सौजन्य - नवराष्ट्र टीम
माजी नगराध्यक्ष अजय पाटील यांच्या पत्नी ज्योती पाटील या थेट नगराध्यक्ष पदाच्या रिंगणात आहेत तर त्यांच्यासोबत शहरातील विविध प्रभागातून 11 उमेदवार सदस्य पदाची निवडणूक लढवत आहेत. तासगाव शहराच्या विकासासाठी अंजनी आणि चिंचणी वर आता अवलंबून राहायचे नाही तर आपल्या शहराचा विकास आपण करू आपल्या मुलांना हाताला काम आपण मिळवून देऊ. गेल्या दहा वर्षात शहरात काहीच बदल झाला नाही. हा बदल आपण घडवू, असे सांगून लोकांना आपला पुढील पाच वर्षातील कामकाजाचा आढावा दिला जात आहे.
नागरिकांनी वाचला अनेक अडचणींचा पाढा
दरम्यान प्रभाग क्रमांक दोन मध्ये पुरस्कृत उमेदवार राजेंद्र चव्हाण तसेच उषाताई पवार यांच्यासोबत प्रचार यात्रा काढण्यात आली. यावेळी नागरिकांनी अनेक अडचणींचा पाढा वाचला. तर या अडचणी पुढील वर्षभरात सोडवू, अशी ग्वाही नगराध्यक्षपदाच्या उमेदवार ज्योतीकाकी पाटील यांनी दिली. यावेळी मोठ्या संख्येने नागरिक, कार्यकर्ते उपस्थित होते.
