ठाण्यातील छत्रपती शिवाजी महाराज रुग्णालयात एका रात्रीत 17 रूग्णांचा मृत्यू; नातेवाईक संतप्त

दोन दिवसांपूर्वी ठाण्यात (Thane Hospital) पाच रुग्ण दगावल्याची घटना घडली होती. असे असतानाच ठाण्यातील महापालिकेच्या छत्रपती शिवाजी रुग्णालयात आणखी 17 रुग्णांचा मृत्यू झाला आहे. एकाच रात्रीत शिवाजी रुग्णालयात 17 रुग्ण दगावल्याने एकच खळबळ उडाली आहे. 

ठाणे : दोन दिवसांपूर्वी ठाण्यात (Thane Hospital) पाच रुग्ण दगावल्याची घटना घडली होती. असे असतानाच ठाण्यातील महापालिकेच्या छत्रपती शिवाजी रुग्णालयात आणखी 17 रुग्णांचा मृत्यू झाला आहे. एकाच रात्रीत शिवाजी रुग्णालयात 17 रुग्ण दगावल्याने एकच खळबळ उडाली आहे.

रुग्णालयात उपचार घेत असताना रुग्ण दगावत असल्याच्या घटना दोन दिवसांपासून सातत्याने पाहिला मिळत आहे. त्यानंतर आता ठाण्यातील रुग्णालयात हा प्रकार घडला आहे. रूग्णालयातील 13 रुग्ण हे आयसीयूमधील आणि 4 रुग्ण हे जनरल वॉर्डमध्ये होते. तर काही रुग्णांचे वय 80 वर्षापेक्षा जास्त असल्याने त्यांचा मृत्यू झाल्याची माहिती रुग्णालय प्रशासनाने दिली आहे.

दरम्यान, सिव्हिल रुग्णालय बंद झाल्याने सर्व ताण हा ठाण्यातील छत्रपती शिवाजी महाराज रुग्णालयावर येतो. पण रुग्णालयात डॉक्टर आणि वैद्यकीय यंत्रणा कमी पडत असल्याची परिस्थिती आहे. या घटनेमुळे रुग्णांच्या नातेवाईकांमध्ये संतापाची लाट पसरली आहे. गेल्या चार दिवसांतील रुग्णालयातील मृतांची संख्या 22 वर गेली आहे.