घशात साचून राहिलेला कोरडा कफ क्षणार्धात पडून जाईल बाहेर! एक चमचा मधात मिक्स करा ‘हा’ पिवळा पदार्थ, खोकला होईल कमी

महिनाभर साखर खाणे पूर्णपणे बंद केल्यास शरीरावर दिसून येतात ‘हे’ सकारात्मक परिणाम, त्वचा दिसेल चमकदार

कोरड्या खोकल्यामुळे रात्री व्यवस्थित झोप येत नाही. वारंवार येणाऱ्या खोकल्यामुळे छातीत वेदना किंवा घशात वेदना होणे, डोकं दुखणे इत्यादी अनेक समस्या वाढून आरोग्य बिघडून जाते. आज आम्ही तुम्हाला कोरड्या खोकल्यापासून आराम मिळवण्यासाठी चमचाभर मधात कोणते पदार्थ मिक्स करून खावेत, याबद्दल सविस्तर माहिती सांगणार आहोत. यामुळे घशात वाढलेली जळजळ कमी होते आणि खोकल्यापासून आराम मिळतो.

घशातील सूज होईल कमी:

प्रत्येक स्वयंपाक घरात मध असतेच. मधाचे सेवन केल्यामुळे शरीराला भरमसाट फायदे होतात. यामध्ये असलेले घटक शरीरातील विषाणू नष्ट करतात. मधात आढळून येणारे नैसर्गिक एन्झाइम्स घशात वाढलेली जळजळ आणि सूज कमी करतात. श्वसन नलिकेत साचलेला घट्ट कफ सैल करण्यासाठी सकाळी उठल्यानंतर नियमित एक चमचा मधाचे सेवन करावे. यामुळे छातीत जमा झालेला कफ मोकळा होईल. रात्री येणाऱ्या खोकल्यापासून आराम मिळवण्यासाठी मधाचे सेवन करावे.

सेवन करण्याची सोपी पद्धत:

खोकल्यापासून आराम मिळवण्यासाठी मधात तूप, हिंग आणि थोडी हळद पावडर मिक्स करून घ्या. तयार केलेले चाटण कोमट पाण्यासोबत सेवन करा. यामुळे छातीत जमा झालेला कोरडा कफ नष्ट होईल आणि शरीराला सुद्धा भरमसाट फायदे होतील. कोरडा खोकला कायमच रात्रीच्या वेळी येतो. त्यामुळे चाटण रात्री झोपण्याआधी घ्यावे. यामुळे लवकर प्रभाव दिसून येईल. सकाळी उठल्यानंतर घसा मोकळा आणि स्वच्छ होईल.

Dolo चा ओव्हरडोस लिव्हरसाठी ठरेल अतिशय घातक! चुकूनही करू नका सेवन, शरीरात दिसतील ‘ही’ गंभीर लक्षणे

हळदीचे फायदे:

हळदीमध्ये नैसर्गिक अँटी-बायोटिक गुणधर्म आढळून येतात, ज्यामुळे संसर्गांशी लढण्यास ताकद मिळते. हळदीमध्ये असलेले कर्क्युमिन खोकल्यात वाढलेले विषाणू नष्ट करण्यासाठी मदत करते. त्यामुळे चाटण तयार करताना न चुकता हळदीचा वापर करावा. तसेच हळद तुम्ही तुपासोबत सुद्धा घेऊ शकता. हळदीच्या सेवनामुळे तात्काळ फरक दिसून येईल.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या