Diabetes: डायबिटीजमध्ये फळं खाणं बंद करू नका; शुगर कंट्रोलमध्ये ठेवण्यासाठी फक्त ‘या गोष्टी ठेवा लक्षात

Important Precautions While eating Fruits In diabetes: मधुमेहीं रुग्णांनी फळं खाताना कोणती काळजी घ्यावी, तसेच फळं खाण्याची योग्य पद्धत कोणती, जाणून घेऊयात.

• फळं खाल्ल्याने रक्तातील साखर वाढते?
• डायबिटीजच्या रुग्णांनी जाणून घ्या महत्त्वाच्या गोष्टी
• फळं खाताना या चुका टाळा

फळे आरोग्यासाठी अत्यंत फायदेशीर मानली जातात. त्यामध्ये जीवनसत्त्वे, खनिजे, फायबर आणि शरीराला आवश्यक अनेक पोषक घटक असतात. ही पोषक तत्वे शरीराला निरोगी चेवण्यास मदत करतात. परंतु, मधुमेहीं रुग्णांनी फळे खाताना काळजी घेतली पाहिजे. फळांमध्ये नैसर्गिक साखर आणि कार्बोहायड्रेट्स असतात. ज्यामुळे रक्तातील साखरेच्या पातळीवर परिणाम होऊ शकतो. परं, याचा अर्थ असा नाही की मधुमेहींनी फळे खाणे पूर्णपणे टाळावे. तज्ञांच्या मते, योग्य प्रमाणात संपूर्ण फळे खाल्ल्याने मधुमेहाच्या रुग्णांना फायबर आणि आवश्यक पोषक तत्वे मिळू शकतात. पण, महत्वाची बाब म्हणजे, फळे खाताना, कार्बोहायड्रेट्सचे प्रमाण आणि ग्लायसेमिक इंडेक्सकडे दुर्लक्ष करु नये. मधुमेहींच्या रुग्णांनी फळे खाताना कोणती काळजी घ्यावी, जाणून घ्या.

Hair Care Tips: दिवसातून किती वेळा केस विंचरावेत? हेअर केअर करताना ‘या’ चुका टाळा; जाणून घ्या महत्त्वाच्या टिप्स

डायबिटीजमध्ये किवी खाण्याचे फायदे

किवी हे गोड आणि आंबट चवीचे फळ असून ते व्हिटॅमिन सी, फायबर आणि पोटॅशियमचा चांगला स्रोत आहे. माहितीनुसार, एका मध्यम आकाराच्या किवीमध्ये सुमारे ४२ कॅलरीज आणि १० ग्रॅम कार्बोहायड्रेट्स असतात. तसेच, त्यातून सुमारे २ ग्रॅम फायबरही मिळते. किवीमधील फायबर पचनक्रिया सुधारण्यास आणि जेवणानंतर रक्तातील साखरेची वाढ कमी करण्यास मदत करू शकते. मधुमेहाचे रुग्ण किवी हे फळ अख्खे खाऊ शकतात.

सफरचंद खाल्ल्याने फायबर मिळते

सफरचंद हे पोषक तत्वांनी समृद्ध फळ मानले जाते. वैद्यकीय अहवालानुसार, एका मध्यम आकाराच्या सफरचंदात अंदाजे ९५ कॅलरीज, २५ ग्रॅम कार्बोहायड्रेट्स आणि सुमारे ४ ग्रॅम फायबर असते. त्यात व्हिटॅमिन सी आणि अँटीऑक्सिडंट्सदेखील भरपूर प्रमाणात आढळतात. मधुमेही रुग्ण दररोजच्या आहारात सफरचंदचा समावेश करू शकतात. सफरचंदांमधील फायबर तुम्हाला जास्त वेळ पोट भरल्यासारखे वाटण्यास आणि रक्तातील साखर नियंत्रित ठेवण्यास मदत करू शकते.सफरचंद पूर्णपणे धुवून सालीसकट खाणे हा एक चांगला पर्याय आहे. कारण त्याच्या सालीमध्ये देखील फायबर आणि उपयुक्त वनस्पती घटक असतात.

पपई देखील फायदेशीर

पपई ही अनेक पोषक तत्वांनीही परिपूर्ण आहे. त्यात व्हिटॅमिन सी, फायबर, पोटॅशियम आणि इतर आवश्यक पोषक तत्वे असतात. पपईमधील फायबर पचनक्रियेस मदत करते, तर व्हिटॅमिन सी रोगप्रतिकार शक्तीचे कार्य सुरळीत ठेवण्यास मदत करते. मधुमेही रुग्ण मर्यादित प्रमाणात पिकलेली पपई खाऊ शकतात. परंतु, पपईचा ग्लायसेमिक इंडेक्स तिच्या जातीनुसार आणि पिकण्याच्या स्थितीनुसार बदलू शकतो.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

Diabetes: जेवल्यानंतर 15 मिनिटे चालल्याने ब्लड शुगर नियंत्रणात राहते? जाणून घ्या योग्य पद्धत