मोठी बातमी! मराठी भाषेला अधिकृत अभिजात दर्जा, उदय सामंत यांच्या हाती आला शासनाचा आदेश

मराठी भाषेला अभिजात दर्जा देण्याबाबतचा शासन आदेश जारी करण्यात आला आहे. केंद्रीय सांस्कृतिक मंत्री शेखावत यांनी आदेश जारी केला आहे. त्यामुळे आता भाषेला अभिजात दर्जा मिळण्याचे स्वप्न पूर्ण झाले आहे.

देशाचे पंतप्रधान नरेंद्र मोदी यांनी मराठी भाषेला अभिजात भाषेचा दर्जा देत असल्याची घोषणा केली होती. मात्र, घोषणा झाल्यानंतरही याबाबतचा शासन आदेश निघाला नव्हता. मात्र, आज अखेर मराठी भाषेला अभिजात दर्जा मिळाल्याचे स्वप्न पूर्ण झाले असून, याबाबतचा शासन आदेश जारी करण्यात आला आहे. सांस्कृतिक मंत्री गजेंद्र शेखावत यांनी मंत्री उदय सामंत यांना याबाबतचा आदेश सोपवला आहे. संपूर्ण महाराष्ट्रासाठी हा अतिशय आनंदाचा आणि अभिमानाचा क्षण आहे. केंद्र सरकारच्या या निर्णयाचं महाराष्ट्राकडून स्वागत केलं जात आहे.

याबाबत बोलताना उदय सामंत म्हणाले, ‘महाराष्ट्राचे स्वप्न आज पूर्ण होत आहे. मी मराठीला आंतरराष्ट्रीय स्तरावर पोहोचवायचं काम करायचं आहे. आता मराठी भाषेचे जतन आणि संवर्धन करण्याची जबाबदारी वाढली आहे. मराठी भाषेला अभिजात भाषेचा दर्जा दिल्याबद्दल मी पंतप्रधान नरेंद्र मोदी आणि सांस्कृतिक मंत्री गजेंद्र शेखावत यांचे आभारी मानतो.’

बांधकाम साहित्यांच्या वाढत्या किमतीचा बसतोय फटका; हक्काचं घर राहतंय स्वप्नातच

मराठी भाषेला अभिजात भाषेचा दर्जा मिळाल्याने फायदे

• अभिजात भाषेचा दर्जा प्राप्त करणाऱ्या अभ्यासकांना दरवर्षी दोन राष्ट्रीय पुरस्कार दिले जातील.
• सेंटर ऑफ एक्सलन्स फॉर स्टडीजची स्थापना करता येणार
• प्रत्येक अभिजात भाषा विद्यापीठात एक अभ्यास केंद्र स्थापन केले जाईल.
• मराठी बोलीभाषेचा अभ्यास, संशोधन, साहित्यसंग्रह करता येणार आहे.
• भारतातील सर्व 450 विद्यापीठांमध्ये मराठी शिकवण्याची सोय होणार
• प्राचीन ग्रंथांचे भाषांतर करता येणार
• महाराष्ट्रातील सर्व 12,000 ग्रंथालयांना सक्षम केले जाईल

पुरातनता, श्रेष्ठता, स्वाभिमान आणि सलगता म्हणजेच अभिजात भाषा. कोणत्याही भाषेला अभिजात दर्जा देण्याचा अधिकार केंद्रीय सांस्कृतिक मंत्रालयाला आहे. गृह मंत्रालयाने 2005 मध्ये सांस्कृतिक मंत्रालयाला अधिकार दिले. हा दर्जासाठीचे 4 निकष आहेत. मराठी भाषा ते सर्व निकष पुर्ण करते हे रंगनाथ पठारे समितीच्या 436 पृष्ठांच्या अहवालात सिद्ध केलेले आहे.

अभिजात भाषेसाठी निकष

• भाषेचा रेकॉर्ड केलेला इतिहास खूप प्राचीन आहे, म्हणजे ती 1500-2000 वर्षे जुनी आहे.
• प्राचीन साहित्य हवं, जे त्या भाषिकांना मौल्यवान वारसा वाटतं.
• दुसर्‍या भाषा समूहाकडून उसनी न घेतलेली अस्सल साहित्यिक परंपरा हवी.
• अभिजात भाषा ही आजच्या भाषेपेक्षा निराळी हवी.

भारतातील कोणत्या भाषांना अभिजात भाषांचा दर्जा मिळाला आहे?

तमिळ (2004)
संस्कृत (2005)
कन्नड (2008)
तेलुगु (2008)
मल्याळम (2013)
ओडिया (2014)
मराठी (2025)

“धनंजय मुंडे हे म्हणजे पुरुष वेश्या”; शरद पवार गटाच्या आमदाराची टीका करताना जीभ घसरली