बुधवार, 19 ऑगस्ट 2026
Skin Care च्या नावाखाली केलेली एक चूक त्वचेसाठी ठरेल घातक! 'या' लोकांनी चुकूनही लावू नका फेसपॅक
आजकाल अधिकाधिक लोक स्वतःची काळजी घेतात. फेस पॅक लावणे हे बऱ्याच जणांच्या स्किनकेअर रुटीनचा एक महत्त्वाचा भाग आहे. घरी बनवलेले फेसपॅक असोत किंवा दुकानातून विकत आणलेले फेसपॅक, प्रत्येकाला आपली त्वचा चमकदार बनवायची असते. पण, आपल्या सर्वांना माहीत आहे की, प्रत्येकाची त्वचा सारखी नसते आणि फेस पॅक प्रत्येकासाठी फायदेशीर ठरतीलच असे नाही. काही लोकांनी फेस पॅक वापरणे टाळावे, कारण त्यामुळे फायद्याऐवजी नुकसान होऊ शकते. पण नक्की फेस पॅक कोणी टाळावेत? असाही प्रश्न उपस्थित होतो. (फोटो सौजन्य – istock)
मुरुम किंवा पिंपल्स असलेल्या व्यक्तींनी फेसपॅक सहसा वापरू नयेत, ज्यांना आधीपासूनच मुरुम किंवा पिंपल्स आहेत, त्यांनी काही विशिष्ट प्रकारचे फेस पॅक टाळावेत. विशेषतः ज्यांमध्ये जास्त तेल किंवा जड घटक असतात, ते त्वचेची छिद्रे बंद करू शकतात, ज्यामुळे मुरुमांची समस्या वाढते. तसंच जर एखाद्याला आधीपासूनच ऍलर्जी असेल, जसे की विशिष्ट फळे, दूध किंवा काही विशिष्ट घटकांची, तर त्यांनी फेस पॅकमध्ये वापरलेले घटक काळजीपूर्वक तपासावेत. न तपासलेले फेस पॅक लावल्याने त्वचेवर पुरळ किंवा सूज येऊ शकते.
गरोदरपणात विशिष्ट रसायने असलेले फेस पॅक वापरणे टाळा. या काळात त्वचा अधिक संवेदनशील होते, त्यामुळे कोणताही फेस पॅक लावण्यापूर्वी डॉक्टर किंवा त्वचारोग तज्ज्ञाचा सल्ला घेणे उत्तम आहे. चुकीचा फेस पॅक लावल्याने त्वचेवर लालसरपणा, खाज आणि जळजळ होऊ शकते. कधीकधी त्वचेवर लहान पुरळ देखील येऊ शकतात. काही लोकांना पॅक काढल्यानंतर खूप कोरडेपणा किंवा घट्टपणा जाणवू शकतो. जर फेस पॅकमध्ये ऍलर्जीकारक घटक असेल, तर सूज येण्याचा धोका असतो.
फेस पॅक लावण्यापूर्वी, काही प्रतिक्रिया येते का हे पाहण्यासाठी नेहमी थोड्या प्रमाणात हातावर किंवा कानाच्या मागे लावा. याला पॅच टेस्ट म्हणतात. १५-२० मिनिटांत कोणतीही जळजळ किंवा लालसरपणा दिसला नाही, तरच तो चेहऱ्यावर लावा. फेस पॅक चेहऱ्यावर जास्त वेळ ठेवणे टाळा, कारण त्यामुळे तुमची त्वचा कोरडी होऊ शकते. तुम्हाला काही अस्वस्थता जाणवल्यास, ताबडतोब पाण्याने चेहरा धुवा आणि डॉक्टरांचा सल्ला घ्या. प्रत्येकाची त्वचा वेगळी असते, त्यामुळे फेस पॅक निवडताना तुमच्या त्वचेचा प्रकार विचारात घेणे महत्त्वाचे आहे. जर तुम्हाला त्वचेचा जुनाट आजार असेल, तर फेस पॅक लावण्यापूर्वी डॉक्टरांचा सल्ला घ्या.
Ans: नाही. प्रत्येकाची त्वचा वेगळी असते. संवेदनशील त्वचा, अॅलर्जी किंवा त्वचेवर सक्रिय समस्या असल्यास कोणताही फेसपॅक वापरण्यापूर्वी काळजी घेणे आवश्यक आहे.
Ans: संवेदनशील त्वचा असलेले, वारंवार त्वचेची अॅलर्जी किंवा लालसरपणा जाणवणारे आणि त्वचेवर जखम, पुरळ किंवा इरिटेशन असलेल्यांनी फेसपॅक वापरताना विशेष काळजी घ्यावी.
Ans: चुकीचा किंवा त्वचेला न मानवणारा फेसपॅक वापरल्यास लालसरपणा, खाज, जळजळ, कोरडेपणा किंवा अॅलर्जिक रिअॅक्शन होऊ शकते.
