कोण होणार करोडपती’च्या विशेष भागात एचआयव्हीग्रस्त मुलांसाठी काम करणार्‍या संस्थेसाठी अभिनेता अशोक सराफ खेळ खेळणार

मनोरंजन सृष्टीतील अथांग सागरामध्ये अभिनयाचं स्वतंत्र बेट असणारे विनोदाचे बादशाह अशोक सराफ ज्ञान आणि मनोरंजनाच्या अद्भुत खेळात म्हणजे कोण होणार करोडपती'च्या मंचावर सहभागी होणार आहेत. अशोक सराफ यांनी वयाची पंच्याहत्तरी नुकतीच पूर्ण केली असली, तरी त्यांचा या वयातला उत्साह दांडगा आहे. अशोक सराफ यांच्याबरोबर त्यांचे धाकटे बंधू सुभाष सराफ आणि पत्नी निवेदिता सराफ यांच्या भगिनी डॉ. मिनल परांजपे हेही सहभागी होणार आहेत.

मुंबई : मनोरंजन सृष्टीतील अथांग सागरामध्ये अभिनयाचं स्वतंत्र बेट असणारे विनोदाचे बादशाह अशोक सराफ ज्ञान आणि मनोरंजनाच्या अद्भुत खेळात म्हणजे कोण होणार करोडपती’च्या मंचावर सहभागी होणार आहेत. अशोक सराफ यांनी वयाची पंच्याहत्तरी नुकतीच पूर्ण केली असली, तरी त्यांचा या वयातला उत्साह दांडगा आहे. अशोक सराफ यांच्याबरोबर त्यांचे धाकटे बंधू सुभाष सराफ आणि पत्नी निवेदिता सराफ यांच्या भगिनी डॉ. मिनल परांजपे हेही सहभागी होणार आहेत.

यशाचं शिखर गाठूनही पाय कायम जमिनीवर असणाऱ्या अशोक सराफ यांनी विनोदी भूमिकांबरोबरच गंभीर भूमिकासुद्धा चोख बजावल्या आहेत. आणि म्हणूनच काही मोजक्या चतुरस्र अभिनेत्यांमध्ये त्यांची गणना होते. सिनेसृष्टीतल्या त्यांच्या कारकिर्दीमधल्या वैविध्यपूर्ण भूमिका त्यांनी जबरदस्त अभिनयाच्या जोरावर रसिकांच्या मनावर कोरून ठेवल्या आहेत. अभिनयातल्या अशा तळपणाऱ्या सूर्याच्या येण्यानी कोण होणार करोडपती’चा मंच उजळून निघणार आहे.

[read_also content=”संजय राऊतांचे मविआ सरकारमधून बाहेर पडण्याचे संकेत, पृथ्वीराज चव्हाण म्हणाले… https://www.navarashtra.com/maharashtra/a-sign-of-sanjay-rauts-exit-from-the-mavia-government-prithviraj-chavan-said-nrdm-296126.html”]

पंढरपूरजवळील एचआयव्हीग्रस्त मुलांसाठी काम करणार्‍या आणि त्यांना आधार देणार्‍या प्रभा-हिरा प्रतिष्ठान संचलित ‘पालवी’ या सेवाभावी संस्थेसाठी अशोक सराफ कोण होणार करोडपती चा खेळ खेळणार आहेत. अशोक सराफ हे नाव घेतल्यानंतर अशी ही बनवाबनवी, धुमधडाका, नवरा माझा नवसाचा असे अनेक हीट चित्रपट आपल्या डोळ्यासमोर येतात. त्यांचा ‘ययाती’पासून सुरू झालेला नाट्यसृष्टीतला प्रवास आत्ताच्या ‘व्हॅक्युम क्लिनर’पर्यंत अव्याहतपणे सुरू आहे. अशोक सराफ यांना चित्रपटसृष्टीत पदार्पण करून ५० वर्षं पूर्ण झाली आहेत. ‘कोण होणार करोडपती’च्या मंचावर सिनेनाट्यसृष्टीतल्या अनेक आठवणींना उजाळा देण्यात आला.

[read_also content=”संजय राऊतांच्या ‘परत या’ आवाहानानंतर एकनाथ शिंदेंची प्रतिक्रिया, म्हणाले… https://www.navarashtra.com/maharashtra/eknath-shindes-reaction-after-sanjay-rauts-come-back-call-said-nrdm-296097.html”]

मनोरंजन सृष्टीत पदार्पण करण्यापूर्वी अशोक सराफ हे बँकेत नोकरी करायचे आणि एकीकडे नाटकाचे दौरे करायचे. त्या वेळी खोटी मेडिकल सर्टिफिकेट देऊन बँकेत घेतलेल्या सुट्ट्यांचे मजेदार किस्से सराफ आणि त्यांचे बंधू यांनी यावेळी सांगितले. लहानपणी प्रसिद्ध क्रिकेटपटू सुनील गावस्कर यांच्याबरोबर नाटकात काम केल्याच्या आणि त्यांच्याबरोबर क्रिकेट खेळल्याच्या आठवणीही त्यांनी सांगितल्या.

ययाती आणि देवयानी ह्या नाटकातून त्यांनी रंगमंचावर पदार्पण केलं, प्रेमा तुझा रंग कसा या नाटकातला पँटची नाडी सुटल्याचा गमतीशीर किस्सा,’भस्म’ चित्रपटातल्या भूमिकेसाठी घेतलेली मेहनत, संगीताची आवड; अशा अनेक आठवणी आणि किस्से यांमुळे ‘कोण होणार करोडपती’चा हा विशेष भाग अधिकच रंगतदार होणार आहे.