गर्मीमुळे चेहऱ्यावर खूप जास्त पिंपल्स आणि मुरूम आले आहेत? मग उपाशी पोटी करा ‘या’ हिरव्या पानांचे सेवन, चेहऱ्यावर येईल ग्लो

चेहऱ्यावर आलेले पिंपल्स घालवण्यासाठी कडुलिंबाच्या पानांचे आहारात सेवन करावे. उपाशी पोटी एक किंवा दोन पाने चावून खाल्ल्यास आतड्यांमध्ये जमा झालेली घाण स्वच्छ होईल आणि चेहऱ्यावरील पिंपल्स नाहीसे होतील.

आजकाल सर्वच स्त्रियांना आपली त्वचा कायमच सुंदर आणि चमकदार, डागविरहित हवी असते. पण वातावरणात सतत होणारे बदल, कामाचा वाढता तणाव, आहारात होणारे बदल, अपुरी झोप इत्यादी अनेक गोष्टींचा आरोग्यासोबतच त्वचेवर सुद्धा लगेच परिणाम दिसून येतो. त्यामुळे त्वचेची काळजी घेणे सुद्धा फार आवश्यक आहे. चेहऱ्यावर पिंपल्स, काळे डाग, पिग्मेंटेशन आणि अकाली सुरकुत्या खूप सामान्य समस्या झाली आहे. तरुण वयात सुद्धा त्वचेचा समस्या वाढू लागल्या आहेत. चेहऱ्यावर आलेले पिंपल्स आणि मुरुमांचे काळे डाग घालवण्यासाठी महिला बाजारात उपलब्ध असलेल्या वेगवेगळ्या स्किन केअर प्रॉडक्टचा वापर करतात. कधी फेसपॅक लावून त्वचेची काळजी घेतली जाते तर कधी बाजारात उपलब्ध असलेले महागडे फेसवॉश, फेस स्क्रीम, सिरम इत्यादी अनेक गोष्टी लावल्या जातात. केमिकलयुक्त स्किन केअरच्या वापरामुळे काही काळापुरती त्वचा खूप जास्त सुंदर दिसते.(फोटो सौजन्य – istock)

रफ केसांना म्हणा बाय-बाय! केस धुण्यापूर्वी करा ‘हा’ सोपा उपाय; केस होतील सॉफ्ट, सिल्की आणि चमकदार

चेहऱ्यावर आलेल्या सुरकुत्या, पिंपल्स आणि मुरूम इत्यादी समस्या वाढू लागल्यानंतर सुरुवातीच्या दिवसांमध्ये अजिबात लक्ष दिले जात नाही. कालांतराने समस्या वाढू लागल्यानंतर आरोग्य पूर्णपणे बिघडून जाते. चेहऱ्यावरील ग्लो वाढवण्यासाठी कायमच महागडे प्रॉडक्ट न वापरता घरगुती उपाय करून पाहावेत. घरगुती उपाय केल्यामुळे त्वचा आतून हायड्रेट आणि चमकदार राहण्यास मदत होते. चेहऱ्यावर आलेले पिंपल्स घालवण्यासाठी त्वचेला बाहेर पोषण देण्याऐवजी आतून पोषण देणे सुद्धा तितकेच आवश्यक आहे. चला तर जाणून घेऊया चेहऱ्यावरील पिंपल्स घालवण्यासाठी कोणत्या हिरव्या पानांचे आहारात सेवन करावे.

कडुलिंबाच्या पानांचे फायदे:

मागील बऱ्याच वर्षांपासून शरीरसंबंधित वाढत्या समस्यांपासून आराम मिळवण्यासाठी कडुलिंबाच्या पानांचा वापर केला जातो. यामुळे शरीरातील जुनाट आजार सुद्धा मुळांपासून नष्ट होतो. कडुलिंबाच्या कडवट पानांमुळे फारसे लक्ष दिले जात नाही. पण चेहऱ्यावर आलेले पिंपल्स आणि मुरुमांचे डाग घालवण्यासाठी कडुलिंबाच्या पानांचा आहारात समावेश करावा. नियमित एक किंवा दोन कडुलिंबाची पाने चावून खाल्ल्यास चेहऱ्यावरील पिंपल्स आणि मुरूम कायमचे नष्ट होतील आणि त्वचा अतिशय सुंदर दिसेल.

चेहरा टॅन होतोय? उन्हाळ्यात सनस्क्रिनचं काम करतील ही फळं, फक्त अशाप्रकारे करा वापर

कडुलिंबाच्या पानांमध्ये अँटी-बॅक्टेरियल, अँटी- फंगल आणि अंटी- इन्फ्लेमेटरी गुणधर्म मोठ्या प्रमाणावर आढळून येतात. चेहऱ्यावर पिंपल्स आणि डाग येण्याचे मुख्य कारण म्हणजे अशुद्ध रक्त आणि विषारी घटक बाहेर पडून न जाणे. आतड्यांमध्ये साचून राहिलेले विषारी घटक चेहऱ्यावर फोड किंवा पिंपल्स येण्यास कारणीभूत ठरतात. कडुलिंबाच्या पानांचे सेवन केल्यामुळे रक्तातील घाण स्वच्छ होते आणि चेहऱ्यावरील पिंपल्स गायब होतात. कडुलिंबामध्ये ‘निम्बिडिन’ आणि ‘निम्बिन’ नावाचे घटक आढळून येतात. कडुलिंबाची पाने चावून खाल्ल्यास चेहऱ्यावरील मुरुमे, पुळ्या आणि सूज कमी होऊन त्वचा आतून स्वच्छ होते. या पानांमध्ये असलेल्या गुणधर्मांमुळे त्वचेमधील मेलेनिनची पातळी नियंत्रणात राहण्यास मदत होते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.