सेलिब्रिटींमध्ये का फेमस Ice Water Facial? चेहऱ्यावर नियमित बर्फ लावल्यास त्वचेमध्ये दिसून येतात ‘हे’ बदल

त्वचेच्या वाढत्या समस्यांपासून सुटका मिळवण्यासाठी आईस वॉटर फेशिअल करावे. यामुळे चेहऱ्यावर आलेल्या सुरकुत्या कमी होतात आणि त्वचा फ्रेश दिसते. जाणून घ्या आईस वॉटर फेशिअल करण्याचे फायदे.

Ice Water Facial म्हणजे काय?
आईस फेशिअल करण्याचे फायदे?
अभिनेत्रींच्या त्वचेचे रहस्य?

त्वचेची काळजी घेण्यासाठी महिला सतत काहींना काही करत असतात. सगळ्यांचं अभिनेत्रींप्रमाणे सुंदर आणि डागविरहित गोरीपान त्वचा हवी असते. यासाठी बाजारात उपलब्ध असलेले महागडे स्किन केअर, स्किन ट्रीटमेंट इत्यादी अनेक गोष्टी करून घेतल्या जातात. पण तरीसुद्धा त्वचेवर मनासारखा ग्लो दिसत नाही. सुंदर दिसण्यासाठी अभिनेत्री केवळ स्किन केअरच नाहीतर पोषक आहार, ७ ते ८ तासांची शांत झोप, नियमित व्यायाम इत्यादी रुटीनसुद्धा फॉलो करतात. अभिनेत्रींच्या स्किन केअरमधील महत्वपूर्ण गोष्ट म्हणजे बर्फाच्या पाण्यात चेहरा ५ ते १० मिनिटं बुडवून ठेवणे. याला आईस वॉटर फेशिअल असे सुद्धा म्हंटले जाते.(फोटो सौजन्य – istock)

वातावरणातील बदलांमुळे त्वचा टॅन झाली आहे? मग घरच्या घरी करा बटाटा फेशिअल, चेहऱ्यावर येईल नॅचरल ग्लो

वेगवेगळ्या पद्धतीने आईस वॉटर फेशिअल केले जाते. बर्फाच्या पाण्यात १० सेकंद त्वचा बुडवून ठेवणे किंवा ३ ते ४ वेळा त्वचेवर बर्फ घासणे इत्यादी पद्धतीने आईस वॉटर फेशिअल केले जाते. ज्यावेळी बर्फाचा तुकडा त्वचेवर फिरवला जातो, केव्हा काही वेळानंतर त्वचा सुन्न पडून जाते. चला तर जाणून घेऊया आईस वॉटर फेशिअल करण्याची सोपी पद्धत आणि त्वचेला होणारे गुणकारी फायदे. कायमच बाजारात उपलब्ध असलेल्या महागड्या प्रॉडक्टचा वापर त्वचेसाठी करू नये. त्वचेची काळजी घेण्यासाठी बर्फाचा एक तुकडा सुद्धा पुरेसा आहे.

चेहऱ्यावर नियमित ४ ते ५ मिनिटं बर्फ फिरवल्यास त्वचेमध्ये वाढलेली उष्णता कमी होऊन त्वचेमध्ये गारवा निर्माण होईल. बऱ्याचदा सकाळी उठल्यानंतर त्वचेला सूज येते. चेहऱ्यावर आलेल्या सूजमुळे त्वचा फुगल्यासारखी वाटते. त्यामुळे सकाळी उठल्यानंतर चेहऱ्यावर बर्फ फिरवल्यास सूज कमी होऊन चेहरा नेहमीसारखाच दिसेल. डोळ्यांवर वाढलेला पफीनेस कमी करण्यासाठी आईस वॉटर फेशिअल करणे फायदेशीर ठरेल.

मेकअप करण्याच्या १० मिनिटं आधी त्वचेवर बर्फ फिरवावा. यामुळे मेकअप केल्यानंतर पॅच दिसत नाही आणि त्वचा सुंदर दिसते. मेकअप जास्त वेळ टिकवून ठेवण्यासाठी त्वचेवर बर्फ लावावा. यामुळे चेहऱ्यावरील अतिरिक्त तेल सुद्धा कमी होते. वय वाढल्यानंतर त्वचा सैल पडण्यास सुरुवात होते. अशावेळी चेहऱ्यावर नियमित बर्फ फिरवल्यास त्वचेचा सैलपणा कमी होईल. तुमची त्वचा जर खूप जास्त तेलकट असेल तर नियमित किंवा आठवड्यातून दोनदा तीनदा चेहऱ्यावर बर्फ फिरवावा.

Skin Care च्या नावाखाली केलेली एक चूक त्वचेसाठी ठरेल घातक! ‘या’ लोकांनी चुकूनही लावू नका फेसपॅक

डोळ्यांखाली वाढलेले डार्क सर्कल्स कमी करण्यासाठी महिला सतत काहींना काही करत असतात. पण वारंवार केमिकल प्रॉडक्टचा वापर करण्याऐवजी बर्फाचा वापर करावा. रात्री झोपण्याआधी डोळ्यांभोवती बर्फाने मसाज केल्यास काळेपणा कमी होण्यासोबतच त्वचा फ्रेश दिसेल. याशिवाय त्वचेची खराब झालेली गुणवत्ता सुधारण्यासाठी बर्फाने चेहऱ्यावर मसाज करावा.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.