पोटावर वाढलेली चरबी झपाट्याने कमी करेल ‘हे’ बारीक दाण्यांचे जादुई पाणी, उपाशी पोटी नियमित करा सेवन

वजन वाढल्यानंतर अनेक लोक आहारात वेगवेगळ्या पदार्थांचे सेवन करतात. याशिवाय आहारात प्रोटीनशेक, वेगवेगळे डाएट इत्यादी अनेक गोष्टी फॉलो केल्या जातात. मात्र यामुळे वाढलेल्या वजनावर फारसा परिणाम दिसून येत नाही. बाजारातील कोणत्याही केमिकलयुक्त प्रोटीनशेकचे सेवन करण्याऐवजी घरगुती पेयांचे सेवन करावे. आज आम्ही तुम्हाला वाढलेले वजन कमी करण्यासाठी आहारात कोणत्या पेयांचे सेवन करावे, याबद्दल सविस्तर माहिती सांगणार आहोत. यामुळे पोटावर वाढलेला चरबीचा घेर कमी होईल.

मेटाबॉलिज्म वाढवण्यास मदत:

ओव्याचे पाणी नियमित प्यायल्यास शरीरावर वाढलेली चरबी कमी होण्यास मदत होते. याशिवाय शरीराचे मेटाबॉलिज्म सुधारण्यास मदत होते. ओव्यांमध्ये थायमॉल आणि अ‍ॅन्टीऑक्सिडंट्स घटक आढळून येतात. यामुळे शरीराचे वाढलेले वजन झपाट्याने कमी होते. सकाळी उठल्यानंतर उपाशी पोटी ओव्याचे पाणी प्यायल्यास शरीरातील विषारी घाण बाहेर पडून जाईल आणि शरीर स्वच्छ होईल . ओव्याचे पाणी प्यायल्यामुळे अन्नाचे विघटन लवकर होते आणि शरीरावर साठलेली चरबी कमी होऊन जाते.

पोटावरील चरबी कमी होते:

बऱ्याचदा शरीराच्या अनेक अवयवांवर अनावश्यक चरबीचा घेर वाढू लागतो. शरीरावर वाढलेल्या चरबीमुळे वजन वाढत जाते आणि शरीर फुगल्यासारखे वाटू लागते. शरीरावरील बेली फॅट कमी करण्यासाठी ओव्याचे पाणी प्यावे. उपाशी पोटी ओव्याच्या पाण्याचे सेवन केल्यामुळे पोटात आलेली सूज कमी होते आणि शरीर सुधारते.

चेहऱ्यावर केलेला मेकअप रिमूव्हर करण्यासाठी प्रियंका चोप्राने सांगितले ‘हे’ घरगुती पदार्थ, त्वचेचे होणार नाही कोणतेच नुकसान

पचनक्रिया सुधारते:

आहारात सतत तेलकट किंवा तिखट पदार्थांचे सेवन केल्यामुळे पचनक्रिया बिघडण्याची शक्यता असते. शरीरात पाण्याची पातळी कमी झाल्यानंतर अन्नपदार्थांचे विघटन होण्यास बराच वेळ लागतो. त्यामुळे पचनक्रिया बिघडण्याची शक्यता असते. आतड्यांमध्ये साचून राहिलेले विषारी घटक आरोग्यासाठी अतिशय घातक आहे. त्यामुळे सकाळी उठल्यानंतर ओव्याचे पाणी प्यावे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या