जिभेला सुटेल पाणी! आंबट गोड कच्च्या कैरीपासून घरीच बनवा कोशिंबीर, गरमागरम भाकरीसोबत लागेल चविष्ट

आज आम्ही तुम्हाला सोप्या पद्धतीमध्ये कैरीची कोशिंबीर बनवण्याची रेसिपी सांगणार आहोत. हा पदार्थ सगळ्यांचं खायला खूप जास्त आवडेल आणि चव सुद्धा भारी लागेल. चला तर जाणून घेऊया रेसिपी.

उन्हाळा ऋतूला सुरुवात झाल्यानंतर बाजारात मोठ्या प्रमाणावर कैरी उपलब्ध होतात. आंबट गोड चवीची कैरी खायला सगळ्यांचं खूप जास्त आवडते. उन्हाळ्याच्या दिवसांमध्ये कैरीपासून अनेक वेगवेगळे पदार्थ सुद्धा बनवले जातात. कैरीचे पन्ह, कैरीचे लोणचं, मुरंबा इत्यादी चटपटीत पदार्थ बनवले जातात. पण आज आम्ही तुम्हाला आंबट गोड चवीच्या कैरीपासून चटपटीत मसालेदार कैरीची कोशिंबीर बनवण्याची सोपी रेसिपी सांगणार आहोत. कैरीची कोशिंबीर तुम्ही भात, वरण, पोळी किंवा भाकरीसोबत सुद्धा खाऊ शकता. कमीत कमी साहित्यात झटपट बनवलेली कोशिंबीर सगळ्यांचं खायला खूप जास्त आवडेल. साध्या जेवणाची चव वाढवण्यासाठी बऱ्याचदा बाजारातून विकतचे लोणचं किंवा इतर पदार्थ आणून खाल्ले जातात. पण नेहमीच विकतचे पदार्थ खाणे शरीरासाठी अजिबात चांगले नाही. उन्हाळ्याच्या दिवसांमध्ये प्रत्येक घरात कैरीपासून अनेक वेगवेगळे पदार्थ बनवले जातात. आंबटगोड कैरीपासून बनवलेले पदार्थ पाहिल्यानंतर सगळ्यांच्या तोंडाला पाणी सुटते. चला तर जाणून घेऊया रेसिपी.(फोटो सौजन्य – istock)

Summer Special : तिखट नाही तर यंदा घरी बनवा आंबट गोड चवीचं ‘कैरीचं लोणचं’, पारंपरिक रेसिपी नोट करा

साहित्य:

• कच्ची कैरी
• कांदा
• टोमॅटो
• लसूण
• तेल
• साखर
• हळद
• लाल तिखट
• हिंग
• गरम मसाला
• कोशिंबीर
• मीठ

Recipe : खास प्रसंगी मेजवानी करा चवदार, घरी बनवा रेस्टाॅरंट स्टाईल कुरकुरीत आणि सॉसी ‘पनीर क्रिस्पी’

कृती:

• कच्च्या कैरीपासून कोशिंबीर बनवण्यासाठी सर्वप्रथम, कैरी काहीवेळ पाण्यात भिजत ठेवा. त्यानंतर साल काढून बारीक बारीक तुकडे करा.
• त्याप्रमाणे कांदा, टोमॅटो आणि कोथिंबीर सुद्धा बारीक कापून घ्या. यामुळे चव अतिशय सुंदर लागेल.
• मोठ्या वाटीमध्ये कैरी घेऊन त्यात चवीनुसार मीठ टाका आणि काहीवेळ तसेच ठेवून द्या. यामुळे कैरीला पाणी सुटेल आणि मऊ होईल.
• त्यानंतर त्यात बारीक चिरलेला कांदा, टोमॅटो, कोथिंबीर घालून व्यवस्थित मिक्स करा. त्यानंतर त्यात हळद, लाल तिखट, गरम मसाला घालून व्यवस्थित मिक्स करा.
• फोडणीच्या वाटीमध्ये तेल गरम करून त्यात बारीक ठेचून घेतलेला लसूण, मोहरी, हिंग घालून लालसर होईपर्यंत भाजा.
• त्यानंतर भाजलेली फोडणी कैरीच्या मिश्रणात टाकून व्यवस्थित चमच्याने मिक्स करा. त्यानंतर काहीवेळ तसेच ठेवून खाण्यासाठी सर्व्ह करा.
• तयार आहे सोप्या पद्धतीमध्ये बनवलेली चटपटीत कच्च्या कैरीची कोशिंबीर.