धडक कारवाई; दुसरबीड, बीबी, सुलतानपूरमधील अतिक्रमिकांना प्राथमिक नोटीस, महामार्गालगतच्या अतिक्रमणांवर प्रशासनाचा हातोडा

Sindkhed Raja National Highway Unauthorized Encroachment: सिंदखेड राजा परिसरातील राष्ट्रीय महामार्ग क्रमांक ७५३ सीच्या हद्दीत झालेल्या अनधिकृत अतिक्रमणांवर राष्ट्रीय महामार्ग प्रशासनाने कारवाईची प्रक्रिया सुरू केली आहे.

• दुसरबीड, बीबी, सुलतानपूरमधील अतिक्रमिकांना प्राथमिक नोटीस
• महामार्गालगतच्या अतिक्रमणांवर प्रशासनाचा हातोडा
• सात दिवसांत अतिक्रमण काढण्याची मुदत

सिंदखेड राजा: राष्ट्रीय महामार्गाच्या हद्दीतील अनधिकृत अतिक्रमण आणि परवानगीशिवाय करण्यात आलेल्या वापराबाबत राष्ट्रीय महामार्ग प्रशासनाने कारवाईची प्रक्रिया सुरू केली. अमरावती येथील राष्ट्रीय महामार्ग विभागाच्या कार्यकारी अभियंता कार्यालयातून शुक्रवारी प्राथमिक नोटीस बजावण्यात आल्या, दुसरबीड, बीबी आणि सुलतानपूर परिसरातील संबंधितांना त्याद्वारे अतिक्रमणाचाबत सूचना देण्यात आली.

Buldhana News: भूखंड घशात घालण्याचा भूमाफियांचा प्रयत्न सुरू; तहसील कार्यालयात ठिय्या आंदोलन

जालना ते पुलगाव राष्ट्रीय महामार्ग क्रमांक ७५३ सीच्या हद्दीची पाहणी केल्यानंतर अतिक्रमण आवळल्याचे नोटिसीत नमूद आहे. आवश्यक अॅक्सीस परमीशन न घेता महामार्गाच्या हद्दीत करण्यात आलेल्या वापराबाबतही प्रशासनाने संबंधितांना जबाबदार धरले आहे. नोटिसीनुसार, संबंधितांना सात दिवसांत अतिक्रमण काढण्याची तसेच आपली बाजू मांडण्याची मुदत देण्यात आली. याशिवाय सक्षम प्राधिकाऱ्यांकडे तीन दिवसांत निवेदन सादर करण्याची संधी देण्यात आली, राष्ट्रीय महामार्ग विभागाचे कार्यकारी अभियंता रुपेश कथलकर यांनी सांगितले की, नोटिसा प्राथमिक स्वरूपाच्या आहेत.

संबंधितांनी दिलेल्या मुदतीत आपले म्हणणे प्रशासनाकडे मांडावे. त्यानंतरही अतिक्रमण कायम राहिल्यास नियमानुसार कारवाई केली जाईल, यावेळी पोलिस अधीक्षक कार्यालयाची मदत घेतली जाणार आहे. सर्वोच्च न्यायालयाच्या निर्देशांच्या अनुषंगाने ही कार्यवाही होत असून, मोठ्या गावांच्या ठिकाणी महामार्गाच्या बाजूची ३० मीटर, तर छोट्या गावांच्या ठिकाणी २४ मीटरपर्यंतची हद्द विचारात घेतली जाणार आहे.

Buldhana News: एसटी बस-टिप्परच्या धडकेत १ ठार ६ जण जखमी; चिखली-खामगाव महामार्गावर घडला अपघात