Buldhana News: मृद व जलसंधारण अधिकाऱ्यांची कार जप्त; पाझर तलाव भूसंपादनप्रकरणी कोर्टाची कारवाई

Buldhana Soil and Water Conservation Department : बुलढाण्यात पाझर तलावासाठी भूसंपादनाचा मोबदला न मिळाल्याने न्यायालयाच्या आदेशानुसार मृद व जलसंधारण अधिकारी अमोल मुंढे यांची शासकीय कार जप्त करण्यात आली. या कारवाईमुळे प्रशासकीय यंत्रणेची मोठी नामुष्की झाल्याचे पाहायला मिळाले.

• मृद व जलसंधारण अधिकाऱ्यांची कार जप्त
• पाझर तलाव भूसंपादनप्रकरणी कोर्टाची कारवाई
• दुचाकीवरून प्रवास करण्याची नामुष्की

बुलढाणा: पाझर तलावासाठी भूसंपादन प्रकरणात शासनातर्फे मोबदला मिळाला नसल्याने एका न्यायप्रविष्ट प्रकरणाला वेगळे वळण मिळाले. प्रशासकीय यंत्रणेवर नामुष्की ओढावल्याचे पाहायला मिळाले. न्यायालयाच्या आदेशानुसार बुलढाण्यात चक्क मृद व जलसंधारण अधिकारी अमोल मुंढे यांचे शासकीय कार जप्त करण्यात आली.

Buldhana News: कर्जमुक्ती योजना; पालकमंत्र्यांनी घेतला अतिवृष्टीचा आढावा, नुकसानीचे पंचनामे अचूक व वेळेत पूर्ण करण्याचे निर्देश

कोर्टाचा बेलीफ, पीडित शेतकरी व त्यांच्या वकील सोमवारी सायंकाळी ४ वाजताच्या सुमारास चिखली रोडवरील मृद व जलसंधारण अधिकारी कार्यालयात धडकले व कार जप्तीची ही कारवाई करण्यात आली. मोताळा तालुक्यातील गोतमारा कोऱ्हाळा शिवारात पाझर तलावाच्या निर्मितीसाठी २००९ मध्ये अनेक शेतकऱ्यांची जमीन संपादित करण्यात आली होती. परंतु, शासनातर्फे संबंधित शेतकऱ्यांना मोबदला मिळाला नसल्याने त्यांनी मलकापूर दिवाणी न्यायालयात दावा दाखल केला होता. यासंदर्भात न्यायालयाने २०२३ मध्ये निकाल देत बुलढाणा जिल्हाधिकारी, लघु सिंचन अधिकारी आणि विशेष भूसंपादन अधिकारी कार्यालयाला ५ लाख ५८ हजार १० रुपये अदा करण्याचे आदेश दिले होते. परंतु, बराच काळ उलटूनही पीडित शेतकऱ्याना मोबदला मिळाला नसल्याने न्यायालयाने कडक भूमिका घेत मृद व जलसंधारण अधिकाऱ्याचे शासकीय वाहन जप्त करण्याचे आदेश दिले.

दुचाकीवरून प्रवास करण्याची नामुष्की

कार जप्तीची कारवाई झाल्यानंतर मृद व जलसंधारण अधिकारी अमोल मुंढे यांना सहकारी कर्मचाऱ्याच्या दुचाकीने प्रवास करावा लागल्याचे पहायला मिळाले.

Washim News: विकासकामे वेळेत पूर्ण करा, पालकमंत्री भरणे यांचे निर्देश; जिल्हा वार्षिक योजनेची बैठक