महिलांनो लक्षात ठेवा! पीरियड्सवेळीचूकुनही ‘या’ फळांचे सेवन करू नये, अन्यथा वाढू शकते मोठी समस्या

Women Menstrual Cycle : मासिक पाळीदरम्यान शरीरात हॉर्मोनल बदल होऊ लागतात. याकाळात काही फळांचे सेवन हे आवर्जून टाळायला हवे अन्यथा आरोग्याच्या समस्या दुपटीने वाढू शकतात.

• मासिक पाळीदरम्यान शरीरात होणाऱ्या बदलांमुळे आहाराकडे विशेष लक्ष देणे आवश्यक असते.
• काही खाद्यपदार्थांमुळे पोटदुखी, अस्वस्थता किंवा पचनाच्या समस्या वाढू शकतात.
• योग्य फळांची निवड केल्यास या काळात शरीराला आराम आणि ऊर्जा मिळू शकते.

मासिक पाळी महिलांसाठी सामान्य समस्या असली तरी हे लक्षात घेणे गरजेचे आहे की याकाळात शरीरात अनेक बदल घडत असतात. याकाळात महिलांनी आपला त्रास कमी करण्यासाठी आहारात काही विशेष बदल करायला हवेत. याकाळात शरीरात होर्मोनल बदल होत असतात आणि या बदलांचा त्यांच्या मनःस्थितीवर परिणाम होत असतो. इतकेच नाही तर याचा आपल्या पचनक्रियेवरही परिणाम होतो. काही फळे आपल्या शरीराला आराम देऊ शकतात तर काही शरीरात अस्वस्थता वाढवू शकतात. हेल्थफॅब या आरोग्यविषयक वेबसाइटने महिलांनी मासिक पाळी दरम्यान कोणत्या फळांचे सेवन प्रकर्षाने टाळायला हवेत ते स्पष्ट केले आहे. चला याविषयी सविस्तर जाणून घेऊया.

सायलंट किलर ठरत आहे पॅनक्रियाज कॅन्सर! कावीळ आणि पचनक्रियेतील बदल देतात जीवघेणी चाहूल, चुकूनही याकडे दुर्लक्ष करू नका

अननस

अनेकांच्या आवडीचं हे फळ आरोग्यासाठी फायदेशीर असलं तरी मासिक पाळीच्या काळात मात्र याचे फार सेवन करु नये. अननसात असलेले एन्झाइम्स शरीरातील रक्तप्रवाह वाढवू शकतात, ज्यामुळे शरीरातून जास्त रक्तस्त्राव होण्याचा धोका असतो.

कलिंगड

कलिंगड हे उन्हाळ्यात हमखास खाल्ले जाणारे फळ आहे. उन्हाळ्याच्या दिवसांत याचे सेवन खूप फायद्याचे मानले जाते पण लक्षात ठेवा मासिक पाळीदरम्यान याचे सेवन अनेक समस्यांना आमंत्रण देऊ शकते. त्यातील पाण्याचे जास्त प्रमाण पोट फुगणे, शरीरात पाणी साचून राहणे अशा समस्यांना जन्म देते. मासिक पाळीच्या काळात जर तुम्हाला पोटदुखीचा त्रास सतावत असेल तर कलिंगडाच्या सेवनाने हा त्रास आणखी वाढू शकतो.

लिंबूवर्गीय फळे

याकाळात तुम्ही लिंबू, संत्री आणि द्राक्ष अशी लिंबूवर्गीय फळे फार खाऊ नयेत. यामध्ये आम्लाचे प्रमाण अधिक असते ज्यामुळे याचा आपल्या पचनसंस्थेवर परिणाम होऊ शकतो. अनेक महिलांना मासिक पाळीच्या काळात आधीच आम्लपित्त किंवा मळमळीचा त्रास होतो अशात या फळांचे सेवन हा त्रास दुपटीने वाढवू शकतात.

कच्ची केळी

याचबरोबर याकाळात कच्ची फळे जसे की, केळीचे सेवन अस्वस्थता वाढवू शकते. केळ्यांमध्ये असलेले रेझिस्टंट स्टार्च पचायला जड असते ज्यामुळे पचनाच्या समस्या वाढू लागतात. यामुळे बद्धकोष्ठतेचा त्रास जाणवू शकतो. जर तुमचे शरीर आधीच संवेदनशील असेल तर अशा काळात या फळांचे सेवन चुकुनही करु नका.

उन्हाळामुळे काळवंडलेली त्वचा पुन्हा एकदा होईल चमकदार! त्वचेवर लावा Coconut Face Pack, टॅनिंग होईल गायब

कोणत्या फळांचे सेवन करावे?

आता तुम्हाला प्रश्न पडला असेल की मग अशी कोणती फळे उरली ज्यांचे पाळीदरम्यान सेवन केले जाऊ शकते. तुमच्या याच शंकेचे निरसन करण्यासाठी आम्ही तुम्हाला सांगतो की, तुम्ही तुमच्या आहारात पिकलेली केळी, सफरचंद, बेरी आणि किवी सारख्या फळांचा समावेश करु शकता. ही फळे पचनाच्या समस्या दूर करण्यास मदत करतात.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.