Jalgaon News: घरफोड्यांचा खेळ अखेर संपला! मध्य प्रदेशातील संशयितांना अमळनेर पोलिसांनी पकडलं

Jalgaon News: अमळनेर शहरात गेल्या दीड वर्षापासून होत असलेल्या घरफोड्यांप्रकरणी मध्य प्रदेशातील नवलसिंग बनसिंग अलावा आणि केरू उर्फ केहरू इंडिया डाबर या दोघांना पोलिसांनी अटक केली आहे. आरोपींकडून २५० ग्रॅम चांदी आणि ११ ग्रॅम सोन्याचे दागिने जप्त करण्यात आले

• घरफोडीप्रकरणी दोघांना अटक
• दागिने जप्त
• तीन घरफोड्यांचा उलगडा
• जनावरांच्या चोरीप्रकरणी कारवाई

Maharashtra Crime News: अमळनेर (वा.) शहरात गेल्या दीड वर्षापासून घरफोड्या करणाऱ्या मध्य प्रदेशातील दोघांना अमळनेर पोलिसांनी अटक केली आहे. त्यांच्याकडून २५० ग्रॅम चांदी व ११ ग्रॅम सोन्याचे दागिने जप्त करण्यात आले असून, शहरातील तीन घरफोड्या उघडकीस आल्या आहेत, यासोबतच दहिवद येथील जनावरांच्या चोरीचाही पोलिसांनी छडा लावला आहे. नवलसिंग बनसिंग अलावा (वय ४६, रा. काकडवा, ता. कुक्षी, जि. धार) हा २०२५ पासून साथीदारांसह मोटारसायकलने अमळनेर येथे येत होता.

मध्य प्रदेशात धाव घेतली

शहराबाहेर वाहने लावून पायी येत बंद घरे हेरल्यानंतर पहाटे दोन ते चारच्या दरम्यान कटरने कड़ी- कोंडा व कुलूप तोडून घरफोड्या केल्या जात होत्या. ८० फुटी रस्ता, ढेकू रस्ता आणि गांधलीपुरा चौकीमागील परिसरात त्यांनी चोऱ्या केल्याचे तपासात समोर आले. पोलिस निरीक्षक दत्तात्रय निकम यांनी गुन्हे शोध पथकाला सीसीटीव्ही फुटेज व तांत्रिक विश्लेषणाच्या आधारे तपास करण्याच्या सूचना दिल्या. आरोपींच्या शोधासाठी पोलिसांनी चार ते पाच वेळा मध्य प्रदेशात धाव घेतली. नवलसिंगला यापूर्वी अटक झाली होती; मात्र न्यायालयाने त्याची जामिनावर मुक्तता केली होती. Jalgaon News:

Crime News: ३५ लाखांची सुपारी, तिहेरी हत्याकांडाचा कट; जळगाव पोलिसांनी पाच शार्प शूटर्सना पकडले

दहिवद येथील जनावरांच्या चोरीचाही छडा लागला

दहियद येथून तीन म्हशी, गाय व वासरू चोरीला गेल्याप्रकरणी पोलिसांनी गोपाल भाईदास शिरसाठ (वय २७, रा. पिळोदा, ता. शिरपूर), संजय विठ्ठल भिल (वय २९, रा. आमोदे, ता. शिरपूर) आणि अर्जुन अनिल ठाकूर (वय १९, रा. झापडी पाडा, ता. सेंधवा) यांना अटक केली, त्यांच्याकडून ४० हजार रुपये किमतीची म्हैस आणि चोरीसाठी वापरलेली एमपी २० जीबी १०६७ क्रमांकाची पिकअप जप्त करण्यात आली. अन्य म्हशी व साथीदारांचा शोध सुरू आहे. या कारवाईत पोलीस उपनिरीक्षक शरद काकळीज, सूर्यकांत साळुंखे, नितीन मनोरे, प्रशांत पाटील, उज्ज्वल पाटील, उज्ज्वल म्हस्के, नितीन कापडणे, मिलिंद जाधव आणि गौरव पाटील यांनी सहभाग घेतला.

Jalgaon News: वाळूमाफियांचं धाबं दणाणलं! तहसीलदारांची रात्री छापेमारी, डंपर-जेसीबीसह १२ वाहने जप्त

पोलिस अधीक्षक धिवरे यांचे मोलाचे मार्गदर्शन

पोलिस अधीक्षक श्रीकांत धिवरे, अपर पोलिस अधीक्षक अशोक नखाते आणि उपविभागीय पोलिस अधिकारी विनायक कोते यांच्या मार्गदर्शनाखाली त्याला पुन्हा अटक करण्यात आली. चौकशीत त्याने केरू उर्फ केहरू इंडिया डाबर (वय ४५, रा. बलेडी गलबेडा फलिया, ता. जोबट, जि. अलीराजपूर) याचे नाव सांगितले. त्यालाही अटक करण्यात आली. आरोपीकडून चांदीचा गणपती, शिक्का, तुकडा, कडे, करदोडे व वाळे तसेच सोन्याच्या अंगठ्या व गोळीसह दागिने जप्त करण्यात आले आहेत. त्यांचे अन्य साथीदारही असल्याने आणखी गुन्हे उघडकीस येण्याची शक्यता आहे.