‘देव तारी त्याला कोण मारी’, अपघातात 37 प्रवासी जखमी, मात्र 1 वर्षाचा चिमुकला थोडक्यात बचावला, आंबा घाट वळणावरील घटना

रत्नागिरी नागपूर महामार्गावर आंबा घाट परिसरात अंगावर काटा आणणारा भीषण अपघात झाला आहे. आंबा घाटात वळण घेत असताना चालकाचं बसवरील नियंत्रण सुटलं आणि मोठी दुर्घटना झाली.

• अपघातात 37 प्रवासी जखमी,
• मात्र 1 वर्षाचा चिमुकला थोडक्यात बचावला,
• आंबा घाट वळणावरील घटना

चिपळूण : रत्नागिरी नागपूर महामार्गावर आंबा घाट परिसरात अंगावर काटा आणणारा भीषण अपघात झाला आहे. आंबा घाटात वळण घेत असताना चालकाचं बसवरील नियंत्रण सुटलं आणि मोठी दुर्घटना झाली. या अपघाताची तीव्रता इतकी होती की बसमधील 37 प्रवासी जखमी झाले तर 8 प्रवासी गंभीर जखमी झाले.
रत्नागिरी- नागपूर महामार्गावरील आंबा घाटात चक्रीवळणाजवळ शुक्रवारी पहाटे 4.30 वाजण्याच्या सुमारास खाजगी प्रवाशी बस सुमारे 70 फूट दरीत कोसळून भीषण अपघात झाला. या भीषण अपघातात 37 प्रवाशी जखमी झाले असून 8 प्रवाशांची प्रकृती चिंताजनक आहे. मात्र या भीषण अपघातात 1 वर्षाचा चिमुकला थोडक्यात बचावला. त्यामुळे काळ आला पण या चिमुकल्याचं दैव बलवत्तर म्हणून वेळ आली नाही.

आंबा घाटतून ही बस रत्नागिरीच्या दिशेने येत असताना पहाटे 4.30 वाजण्याच्या दरम्यान गाडीवरील नियंत्रण सुटले व बस थेट संरक्षक कठडा तोडून सुमारे 70 फूट दरीत कोसळली. रात्रीच्या अंधारात ही बस अचानक दरीत कोसळल्यानंतर बसमधील प्रवाशांचा जीव वाचवण्यासाठी आटापीटा सुरु केला. याचवेळी शिवराज कलामंच कलाकारांची गाडी पाठून आली. बसचा झालेला अपघात त्यांच्या लक्षात आला. दत्तजयंती निमित्त नमनाचा कार्यक्रम आटोपून रत्नागिरीकडे परतत असताना त्यांना रस्त्याचा संरक्षक कठडा तोडून वाहन दरीत कोसळल्याचे दिसले.

Guhagar News: एसटी ‘रातराणी’ची प्रकाशवाट अंधुक; प्रवासात हेडलाईटचा प्रकाश कंदिलासारखा

माणुसकीच्या नात्याने या सर्व कलाकारांनी गाडीतून उतरत पोलीसांना अपघाताची माहिती दिली. तसेच अँम्ब्युलन्स बोलावली. यानंतर या सर्वांनी पोलीसांच्या मदतीने सर्व प्रवाशांना दरीतून सुखरूप वरती आणले. जखमींना उपचारासाठी रूग्णालयात दाखल करण्यासाठी सर्वोतोपरी मदत केली.दरम्यान, या प्रवाशांमध्ये एक दांम्पत्य आपल्या 1वर्षाच्या मुलग्याला घेवून प्रवास करत होते. मात्र भीषण अपघातात हे दांम्पत्य बचावले असून त्यांचा चिमुकलादेखील बालंबाल बचावला आहे. हा अपघात एवढा भीषण होता की संरक्षक कठडा तोडून ही बस दरीत कोसळली. या बसने दरीतील आंब्याच्या झाडाला धडक दिली. बसच्या धडकेने आंब्याचे झाड मध्येच तुटले आहे. या आंब्याच्या झाडाला धडक देत ही बस आणखी खाली जावून पलटी झाली. या भीषण अपघातातून दाम्पत्यासह त्यांचा अवघा 1वर्षाचा चिमुकला आश्चर्यकारकरित्या बचावला आहे. केवळ दैव बलवत्तर म्हणून आमचा मुलगा या अपघातातून बचावल्याची भावना या दाम्पत्याने बोलून दाखवली. त्यांनी देवाचे आभार मानले आहेत.

Karjat News : विकासकामाला गती; उल्हास नदीवरील दहिवली मालेगाव नव्या पुलबांधणीची स्थानिकांची मागणी