आगामी निवडणुकांसाठी भाजप लागली तयारीला, नाशिकमध्ये ठरणार भाजपचं मिशन महाराष्ट्र

राज्यात (State) आगामी काळात येऊ घातलेल्या स्थानिक निवडणुकांच्या (Election) तोंडावर नाशिकमध्ये (Nashik) दोन दिवसांपासून भाजपचं मंथन सुरू आहे. मागील काळात काय रणनीती असावी, यावर खलबत सुरू आहे. आजच्या या बैठकीत भाजप आणि शिंदे गटाचा राज्यात 200 चा नारा असणार आहे.

नाशिक : राज्यात (State) आगामी काळात येऊ घातलेल्या स्थानिक निवडणुकांच्या (Election) तोंडावर नाशिकमध्ये (Nashik) दोन दिवसांपासून भाजपचं मंथन सुरू आहे. मागील काळात काय रणनीती असावी, यावर खलबत सुरू आहे. आजच्या या बैठकीत भाजप आणि शिंदे गटाचा राज्यात 200 चा नारा असणार आहे.

दोन दिवसीय प्रदेश कार्यकारिणी बैठक

भाजपची दोन दिवसीय प्रदेश कार्यकारिणी बैठक शुक्रवारपासून नाशिकमध्ये सुरू झाली आहे. या बैठकीत उपमुख्यमंत्री देवेंद्र फडणवीस यांच्यासह भाजपाचे महाराष्ट्रातील केंद्रीय मंत्री, राज्यातील कॅबिनेट मंत्री आणि भाजपचे प्रदेश पदाधिकारी विचारमंथन करताना दिसतील.

आजच्या बैठकीत काय होणार चर्चा? 

आजच्या बैठकीत भाजप आणि शिंदे गटाचा राज्यात 200 चा नारा असणार आहे. लोकसभेसाठी मिशन 45 तर विधानसभेसाठी मिशन 200 असा नारा आजच्या कार्यकारणीत बैठकीत देणार आहे. या कार्यकारिणी बैठकीत लोकसभा-विधानसभा मतदारसंघाचा आढावा घेणार आहे.

आज दुसऱ्या दिवशी विविध विषयांवर विस्तृत चर्चा होणार आहे. आज बडे नेते मार्गदर्शन करतील. यावेळी राजकीय आणि कृषी क्षेत्रासह विविध विषयांवर ठराव पारित होतील. त्यासाठी महाराष्ट्रातील सर्व भाजप मंत्री आणि हजाराहून अधिक पदाधिकारी या बैठकीस उपस्थित असणार आहे.