विकेंड ट्रिपसाठी परफेक्ट, सह्याद्रीच्या कुशीत वसलेल्या ‘सापुतारा’ला भेट दिलीये का? इथेच प्रभू श्रीरामांनी 11 वर्षे केला होता निवास

गुजरातच्या डांग जिल्ह्यातील सापुतारा हे राज्यातील एकमेव हिल स्टेशन असून निसर्गरम्य वातावरण, हिरवीगार जंगले आणि शांत परिसरामुळे पर्यटकांचे आवडते ठिकाण बनले आहे. पावसाळ्यात येथील सौंदर्य अधिक खुलून दिसते.

• सापुतारा सह्याद्री पर्वतरांगेत सुमारे १,००० मीटर उंचीवर वसले आहे.
• भगवान श्रीरामांनी वनवासातील ११ वर्षे येथे घालवल्याची मान्यता आहे.
• सापुतारा तलाव, व्हॅली व्ह्यू पॉइंट, गिरा धबधबा आणि हातगड किल्ला पर्यटकांना आकर्षित करतात.

गुजरातचं नाव मनात आलं की आपल्याला इथली खाद्यसंस्कृती, कच्छचे रण आणि द्वारकाधीश मंदिरासारखी ठिकाणे आठवू लागतात. पण आज आम्ही तुम्हाला इथल्या एका सुंदर हिल स्टेशनची माहिती सांगणार आहोत जिथे तुम्ही सुट्ट्यांचा चांगला वेळ घालवू शकता. गुजरातला जाात असाल तर या ठिकाणाला भेट द्यायला चुकूनही विसरु नका. हे ठिकाण गुजरातच्या पश्चिमी घाटावर वसलेले एक हिल स्टेशन आहे ज्याचे नाव आहे सापुतारा. निसर्ग प्रेमींसाठी हे ठिकाण एक परफेक्ट पर्याय ठरते. इथले नैसर्गिक साैंदर्य मनाला शांती मिळूवून देते, तसेच कामाचा थकवा दूर करण्यास मदत करते.

Travel News : भारतीय पर्यटकाने दाखवले ओमानचे अद्भुत सौंदर्य, 400 वर्षे जुनी कहाणी

सह्याद्रीच्या पर्वतरांगेत वसले आहे ठिकाण

गुजरातच्या डांग जिल्हायातील सह्याद्रीच्या डोंगररांगेत सातपुरा हे एकमेव हिल स्टेशन वसले आहे. समुद्रसपाटीपासून याची उंची १००० मीटरच्या आसपास आहे. हिरवेगार जंगल, शांत वातावरण आणि प्रसन्न वातावरण ठिकाणाला आणखी खास बनवते. सातपुरा या नावाचा अर्थ सापांचे घर असे आहे. इथल्या जंगलात सापांच्या विभिन्न प्रजाती पाहायला मिळते. याच भागातून सर्पगंगा नावाची नदी देखील वाहते जिच्यावरुन ठिकाणाला सातपुरा नाव देण्यात आले आहे.

भगवान रामाच्या वनवासातील ११ वर्षे

पर्यटनासाठीच नाही धार्मिक दृष्टिकोणातूनही ठिकाणाला चांगलेच महत्त्व प्राप्त झाले आहे. सातपुरा या थंड हवेच्या ठिकाणीच भगवान श्री रामाने आपल्या वनवासातील ११ वर्षे घालवली होती, त्यांनी इथे निवास केला होता.

Travel News : भारतातील 3 सुप्रसिद्ध कृष्ण मंदिर… भाविकांनी एकदा तरी नक्की भेट द्या

कोणकोणती ठिकाणे पाहता येतात?

• जर तुम्ही सातपुराला भेट देण्याचा विचार करत असाल तर इथली काही सुंदर ठिकाणे पाहायला चुकूनही विसरु नका.
• आपल्या पार्टनरसोबत रोमँटिक वेळ घालवायचा असेल तर ‘व्हॅली व्ह्यू पॉइंट’ला भेट देणे उत्तम ठरेल. इथे सूर्योदयाचे सुंदर दृष्य पाहता येते. सनसेट पाॅईंटला इथे गांधी शिखर असे म्हटले जाते. इथे जाण्यासाठी तुम्हाला ट्रेकिंग करावी लागेल.
• बोटिंग करायची असल्यास सातपुरा तलावाला भेट देणे योग्य ठरेल. इथे तुम्हाला रो बोट, पॅडल बोट आणि सेलबोटसारख्या सुविधा उपलब्ध मिळतील.
• सापुतारापासून ५० किलोमीटर अंतरावर गिरा धबधबा आहे. पावसाळ्यात याचे साैंदर्य मंत्रमुग्ध करणारे बनते
• गुजरात आणि महाराष्ट्राच्या सीमेवर असलेला हातगड किल्ला आहे. हा किल्ला सापुतारापासून अवघ्या ५ किमी अंतरावर आहे. १७ व्या शतकात, छत्रपती शिवाजी महाराजांनी या किल्ल्याची स्थापना केली होती.