वयाच्या ५० व्या वर्षांनंतर पुरुषांमध्ये का वाढतोय Prostate Cancer चा धोका? शरीरात दिसणाऱ्या ‘या’ लक्षणांकडे अजिबात करू नका दुर्लक्

वाढत्या वयात महिलांसह पुरुषांना सुद्धा गंभीर आजार होण्याची जास्त शक्यता असते. त्यामुळे प्रोस्टेट कॅन्सरसंबंधित लक्षणे शरीरात दिसू लागल्यानंतर दुर्लक्ष न करता वेळीच उपचार करून शरीराची काळजी घ्यावी. जाणून घ्या वयाच्या ५० व्या वर्षानंतर पुरुषांना प्रोस्टेट कॅन्सरची लागण का होते.

प्रोस्टेट कॅन्सरचा धोका कशामुळे वाढतो?
प्रोस्टेट कॅन्सर झाल्यानंतर दिसून येणारी लक्षणे?
वयाच्या ५० व्या वर्षांनंतर पुरुषांना का होते प्रोस्टेट कॅन्सरची लागण?

कॅन्सरसारख्या गंभीर आजारांचे नाव ऐकल्यानंतर अनेकांच्या पायाखालची जमीन सरकते. शरीराला गंभीर आजारांची लागण झाल्यानंतर शारीरिक आरोग्यासोबतच मानसिक आरोग्य सुद्धा बिघडून जाते. पुरुषांमध्ये प्रामुख्याने प्रोस्टेट कॅन्सरची लागण होण्याची जास्त शक्यता असते. हा कॅन्सर झाल्यानंतर सुरुवातीच्या दिवसांमध्ये कोणतीही लक्षणे दिसून येत नाहीत. पण कालांतराने अचानक शरीरात गंभीर लक्षणे दिसू लागतात आणि संपूर्ण आरोग्य बिघडते. वारंवार लघवी लागणे, लघवीची धार कमी होणे, लघवीत किंवा वीर्यात रक्त येणे, हाडांमध्ये वेदना होणे इत्यादी लक्षणे दिसू लागल्यास तातडीने डॉक्टरांच्या सल्ल्याने उपचार करणे आवश्यक आहे.(फोटो सौजन्य – istock)

Brain Tumor : मेंदूत गाठ कशी होते अन् त्याचे धोके काय? तज्ज्ञांनी दिली सविस्तर माहिती

जगभरातील पुरुषांच्या आरोग्यासाठी प्रोस्टेट कॅन्सर हा अतिशय धोकादायक मानला जातो. आयुष्याच्या कोणत्या ना कोणत्या टप्प्यात शरीराला गंभीर आजारांची लागण होण्याची जास्त शक्यता असते. हा आजार हळूहळू संपूर्ण शरीर पोखरून काढतो. त्यामुळे शरीरात दिसून येणाऱ्या लक्षणांकडे अजिबात दुर्लक्ष न करता वेळीच योग्य त्या चाचण्या आणि उपचार करून आरोग्याची काळजी घ्यावी. चला तर जाणून घेऊया वयाच्या ५० व्या वर्षांनंतर पुरुषांमध्ये का वाढतो प्रोस्टेट कॅन्सरचा धोका आणि त्याची लक्षणे? याबद्दल सविस्तर माहिती.

वयाच्या ५० व्या वर्षांनंतर पुरुषांमध्ये प्रोस्टेट कॅन्सरचा धोका का वाढतो?

प्रोस्टेट कॅन्सरची लागण झाल्यानंतर सुरुवातीच्या दिवसांमध्ये कोणतीही लक्षणे दिसून येत नाही. पण कालांतराने शरीरात कॅन्सरच्या पेशी वाढू लागतात आणि संपूर्ण आरोग्याचं बिघडून जाते. वयाची ५० वर्षे पार केल्यानंतर प्रोटेस्ट कॅन्सरचा धोका मोठ्या प्रमाणावर वाढतो. या काळात महिलांप्रमाणे पुरुषांच्या शरीरात सुद्धा अनेक बदल होतात. कुटुंबात वडिलांना किंवा भावाला प्रोस्टेट कॅन्सरची लागण झाली असल्यास कुटुंबातील इतरांना सुद्धा हा आजार होण्याची जास्त शक्यता असते. स्त्रियांना स्तनाचा कर्करोग असल्यास गंभीर आजाराचा धोका वाढू शकतो. अति प्रमाणात लाल मांस किंवा प्रक्रिया केलेल्या अन्नपदार्थांचे सेवन केल्यामुळे शरीराला कॅन्सरसारख्या गंभीर आजारांची लागण होऊ शकते.

Brain Tumor: निष्काळजीपणा की मेंदूतील ट्युमरचे संकेत? ‘या’ लक्षणांकडे दुर्लक्ष करणे बेतेल जीवावर

प्रोस्टेट कॅन्सर झाल्यानंतर दिसून येणारी लक्षणे:

• रात्रीच्या वेळी वारंवार लघवीला होणे
• लघवीची धार कमकुवत होणे
• लघवी करून आल्यानंतरसुद्धा लघवीला झाल्यासारखे वाटणे
• लघवी करताना किंवा वीर्यपतनाच्या वेळी तीव्र वेदना
• वीर्यातून रक्त पडणे.
• पोटात तीव्र वेदना होणे

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.