विकेंड स्पेशल घरी काहीतरी चमचमीत होऊन जाऊद्यात; एकदा नक्की बनवून पहा मसालेदार Chicken Tikka Biryani

बिर्याणी म्हणजे खवय्यांसाठी ही एक पर्वणीच आहे! मात्र तुम्ही कधी चिकन टिक्का बिर्याणी खाल्ली आहे का? स्मोकी चिकन आणि त्यात सुगंधित भात यांचे उत्कृष्ट मिश्रण चवीला फार छान लागते.

विकेंडचा दिवस जवळ येत आहे. अशात अनेकांच्या घरी नॉन व्हेजचा प्लॅन बनतो. नॉन व्हेज पदार्थांमध्येही बिर्याणी हा सर्वात लोकप्रिय आणि प्रसिद्ध डिश. अनेकदा हॉटेलमध्ये गेल्यावर बिर्याणी हा पदार्थ आवर्जून ऑर्डर केला जातो अशात सर्वांच्या आवडीची ही बिर्याणी तुम्ही कधी घरी बनवून पाहिली आहे का? आज आम्ही तुमच्यासाठी बिर्याणीची एक हटके आणि चविष्ट रेसिपी घेऊन आलो आहोत ज्याचे नाव आहे चिकन टिक्का बिर्याणी.

व्हेज फलाफल कधी ट्राय केलं आहे का? हेल्दी आणि टेस्टी या पदार्थाची रेसिपी जाणून घ्या

नॉर्मल बिर्याणीपेक्षा याची चव आणि बनवण्याची पद्धत काहीशी वेगळी आहे. यात चिकनला मसाल्यांमध्ये मॅरीनेट करून रोस्ट केले जाते आणि नंतर भातासोबत लेयर देऊन याला शिजवले जाते. याची चव फार छान लागते आणि विकेंड किंवा कोणत्या खास प्रसंगी बनवण्यासाठी हा एक उत्तम पर्याय आहे. चला जाणून घेऊया यासाठी लागणारे साहित्य आणि कृती.

साहित्य

• बोनलेस चिकन – 500 ग्रॅम
• दही – ½ कप
• आले-लसूण पेस्ट – 2 टेबलस्पून
• लाल तिखट – 1 टेबलस्पून
• हळद – 1 टीस्पून
• गरम मसाला – 1 टीस्पून
• लिंबाचा रस – 1 टेबलस्पून
• मीठ – चवीनुसार
• तेल – 1 टेबलस्पून
  बासमती तांदूळ – 2 कप (30 मिनिटे भिजवलेले)
• कांदे – 2 मोठे (तळून कुरकुरीत)
• टोमॅटो – 1 मध्यम (कापलेले)
• दही – ½ कप
• बिर्याणी मसाला – 2 टेबलस्पून
• कोथिंबीर आणि पुदिना – बारीक चिरलेले
• केशर दूध – 2 टेबलस्पून
• तूप किंवा तेल – 3 टेबलस्पून
• मीठ – चवीनुसार

इंडो-चायनीज पदार्थ खायला फार आवडतात? मग घरी बनवून पहा हॉटेल स्टाईल Paneer Chili Dry

कृती

• यासाठी सर्वप्रथम एका बाउलमध्ये चिकन, दही, आले-लसूण पेस्ट, हळद, तिखट, लिंबाचा रस, मीठ, गरम मसाला आणि तेल घालून मिक्स करा.
• हे मिश्रण किमान 1 तास मॅरिनेट करा (रात्रीसाठी ठेवले तर उत्तम).
• मॅरिनेट केलेले चिकन तवा किंवा ओव्हनमध्ये शेकून घ्या, जोपर्यंत ते पूर्णपणे शिजून थोडं खरपूस होतं.
• बासमती तांदूळ साजूक पाण्यात उकळून 90% शिजवून घ्या. पाणी गाळा आणि थंड होऊ द्या.
• कढईत तेल गरम करून त्यात आले-लसूण पेस्ट, टोमॅटो, हळद, बिर्याणी मसाला आणि दही घालून मिक्स करा.
• हे मिश्रण थोडं परतून त्यात चिकन टिक्का घालून 5 मिनिटे शिजवा.
• एका मोठ्या भांड्यात आधी अर्धे तांदूळ, मग चिकन टिक्का मसाला, मग थोडे तळलेले कांदे, कोथिंबीर-पुदिना लावा.
• पुन्हा वरून उरलेले तांदूळ घालून वरून केशर दूध आणि थोडं तूप शिंपडा.
• भांडे झाकून मंद आचेवर 15-20 मिनिटे दम देऊन बिर्याणी तयार करा.
• गरम गरम चिकन टिक्का बिर्याणी रायता आणि सलाडसह सर्व्ह करा.
• अशा प्रकारे तयार होते मसालेदार आणि सुगंधित चिकन टिक्का बिर्याणी