गारगोटी-पाटगाव मार्गावर भीषण अपघात; दोन एसटी बसची समोरासमोर जोरदार धडक

गारगोटी-पाटगाव राज्य मार्गांवर नितवडे वाकीघोल फाटा वळणावर दोन एसटी बसची समोरासमोर धडक (ST Bus) झाली. या अपघातात एसटीमधील एक महिला प्रवासी गंभीर जखमी झाली तर तीन प्रवाशी किरकोळ जखमी (Accident in Gargoti) झाले. जखमींवर उपचार करून घरी सोडण्यात आले.

गारगोटी : गारगोटी-पाटगाव राज्य मार्गांवर नितवडे वाकीघोल फाटा वळणावर दोन एसटी बसची समोरासमोर धडक (ST Bus) झाली. या अपघातात एसटीमधील एक महिला प्रवासी गंभीर जखमी झाली तर तीन प्रवाशी किरकोळ जखमी (Accident in Gargoti) झाले. जखमींवर उपचार करून घरी सोडण्यात आले.

घटनास्थळावरून समजलेली माहिती अशी की, गारगोटी आगाराची गाडी (MH40 N 8407) ही एक बस घेऊन चालक अनिल शिंत्रे कडगावपासून चाफोडीकडे जात होते. तर दुसरी बस (MH 40 N 9240) चालक संदीप पाटील हे गारगोटीपासून भटवाडीकडे घेऊन जात होते. दरम्यान, नितवडे ते आडोली फाटा गोठनाई मंदिरजवळ चाफोडीकडे वळत होते. या वळणावर भटवाडी गाडीने समोरून चाफोडी गाडीच्या ड्रायव्हर सीटच्या मागच्या बाजूला धडक दिल्याने अपघात झाला. या अपघातात सारिका निलेश पाटील ही महिला गंभीर जखमी झाली असून, त्यांच्यावर गारगोटी गारगोटी ग्रामीण रुग्णालयात प्राथमिक उपचार करून त्यांना सीपीआर हॉस्पिटल कोल्हापूर येथे हलविण्यात आले आहे.

किरकोळ जखमी झालेल्या मिलाग्रीन घोन्सालवीस, सुशिला डिसोजा यांना उपचार करून घरी सोडण्यात आले. या दोन्ही बसमध्ये एकूण १६ प्रवाशी प्रवास करत होते. सुदैवाने यामध्ये कोणतीही जीवितहानी झाली नाही. अपघाताची नोंद भुदरगड पोलीस स्टेशनला झाली आहे.