सोमवार, 26 ऑक्टोबर 2026
अमरावती – शिवप्रतिष्ठानचे संस्थापक संभाजी भिडे हे नेहमी त्यांच्या वादग्रस्त विधानांसाठी चर्चेत असतात. (Sambhaji Bhide Controversial Statement) काल त्यांनी महात्मा गांधींबद्दल (mahatma gandhi) वादग्रस्त विधान केलं आहे. महात्मा गांधींचे पूर्ण नाव मोहनदास करमचंद गांधी हे सांगितले जाते. पण, करमचंद गांधी हे मोहनदास यांचे वडील नसून एक मुस्लीम जमीनदार त्यांचे खरे वडील आहेत, असा खळबळजनक दावा भिंडेंनी अमरावती दौऱ्यात बोलताना केला. यावरून आता नवा वाद सुरू झाला आहे. तसेच आज भिडेंविरोधात आंदोलन करण्यात येत आहे. दरम्यान, यावरुन विविध प्रतिक्रिया येत असताना, भाजपाने सावध प्रतिक्रिया येत आहेत. दरम्यान, संभाजी भिडे यांच्या वक्तव्यानंतर भाजप नेते व खासदार अनिल बोंडे (anil bonde) यांची प्रतिक्रिया समोर आली आहे.
गांधींचे सर्वानाच विचार पटतात असं नाही
दरम्यान, संभाजी भिडे भाजपचे कार्यकर्ते नाहीत, त्यामुळे त्यांना भाजपशी जोडणं योग्य नाही. काँग्रेसने भिडे यांच्या भाषणाची व्हिडिओ व ऑडिओ रेकॉर्डिंग पोलिसांना द्यावी. मी भिंडे यांच्या वक्तव्याच समर्थन करत नाही. पण महात्मा गांधींचे सर्वच विचार सर्वांना पटतात असं नाही. अस बोंडे म्हणालेत. हिंदूंना उद्देशून महात्मा गांधींनी काही म्हटलं, होत त्याच समर्थन मी करणार नाही, असं भाजप नेते व खासदार अनिल बोंडे म्हणाले.
अमरावतीत संभाजी भिडे यांच्या विरोधात गुन्हा दाखल
दुसरीकडे आज भिडेंविरोधात निषेध आंदोनल केली जात आहेत. तर अमरावतीमध्ये अखेर संभाजी भिडे यांच्या विरोधात गुन्हा दाखल झाला आहे. अमरावती पोलिसांनी सावध प्रतिक्रिया दिली. संभाजी भिडे यांच्या विरोधात कलम 153, 505(2) त्यासोबतच आयोजक यांच्यावर सुद्धा 34 (अ) अनुसार अंतर्गत गुन्हा दाखल झाला आहे. पुढील तपास सुरू आहे, अशी प्रतिक्रिया पोलीस उपायुक्त विक्रम साळी यांनी दिली आहे.
