Buldhana News: ९५ दाम्पत्यांचे अनुदान रखडले; गतवर्षी ३०, यंदा ६५ अर्ज रखडले; आंतरजातीय विवाह प्रोत्साहन योजना

Buldhana Inter Caste Marriage Scheme : बुलढाणा जिल्ह्यात आंतरजातीय विवाहांना प्रोत्साहन देण्यासाठी राबविण्यात येणाऱ्या आंतरजातीय विवाह प्रोत्साहन योजनेअंतर्गत एकूण ९५ दाम्पत्यांचे अनुदान रखडले आहे.

• बुलढाण्यात ९५ दाम्पत्यांचे अनुदान रखडले
• गतवर्षीचे ३०, यंदाचे ६५ अर्ज प्रलंबित
• ५० हजारांच्या अनुदानाची दाम्पत्यांना प्रतीक्षा

बुलढाणा: राज्य शासनाच्यावतीने अस्पृश्यता निवारण कार्यक्रमांतर्गत आंतरजातीय विवाहांना प्रोत्साहन देण्यासाठी आंतरजातीय विवाह प्रोत्साहन योजना राबविण्यात येत आहे. सामाजिक सलोखा वाढविणे आणि आंतरजातीय विवाह करणाऱ्या दाम्पत्यांना आर्थिक आधार देणे हा या योजनेचा उद्देश आहे. मात्र, जिल्ह्यात या योजनेअंतर्गत गतवर्षीचे ३० तर यंदाचे ६५ असे एकूण ९५ अर्ज केलेल्या दाम्पत्यांचे अनुदान अद्याप रखडले असल्याची स्थिती आहे.

गेल्या वर्षभरात जिल्ह्यातील ६५ आंतरजातीय विवाह करणाऱ्या दाम्पत्यांनी योजनेअंतर्गत आर्थिक सहाय्य मिळावे, यासाठी अर्ज सादर केले आहेत. त्यापूर्वीच्या वर्षातील ३० दाम्पत्यांचे अर्जही प्रलंबित असल्याने अनुदानाच्या प्रतीक्षेत असलेल्या लाभाच्यांची संख्या ९५ वर पोहोचली आहे. आंतरजातीय विवाह करणाऱ्या दाम्पत्यांना शासनाच्या या योजनेमुळे आर्थिक मदत मिळते. त्यामुळे विवाहानंतरच्या सुरुवातीच्या काळात ही मदत महत्त्वाची ठरते. मात्र, अर्ज सादर करूनही अनुदानाला विलंब होत आहे.

असे लागतात कागदपत्रे योजनेचा

लाभ मिळविण्यासाठी संबंधित दाम्पत्यांना विवाह नोंदणी प्रमाणपत्र, जातीचे प्रमाणपत्र, रहिवासी दाखला, आधार कार्ड, पॅन कार्ड आणि संयुक्त बैंक खात्याचे झेरॉक्स जोडाची लागते.

५० हजारांची मिळते मदत

विवाहबद्ध झालेल्या या जोडप्यांना सुरुवातीच्या काळात शासनाकडून दिले जाणारे ५० हजारांचे अर्थसहाय्य हे महत्त्वपूर्ण ठरते.

३० लाखांचा निधी प्राप्त

संबंधित विभागाला शासनाकडून ३० लाखांचा निधी प्राप्त झाला आहे. प्रलंबित पात्र लाभार्थ्यांना लवकरच या निधीचे वाटप करण्यात येणार असल्याचे, संबंधित विभागाकडून दैनिक नवराष्ट्र प्रतिनिधी बोलताना सांगितले.

जि. प.. बुलढाण्याचे, प्रभारी समाज कल्याण अधिकारी,प्रमोद एंडोले म्हणाले की, 66 शासनाकडून ३० लाखांचा निधी मिळाला, परंतु, निधीची अधिक आवश्यकता असल्याने निधीरखठी मागणी केलेली आहे. पुढील महिन्यात निधी प्राप्त झाल्यानंतर गतवर्षीच्या ३० आणि यावर्षीच्या ६५ दाम्पत्यांना निधीचे वाटप करण्यात येईल.

दुष्काळसदृश यादीत बुलढाण्याचा समावेश करा; मुख्यमंत्री देवेंद्र फडणवीस यांना केंद्रीय राज्यमंत्री प्रतापराव जाधव यांची विनंती