Summer Special : तुम्ही कधी मँगो पुलाव खाल्ला आहे का? सीजन संपण्याआधी एकदा घरी नक्की ट्राय करा

Mango Rice Recipe : आंब्यापासून आईस्क्रिम, ज्यूस, शेक असे अनेक पदार्थ बनवून तुम्ही खाल्ले असतील पण आंब्याचा पुलाव ही रेसिपी अनेकांना माहिती नाही. चवीला हा हलका गोड लागतो आणि उन्हाळ्यात खास करुन बनवला जातो.

• आंबा अनेकांना खायला आवडतो.
• तुम्ही कधी आंब्याचा पुलाव ट्राय केला आहे का?
• हा पुलाव चवीला फार अप्रतिम लागतो.

उन्हाळा सुरू झाला की बाजारात आंब्यांचा सुगंध दरवळू लागतो. आंब्यापासून बनवलेले शेक, लस्सी, आईस्क्रीम किंवा विविध गोड पदार्थ आपण अनेकदा चाखले असतील. पण फार कमी लोकांनी आंबा पुलावाची चव चाखली आहे. हा पुलाव चवीला फार अप्रतिक लागतो. पिकलेल्या आंब्याची नैसर्गिक गोडी, सुगंधी बासमती तांदूळ आणि सुका मेव्याची कुरकुरीत चव यांचे अप्रतिम मिश्रण या पुलावात अनुभवायला मिळते. हा पदार्थ खास पाहुण्यांसाठी किंवा एखाद्या विशेष जेवणासाठी उत्तम पर्याय ठरू शकतो. शिवाय तो कमी वेळात तयार होतो आणि त्याची आकर्षक चव सर्वांनाच आवडते. चला तर मग, घरच्या घरी स्वादिष्ट आंबा पुलाव कसा बनवायचा याची रेसिपी जाणून घेऊया.

अधिक महिन्यात जावयाला वाण म्हणून देण्यासाठी सोप्या पद्धतीमध्ये बनवा शाही रोझ पिस्ता बर्फी, नोट करा रेसिपी

साहित्य

• १ कप बासमती तांदूळ
• १ ½ कप पिकलेल्या आंब्याचे तुकडे
• २ मोठे चमचे आंब्याचा गर
• २ मोठे चमचे तूप
• १० काजू
• १० बदाम (बारीक कापलेले)
• १ मोठा चमचा मनुका
• ३ हिरव्या वेलची
• केशराचे काही धागे (कोमट दुधात भिजवलेले)
• २ मोठे चमचे गूळ पावडर किंवा साखर (ऑप्शनल)
• २ कप पाणी

Bread Rasmalai: घरच्या घरी १५ मिनिटांत झटपट तयार करा ब्रेड रसमलाई; जाणून घ्या सोपी रेसिपी

कृती

• बासमती तांदूळ स्वच्छ धुऊन काही वेळ पाण्यात भिजत ठेवा. त्यानंतर तांदूळ शिजवून घ्या.
• तांदळाचे दाणे मोकळे राहतील याची काळजी घ्या आणि शिजलेला भात थंड होऊ द्या.
• एका पॅनमध्ये तूप गरम करून त्यात काजू, बदाम आणि मनुका हलके सोनेरी रंग येईपर्यंत भाजून घ्या.
• आता त्यात वेलची आणि केशर मिसळलेले दूध घाला. काही सेकंद हलवत शिजवा, जेणेकरून सुगंध छान खुलून येईल.
• यानंतर आंब्याचा गर आणि गूळ पावडर किंवा साखर घालून मंद आचेवर थोडावेळ शिजवा.
• तयार मिश्रणात शिजवलेला भात आणि आंब्याचे तुकडे घाला. भाताचे दाणे तुटणार नाहीत याची काळजी घेत
• हलक्या हाताने सर्व साहित्य एकत्र करा.
• शेवटी भाजलेला सुका मेवा वरून पसरवा आणि काही मिनिटे झाकून ठेवा, जेणेकरून सर्व चव एकमेकांत छान मुरेल.
• गरम किंवा कोमट आंबा पुलाव सर्व्ह करा आणि उन्हाळ्यातील या खास स्वादाचा आनंद घ्या.