Buldhana: बुलढाण्यात पुढील ५ दिवस कोरडे हवामान; रब्बी पिकांसाठी कृषी हवामान केंद्राचा महत्त्वाचा सल्ला

Buldhana weather forecast farmer agriculture advisory: बुलढाणा जिल्ह्यात पुढील पाच दिवस कोरडे हवामान राहण्याचा अंदाज असून, शेतकऱ्यांनी उपलब्ध सिंचन स्रोतांची खात्री करून रब्बी पिकांचे नियोजन करावे, असा सल्ला जिल्हा कृषी हवामान केंद्राने दिला आहे.

• पुढील ५ दिवस हवामान कोरडे राहणार?
• बुलढाणा कृषी हवामान केंद्राचा शेतकऱ्यांना सल्ला
• पेरणी आणि सिंचनाबाबत महत्त्वाच्या सूचना

बुलढाणा: भारतीय हवामान विभागाने वर्तविलेल्या पाच दिवसीय हवामान अंदाजानुसार बुलढाणा ( Buldhana) जिल्ह्यात पुढील ५ दिवस कोरडे हवामान राहण्याची शक्यता आहे. या कालावधीत आकाश मुख्यतः निरभ्र ते अंशतः ढगाळ राहण्याचा अंदाज आहे. एल निनो सदृश परिस्थिती आणि कमाल तापमानातील बदल लक्षात घेता, शेतकऱ्यांनी रब्बी हंगामातील पिकांचे नियोजन उपलब्ध सिंचन स्रोतांची खात्री करूनच करावे, असा कृषी सल्ला जिल्हा कृषी हवामान केंद्राने दिला.

Satara Politics: राजकारण हाय राव! संघर्ष तर होणारच; साताऱ्यात 7 बिनविरोध तर 14 ठिकाणी…

ओलिताखालील करडीची पेरणी ऑक्टोबर महिन्याच्या अखेरपर्यंत करता येऊ शकते. पेरणीपूर्वी करडीचे बियाणे रात्रभर पाण्यात भिजवून पेरणी केल्यास बियाण्याची उगवण लवकर व चांगली होण्यास मदत होते. त्यामुळे शेतकऱ्यांनी योग्यवेळी आणि उपलब्ध ओलाव्याचा न विचार करून पेरणी करावी. याशिवाय, पाण्याची संभाव्य टंचाई लक्षात घेता शेतकऱ्यांनी फळझाडांच्या सुकलेल्या, रोगट आणि अतिरिक्त फांद्या काढून टाकाव्यात. यामुळे फळझाडांची पाण्याची गरज कमी होण्यास मदत होऊन उपलब्ध पाण्याचा कार्यक्षम वापर करता येईल, असा सल्ला देण्यात आला. फक्त वाळलेला किवा सुकलेला चारा दिल्याने जनावरांच्या सर्व पोषणविषयक गरजा पूर्ण होत नाहीत.

त्यामुळे जनावरांचे वय, वजन, दूध उत्पादन आणि शारीरिक अवस्था लक्षात घेऊन त्यांच्या आहाराचे नियोजन करावे. आवश्यकतेनुसार संतुलित पशुखाद्य, खनिज मिश्रण आणि मीठ यांचा आहारात समावेश करावा, असेही कृषी हवामान केंद्राने स्पष्ट केले. हा महत्वाचा कृषी सल्ला ग्रामीण कृषी मौसम सेवा अंतर्गत जिल्हा कृषी हवामान केंद्र, कृषी विज्ञान केंद्र, बुलढाणा (डॉ. पंजाबराव देशमुख कृषी विद्यापीठ, अकोला) यांच्याकडून देण्यात आलेला आहे.

अवकाळी पाऊस पडण्याची शक्यता कमी

अल निनो सदृश परिस्थितीच्या पार्श्वभूमीवर चालू महिन्यात मान्सूनोत्तर अथवा अवकाळी पाऊस पडण्याची शक्यता कमी असल्याने शेतकऱ्यांनी पाण्याची उपलब्धता लक्षात घेऊन पेरणीचे नियोजन करावे.तसेच, रब्बी पिकांची पेरणी करताना पाण्याचा ताण सहन करू शकणाऱ्या आणि लवकर परिपक्व होणाऱ्या वाणांची निवड करावी, असे आवाहन देखील करण्यात आले आहे.

Washim: महिला बचत गटाच्या वसुली त्वरित थांबवा, दुष्काळी परिस्थितीत कर्ज हप्त्यासाठी दबाव टाकू नये; तहसीलदारांना निवेदन