उन्हाळ्यात शरीरासाठी अमृत ठरेल सत्तूचे सरबत! उष्माघात आणि डिहायड्रेशनपासून मिळेल कायमची सुटका

उन्हाळ्याच्या दिवसांमध्ये शरीरात थंडावा टिकून राहण्यासाठी सत्तूचे सरबत प्यावे. हे सरबत प्यायल्यामुळे शरीरात तात्काळ ऊर्जा मिळते आणि आरोग्य चांगले राहण्यस मदत होते.

कडक उन्हात कुठेही बाहेर फिरून आल्यानंतर शरीरातील पाण्याची पातळी कमी होण्यासोबतच ऊर्जा सुद्धा कमी होते. सतत येणारा घाम, कडक ऊन इत्यादी अनेक गोष्टींचा आरोग्यावर लगेच परिणाम दिसून येतो. उन्हाळ्याच्या दिवसांमध्ये सहज पचन होणाऱ्या साध्या पदार्थांचे सेवन करावे. कारण आहारात तिखट किंवा तेलकट पदार्थ खाल्ल्यामुळे शरीराची पचनक्रिया पूर्णपणे बिघडून जाते. ज्याच्या परिणामामुळे पोटात उष्णता वाढते आणि बद्धकोष्ठता, अपचन किंवा ऍसिडिटी होण्याची शक्यता असते. त्यामुळे उन्हाळ्यात सहज पचन होणाऱ्या हलक्या पदार्थांचे सेवन करावे.शरीराला तात्काळ ऊर्जा आणि पोषण देण्यासाठी उन्हाळ्यात सत्तूचे सरबत प्यावे. भाजलेल्या हरभाऱ्यांपासून बनवलेले सत्तूचे सरबत शरीरात थंडावा टिकवून ठेवते आणि उष्णता नष्ट करण्यास मदत करते. सकाळच्या नाश्त्यात नियमित एक ग्लास सत्तूचे सरबत प्यायल्यास कायमच तुम्ही निरोगी राहाल. चला तर जाणून घेऊया सत्तूचे सरबत बनवण्याची सोपी कृती.(फोटो सौजन्य – istock)

दिवसाची सुरुवात करा पौष्टिक पदार्थाच्या सेवनाने! नाश्त्यात १० मिनिटांमध्ये बनवा चविष्ट मल्टी विटामिन भेळ

साहित्य:

• सत्तूचे पीठ
• थंड पाणी
• लिंबाचा रस
• काळे मीठ
• भाजलेल्या जिऱ्याची पावडर
• कांदा
• हिरवी मिरची
• कोथिंबीर
• पुदिन्याची पाने

Summer Skin Care: वाढत्या उन्हाळ्यात सुद्धा त्वचेला मिळेल भरपूर पोषण! १० मिनिटांमध्ये घरीच तयार करा Detox water

कृती:

• सत्तूचे सरबत बनवण्यासाठी सर्वप्रथम, मोठ्या वाटीमध्ये सत्तूचे पीठ घ्या. त्यानंतर त्यात थंड पाणी मिक्स करून घ्या. पिठात अजिबात गुठळ्या ठेवू नये.
• त्यानंतर त्यात आवश्यकतेनुसार पाणी घालून व्यवस्थित मिक्स करून घ्या.
• तयार केलेल्या मिश्रणात बारीक चिरून घेतलेला कांदा, हिरवी मिरची, कोथिंबीर, काळे मीठ घालून व्यवस्थित मिक्स करा.
• सगळ्यात शेवटी लिंबाचा रस आणि भाजलेल्या जिऱ्याची पावडर घालून पीठ व्यवस्थित मिक्स करा.
• तयार केलेले सरबत ग्लासात ओतून त्यात पुदिन्याची पाने घालून पिण्यासाठी सर्व्ह करा.
• तयार आहे सोप्या पद्धतीमध्ये बनवलेले पौष्टिक सत्तूचे सरबत. हे सरबत प्यायल्यामुळे शरीराची पचनक्रिया चांगली राहते.