मुंबईमध्ये गोवर रुग्णांच्या संख्येत झपाट्याने वाढ! धारावी, गोवंडी हॉटस्पॉट; लसीकरणाकडे करू नका दुर्लक्ष
गेल्या दोन महिन्यांत मुंबई आणि एमएमआर क्षेत्रात गोवरच्या रुग्णांमध्ये वाढ झाल्याने पालिकेची आरोग्य यंत्रणा सतर्क झाली आहे. फेब्रुवारी आणि मार्च महिन्यात तब्बल ६४ बालकांना कस्तुरबा रुग्णालयात दाखल करण्यात आले असून, यामध्ये गोवंडी आणि धारावी या भागांतील मुलांचे प्रमाण अधिक आहे. कस्तुरबा रुग्णालयाच्या आकडेवारीनुसार २०२४ मध्ये १०३, २०२५ मध्ये ११३ तर २०२६ च्या सुरुवातीच्या तीन महिन्यात जानेवारीत २७, फेब्रुवारीत ३७ तर मार्च मध्ये ७ ते ८ रुग्णांची नोंद झाली आहे.(फोटो सौजन्य – istock)
गोवरपासून वाचण्यासाठी लसीकरण अत्यंत महत्त्वाचे असून स्थानिक धर्मगुरू आणि सोशल मीडिया इन्फ्लुएन्सर्सच्या मदतीने जनजागृती करत आहोत. पालकांनी अफवांवर विश्वास न ठेवता आपल्या पाल्याचे लसीकरण पूर्ण करावे. पालिकेच्या सर्व दवाखान्यांमध्ये आणि आरोग्य केंद्रावर गोवरची लस मोफत उपलब्ध आहे. – डॉ. दक्षा शाह, आरोग्य कार्यकारी अधिकारी, यांनी याबद्दल सविस्तर माहिती दिली आहे.
गोवंडी (एम-पू. वॉर्ड) आणि धारावी (जी उत्तर वॉर्ड) हॉटस्पॉट ठरत असल्याचे सर्वाधिक रुग्ण रुग्णसंख्येवरून समजते. एकट्या मार्च महिन्यात गोवंडीत ५, तर धारावीत ३ ते ४ नवीन रुग्ण आढळले आहेत, पालिकेच्या आरोग्य विभागाने या भागात सव्हिलन्स वाढवल असून लसीकरणावर भर दिला जात आहे. लसीकरण हाच एकमेव बचाव असल्याने पालकांना सजग करण्यात आले आहे.
‘या’ लोकांच्या आरोग्यासाठी घातक ठरतो कच्चा कांदा! जाणून घ्या कांदा कोणी खावा आणि खाऊ नये
तुमच्या मुलांमध्ये लक्षणे दिसत असतील, तर त्वरित डॉक्टरांशी संपर्क साधण्याचे आवाहन केले आहे. यात तीव्र ताप आणि खोकला, डोळे लाल होणे किंवा पाणी येणे, शरीरावर लाल रंगाचे पुरळ उठणे, सर्दी आणि घसा दुखत असल्यास पालिकेचा दवाखाना गाठा.ज्या पालकांनी अजूनही आपल्या मुलांचा गोवरचा डोस पूर्ण केलेला नाही, त्यांनी तातडीने जवळच्या बीएमसी डिस्पेंसरी, हेल्थ पोस्ट किया रुग्णालयात जाऊन लस टोचून घ्यावी. संसर्ग रोखण्यासाठी वेळेत लसीकरण हाच सर्वात सुरक्षित मार्ग आहे.
Ans: तीव्र ताप, नाक वाहणे, कोरडा खोकला, लाल डोळे (conjunctivitis), आणि सुरुवातीला चेहऱ्यावर व नंतर पूर्ण शरीरावर पसरणारे लाल पुरळ
Ans: गोवर हा 'पॅरामिक्सोव्हायरस' या विषाणूमुळे होतो. हा आजार संक्रमित व्यक्तीच्या शिंकण्यातून किंवा खोकण्यातून हवेद्वारे वेगाने पसरतो
Ans: लक्षणे दिसण्यापूर्वी ४ दिवस आणि पुरळ उठल्यानंतर ४ दिवसांपर्यंत रुग्ण संसर्गजन्य असू शकतो.
.png "Videos"){kind=small}
