Maharashtra Politics : भाजपाने देगलूरला सोडले वाऱ्यावर! अंतापूरकरांच्या प्रचाराच्या उदासीनतेची उलटसुलट चर्चा सुरू

देगलूर नगरपालिकेत पहिल्यांदाच भाजपकडून सर्व जागांवर उमेदवार उभे करण्यात आले असून येथील भाजप उमेदवारांना कोणीही वाली उरला नसल्याचे चित्र प्रचाराच्या अंतिम टप्प्यात दिसून आले आहे.

• देगलूरची निवडणूकीमध्ये उदासीनता
• भाजपकडून 27 जागांवर उमेदवार मात्र प्रचार नाही
• विरोधकांनी उडवला प्रचाराचा धुराळा

Maharashtra Politics : नांदेड : जिल्ह्यातील बारा नगरपालिकांसह एका नगरपंचायतीच्या निवडणुकीचा (Local Body Elections)प्रचार आता अंतिम टप्प्यात आला असून आता प्रचारासाठी ४८ तासांचा अवधी उरला आहे. असे असताना भाजपच्या (BJP) प्रचारयंत्रणेची राजकीय चर्चा सर्वत्र सुरू झाली आहे. जिल्ह्यातील सर्वात मोठी ब दर्जाची नगरपालिका असणाऱ्या देगलूर नगरपालिकेत पहिल्यांदाच भाजपकडून सर्व जागांवर उमेदवार उभे करण्यात आले असून येथील भाजप उमेदवारांना कोणीही वाली उरला नसल्याचे चित्र प्रचाराच्या अंतिम टप्प्यात दिसून आले आहे.

नगराध्यक्षपदाच्या उमेदवारांसह अन्य उमेदवारांच्या प्रचारार्थ आजपर्यंत खासदार अजित गोपछडे वगळता एकाही मोठ्या नेत्याची सभा देगलूरात पार पडली नसून आमदार जितेश अंतापूरकर यांच्या पक्षपातळीवरील उदासीनतेची राजकीय उलटसुलट चर्चा सर्वत्र सुरू झाली आहे. नगराध्यक्षपदाचे उमेदवार प्रतिनिधी गंगाधर भांगे हे आपल्या ऐपतीनुसार एकटाच भाजपचा किल्ला लढवत असल्याचे दिसून आले आहे. भाजपच्या जिल्हास्तरावरील नेत्यांनी विशेषतः दक्षिण जिल्ह्याची जबाबदारी असणाऱ्या जिल्हाध्यक्षांसह अन्य वरिष्ठ नेत्यांनी देगलूरची निवडणूक गांभीर्यान घेतली नसल्याचे दिसून आले आहे. देगलूरमध्ये भाजपने ओबीसी चळवळीत काम करणारे गंगाधर भांगे यांच्या पत्नी नीलाताई भांगे यांना उमेदवारी दिली आहे, भांगे यांच्या प्रयत्नांमुळे भाजपला पहिल्यांदाच सत्तावीस जागांवर उमेदवार उभे करता आले आहेत, हे वास्तव आहे.

महायुतीमध्ये 2 नंबर कोण? रवींद्र चव्हाण म्हणाले “त्याला काहीच किंमत नाही”; शिंदेंना लगावला टोला?

सर्व जागांवर उमेदवार असल्यामुळे भाजपला सत्तेत जाण्याची एक चांगली संधी मिळाली आहे, या संधीचा पूरेपूर फायदा भाजपकडून घेतला जाईल, असे चित्र सुरवातीला दिसत होते; परंतु आमदार जितेश अंतापूरकर यांनी म्हणावे तेवढे ‘अर्थ लक्ष’ निवडणुकीत दिले नसल्यामुळे प्रचाराची  यंत्रणा खिळखिळी झाल्याचे चित्र शेवटच्या टप्प्यात दिसून येत आहे. देगलूरमध्ये भाजपच्या वरिष्ठ नेत्यांच्या किमान चार ते पाच सभा पार पडणे अपेक्षित होते; परंतु एकाही नेत्याची सभा पार पडली नाही. अन्य पक्षांच्या वरिष्ठ नेत्यांनी प्रचाराचे रान उठविले आहे.

भाजपची प्रचारयंत्रणा मात्र कोमात गेल्यागत झाली आहे. खासदार अजित गोपछडे व आमदार जितेश अंतापूरकर यांनी एक बैठकवजा सभा घेतली असून या व्यतिरिक्त कोणताही नेता देगलूरकडे फिरकला नाही. निवडणुकीबाबत आ. अंतापूरकर यांच्या असलेल्या राजकीय उदासीनतेबाबत आता देगलूरमध्ये उलटसुलट चर्चा सुरू झाली आहे.

कोणी सांगितलं महायुतीमध्ये यायला? अजित पवारांना एकनाथ शिंदेंच्या नेत्याचा सवाल, वाद पेटणार?

भाजपाची सुस्तावलेली प्रचारयंत्रणा ..

दुसन्या पक्षाच्या उमेदवारीसाठी हितकारक ठगी की काय? अशी भीती आता व्यक्त केल्या जात आहे. नगराध्यक्षपदाचे उमेदवार प्रतिनिधी गंगाधर भगि हे सर्वच प्रभागातील उमेदवारांशी समन्वय ठेवून आपल्या परीने
भाजपचा किल्ला लढवत आहेत, प्रचाराला अवये काही तास उरले असून आ. अंतापूरकर यांच्यासह भाजपच्या जिल्हास्तरीय नेत्यांनी ‘जोर लावल्यास देगलूरमध्ये भाजपला ‘अच्छे दिन येवू शकतात, अशी चर्चाही आता रंगू लागली आहे.