Dharavi Redevelopment: धारावीचा चेहरामोहरा बदलणार! ३७ ते ३९ मजली इमारती, १० हजारांहून अधिक घरांची उभारणी

Dharavi Redevelopment: धारावी पुनर्विकास प्रकल्पांतर्गत माटुंगा येथील रेल्वेच्या २२ एकर जागेवर धारावीतील पात्र रहिवाशांसाठी ३७ ते ३९ मजली १० इमारतींच्या बांधकामाला सुरुवात झाली आहे. अदानी नवभारत डेव्हलपर्स हा प्रकल्प राबवत असून, सोमवारी अदानी एंटरप्रायझेसचे संचालक प्रणव अदानी यांच्या हस्ते भूमिपूजन करण्यात आले.

• माटुंगा येथील रेल्वेच्या २२ एकर जागेवर धारावीतील पात्र
• ३७ ते ३९ मजली इमारतींमध्ये प्रत्येकी ३५० चौरस फुटांची घरे
• रहिवाशांच्या रोजगारासाठी व्यावसायिक आणि औद्योगिक जागांची तरतूद

धारावीच्या पुनर्विकासाला आता खरा वेग आला आहे. माटुंगा परिसरात रेल्वेच्या जागेवर धारावीतील लोकांसाठी 10 उंच इमारती उभ्या राहणार आहेत. सोमवारी या मोठ्या कामाची सुरुवात झाली.अदानी एंटरप्रायझेसचे संचालक प्रणव अदानी यांच्या हस्ते या कामाचे भूमिपूजन झाले. त्यावेळी नगर विकास खात्याचे अतिरिक्त मुख्य सचिव असीम गुप्ता आणि धारावी पुनर्विकास प्रकल्पाचे प्रमुख महेंद्र कल्याणकर उपस्थित होते.

10 हजारांपेक्षा जास्त घरे बनणार

धारावीचा पूर्ण पुनर्विकास अदानी ग्रुपची कंपनी अदानी नवभारत डेव्हलपर्स करत आहे. माटुंग्यात रेल्वेची 22 एकर जागा आहे, तिथे आधीच रेल्वे कर्मचाऱ्यांसाठी घरांचे काम सुरू आहे. आता त्याच परिसरात धारावीतील पात्र रहिवाशांसाठी 10 इमारतींचे काम सुरू झाले.या इमारती 37 ते 39 मजल्याच्या असतील. Dharavi Redevelopment:

एकदम टॉवरसारख्या उंच.

यामध्ये 10 हजार 432 घरे असतील. फक्त घरेच नाही तर 1379 व्यावसायिक आणि औद्योगिक गाळे पण असतील. त्यामुळे लोकांचा रोजगार पण टिकून राहील.

Devendra Fadnavis: धारावी पुनर्विकास कसा असेल? घरांपासून उद्योगांच्या जागेपर्यंत सर्व काही एकाच छताखाली; ‘एक्सपिरियन्स सेंटर’ सुरू

काम तीन टप्प्यात पूर्ण होणार

एएनडीपीएल कंपनीने दिलेल्या माहितीनुसार, या 10 इमारती एका टप्प्यात नाही तर तीन टप्प्यात सरकारकडे सोपवल्या जातील. पहिल्या 5 इमारती मार्च 2029 पर्यंत पूर्ण होतील. नंतरच्या 2 इमारती ऑगस्ट 2029 पर्यंत आणि उरलेल्या 3 इमारती ऑगस्ट 2030 पर्यंत पूर्ण करून डीआरपीकडे दिल्या जातील. बांधकाम झाल्यावर पहिली 10 वर्षे या इमारतींची देखभाल कंपनीच करणार आहे. लिफ्ट, पाणी, कॉमन सुविधा सगळे त्यांच्याकडूनच सांभाळले जाईल.

Mumbai News: डीआरपीसाठी धारावीतील नगरसेवक मैदानात; ‘प्रलंबित’ पात्रतेचा तिढा सोडवण्यासाठी विशेष शिबिरे

इमारतीत काय-काय असणार?

प्रत्येक घराचा आकार 350 चौरस फूट असून बिल्डिंगमध्ये 10 ते 12 लिफ्ट लावण्यात आल्या आहेत. दुकानांच्या कारखान्याच्या गाळ्यांसाठी 2 स्वतंत्र्य लिफ्ट देण्यात आल्या. रहिवाशांसाठी सगळ्या उत्तम सुख-सोयी देण्यात आल्या आहेत. सभागृह, बाग, सोसायटी ऑफिस, मुलांना खेळायला मैदान आणि प्रार्थनास्थळ पण असणार आहे.प्रत्येक इमारतीमधील 10 टक्के व्यावसायिक जागा ही इमारतीच्या मेंटेनन्ससाठी राखीव ठेवली जाणार आहे. त्यातून जे भाडे येईल त्यातून इमारतीचा खर्च भागवला जाईल, त्यामुळे सर्वसामान्य लोकांवर भार पडणार नाही.हा प्रोजेक्ट पूर्ण झाला की धारावीचा चेहरामोहराच बदलून जाणार आहे आणि हजारो कुटुंबांना हक्काचे पक्के घर मिळणार आहे.