अचानक मोठ्या प्रमाणावर केस गळती वाढली आहे? आरोग्यासंबंधित असू शकतात ‘या’ गंभीर आजाराचे संकेत

अचानक वाढलेली केस गळती गंभीर आजाराचे संकेत देते. त्यामुळे शरीर आणि केसांसंबधित दिसणाऱ्या कोणत्याही लक्षणांकडे दुर्लक्ष न करता वेळीच योग्य ते उपचार करणे फार आवश्यक आहे.

लहान मुलांपासून ते अगदी मोठ्यांपर्यंत सगळ्यांमध्ये केस गळणे, केसांमध्ये कोंडा, केस तुटणे इत्यादी असंख्य समस्या दिसून येतात. वारंवार केस गळणे हे काहींना अतिशय सामान्य वाटते. केसांच्या गुणवत्तेवर परिणाम झाल्यानंतर केस पातळ होऊन जातात. बदलते हवामान, धूळ, माती आणि प्रदूषणाच्या दीर्घकाळ सानिध्यात राहिल्यामुळे केस गळण्याची जास्त शक्यता असते. नियमित ५० केस गळणे अतिशय सामान्य मानले जाते. पण ५० पेक्षा जास्त किंवा मुठी एवढे केस नियमित गळणे सामान्य असू शकत नाही. केसांच्या समस्यांकडे दुर्लक्ष न करता वेळीच योग्य ते उपचार करणे फार आवश्यक आहे. बऱ्याचदा केस गळण्यास सुरुवात झाल्यानंतर महिला बाजारात उपलब्ध असलेल्या महागड्या हेअर केअरचा वापर करतात. पण चुकीचे किंवा खूप जास्त केमिकल असलेले प्रॉडक्ट वापरल्यामुळे केसांच्या समस्या कमी होण्याऐवजी आणखीनच वाढतात.(फोटो सौजन्य – istock)

रात्री झोपण्याआधी चेहऱ्यावर लावा नॅचरल नाईट सीरम, पिग्मेंटेशन-सुरकुत्या १५ दिवसांमध्ये होतील कायमच्या गायब

मानसिक तणाव, हवामानात होणारे बदल इत्यादी सोबतच शरीरसंबंधित गंभीर आजारांची लागण झाल्यानंतर किंवा गोळ्या औषधांच्या दुष्परिणामामुळे केसांच्या समस्या वाढून खूप जास्त केस गळतात. कोणत्याही कारंणाशिवाय अचानक केस गळती होत असेल तर दुर्लक्ष न करता तातडीने डॉक्टरांच्या सल्ल्याने उपचार करणे फार आवश्यक आहे. आज आम्ही तुम्हाला केस गळणे हे आरोग्यासंबंधित कोणत्या गंभीर आजाराचे संकेत आहेत, याबद्दल सविस्तर माहिती सांगणार आहोत. ही लक्षणे शरीरात दिसू लागल्यास डॉक्टरांचा सल्ला घेऊन उपचार करावेत.

थायरॉइडची समस्या:

महिलांमध्ये थायरॉइडची समस्या वाढू लागल्यानंतर मोठ्या प्रमाणावर खूप जास्त केस गळतात. थायरॉइड ही अतिशय साधी वाटणारी शरीरसंबंधित गंभीर समस्या आहे. त्यामुळे दुर्लक्ष न करता डॉक्टरांच्या सल्ल्याने उपचार करावेत. मानेच्या समोर असलेली ग्रंथी शरीराचे मेटाबॉलिझम नियंत्रित ठेवते. यामुळे हायपोथायरॉइड किंवा हायपरथायरॉइड अशा दोन स्थिती निर्माण होतात, ज्यामुळे केसांच्या मुळांना आवश्यक पोषक मिळत नाही आणि केस कमजोर होऊन खूप जास्त प्रमाणात गळतात.

एलोपेशिया एरियाटा:

एलोपेशिया एरियाटामध्ये शरीराची इम्युन सिस्टिम केसांच्या मुळांवर हल्ला करते. ज्याच्या परिणामामुळे केसांची मूळ खूप जास्त कमकुवत होतात आणि झपाट्याने केस गळून टक्कल पडण्याची जास्त शक्यता असते. यामुळे केसांमध्ये गोल पॅच दिसू लागतात. तसेच शरीरात लोहाची पातळी कमी झाल्यानंतर सुद्धा मोठ्या प्रमाणावर केस गळती होण्यास सुरुवात होते.

उष्णता, मुरुमे आणि बद्धकोष्ठतेवर रामबाण उपाय, उन्हाळ्यात फक्त 1 ग्लास हा ज्यूस प्या आणि कमाल पाहा; पैसे घालवण्याचीही गरज नाही

केसांच्या मुळांना आवश्यक पोषक घटक आणि ऑक्सिजन न मिळाल्यामुळे केसांच्या गुणवत्तेवर परिणाम दिसू लागतो. सुरुवातीच्या दिवसांमध्ये अतिशय सामान्य वाटणाऱ्या समस्या कालांतराने गंभीर स्वरूप घेतात. त्यामुळे दुर्लक्ष न करता योग्य ते उपचार करणे आवश्यक आहे. सतत केस गळणे,. केसांमधून गाठ पडणे किंवा टक्कल पडल्यासारखे वाटत असेल तर वेळीच डॉक्टरांचा सल्ला घ्यावा.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.