Summer Skin Care: उन्हामुळे स्कीन टॅन झालीये? मग घरीच बनवा ‘हे’ फेस पॅक, चेहरा उजळेल

Tan Removal Home Made Pack: कडाक्याच्या उन्हात त्वचा टॅन होते. ही टॅनिंग काढण्यासाठी तुम्ही घरीच अगदी सोप्या पद्धतीने फेस पॅक बनवू शकता. कसं, जाणून घ्या.

• स्कीन टॅनिंगला कंटाळलात?
• घरीच बनवा ‘हे’ फेस पॅक
• काही दिवसातच दिसेल फरक

उन्हाळा सुरु झाल्यावर त्वचा काळी पडणे ही सर्वात मोठी आणि सामान्य समस्या आहे. कडाक्याचे ऊन आणि प्रदूषण यामुळे त्वचा काळपट होते. टॅनिंग काढण्यासाठी बाजारात अनेक महागडे प्रोडक्ट्स उपलब्ध आहेत. परंतु हे प्रोडक्ट प्रत्येकाच्या स्कीन टाइपसाठी योग्य नसतात. यामुळे अनेकदा त्वचा आणखी काळी पडते किंवा अॅलर्जी होण्याची शक्यता वाढते. म्हणून आज आम्ही तुम्हाला घरच्या घरी अगदी सोप्या पद्धतीने टॅनिंग काढण्यासाठी फेस पॅक कसा बनवायचा हे सांगणार आहोत, जाणून घेऊयात.

Health Tips: फ्रिजमध्ये मळून ठेवलेलं पीठ किती सुरक्षित? आरोग्यावर कसा होतो परिणाम

घरीच बनवा ‘हे’ फेस पॅक

हळद, बेसन आणि दहीचा पॅक

दोन चमचे बेसन, अर्धा चमचा हळद, एक चमचा दही आणि दूध एकत्र मिसळा. त्वचा पाण्याने स्वच्छ धुऊन ही पेस्ट काळपट झालेल्या त्वचेवर लावा. १० मिनिटांनंतर चेहरा धुवून स्वच्छ करा. तुम्ही हा पॅक आठवड्यातून २ ते ३ वेळा लावू शकता.

बटाट्याचे रस

त्वचेवरील टॅनिंग काढण्यासाठी बटाटा हा एक प्रभावी घरगुती उपाय मानला जातो. यामध्ये कॅटेकोलेज नावाचे एक एन्झाइम असते, जे त्वचेचा रंग उजळण्यास मदत करते. तीन कच्च्या बटाट्यांची पेस्ट तयार करा आणि चेहऱ्यावर लावा. तुम्ही बटाटा अर्धा कापूनही वापरू शकता.

कोरफडीचे जेल

कोरफड त्वचेला मॉइश्चरायइज्ड आणि हायड्रेट करते. तसेच त्वचेवरील टॅनिंग दूर करण्यास मदत करते. दररोज रात्री झोपण्यापूर्वी कोरफडीचा जेल लावल्याने त्वचा निरोगी आणि चमकदार होते.

दही आणि हळदीचे पॅक

हात, पाय, मान किंवा चेहऱ्यावरील टॅनिंग काढण्यासाठी तुम्ही दही आणि हळदीचे मिश्रण लावू शकता. दहीमधील प्रोबायोटिक्स आणि हळदीतील अँटी-इन्फ्लेमेन्टकी गुणधर्म त्वचेला चमकदार करण्यास मदत करतात. तसेच, त्वचेचे फ्री रॅडिकल्सपासून संरक्षण करतात. ही पेस्ट बनवण्यासाठी, एका वाटीत ३ ते ४ चमचे दही घ्या. यामध्ये अर्धा चमचा हळद मिक्स करा. ही पेस्ट त्वचेचवर लावून २० मिनिटांसाठी ठेवा. नंतर थंड पाण्याने धुवा. सर्वोत्तम परिणामांसाठी ही पेस्ट किमान दोन आठवड्यातून ३ ते ४ वेळ वापरा.

लिंबू आणि मध

लिंबामध्ये नैसर्गिक ब्लीचिंग गुणधर्म असतात जे टॅनिंग कमी करण्यास मदत करतात. मध त्वचेला मॉइश्चराइज्ड करण्यास मदत करते. दोन चमचे मध घ्या. यामध्ये अर्धा चमचा लिंबाचा रस मिक्स करा आणि १० ते १५ मिनिटांसाठी हा पॅक चेहऱ्यावर लावा. त्यानंतर चेहरा थंड पाण्याने धुवा.

टोमॅटो

टोमॅटो हे लायकोपीनने समृद्ध असलेले एक नैसर्गिक सनस्क्रीन आहे. यामध्ये भरपूर प्रमाणात अँटी-ऑक्सिडंट्स आढळतात. जे त्वचेचे फ्री रॅडिकल कणांपासून संरक्षण करतात. टॅनिंग काढण्यासाठी टोमॅटोचे काप करून चेहऱ्यावर लावा आणि २० मिनिटे तसेच राहू द्या. यामुळे त्वचेवरील टॅन निघून जाईल.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

Health Tips: वयानुसार शरीराला किती Vitamin D हवे? ‘हे’ ५ सुपरफूड्स कमतरता करतील दूर