेली माहिती ही तज्ज्ञांशी बोलून आणि रिसर्च करून देत आहोत. हा लेख केवळ तुमच्या माहितीसाठी लिहिण्यात आला आहे. प्रत्येकाची त्वचा वेगळी असते, त्यामुळे कोणत्याही प्रकारचा उपाय करण्यापूर्वी पॅच टेस्ट करायला विसरू नका.

Web Title: Home remedies now you can make hair mask at home

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com