Buldhana: सोयाबीन काढणीला वेग; मध्य प्रदेशातून हजारो मजूर दाखल, स्थानिक मजुरांसमोर रोजगाराचा प्रश्न

Buldhana Soybean Harvest Madhya Pradesh Labourers: बुलढाणा जिल्ह्यात सोयाबीन काढणीला वेग आला असून, मध्य प्रदेशातून आलेल्या ५ ते ६ हजार मजुरांमुळे काढणीचे काम गतीने सुरू आहे. सोयाबीन हंगामानंतर स्थानिक मजुरांसमोर रोजगाराचा प्रश्न निर्माण होऊन पुणे, मुंबई, छत्रपती संभाजीनगरकडे स्थलांतर वाढण्याची शक्यता आहे.

• बुलढाण्यात सोयाबीन काढणीला वेग
• मध्य प्रदेशातून मजूर दाखल
• स्थानिक मजुरांचे स्थलांतर वाढणार?

बुलढाणा : खरीप हंगामातील सोयाबीन काढणीला जिल्ह्यात वेग आला. यंदा पावसाचे प्रमाण अपेक्षेप्रमाणे न झाल्याने उत्पादनावर परिणाम होण्याची शक्यता असतानाच, उपलब्ध परिस्थितीत शेतकऱ्यांनी सोयाबीन काढणीला सुरुवात केली आहे. साधारण तीन महिन्यांच्या मशागतीनंतर सुरू इसलेला हा काढणीचा हंगाम पुढील एक ते दोन आठवडे चालण्याची शक्यता आहे.सोयाबीन काढणीसाठी शेजारील मध्य प्रदेशातून मोठ्या संख्येने मजूर जिल्ह्यात दाखल झाले आहेत. खरगोन, बैतूल आणि खांडवा परिसरातून जवळपास पाच ते सहा हजार मजूर जिल्ह्यात आले असून, त्यांच्या उपलब्धतेमुळे सोयाबीन काढणीला वेग आला. रखरखत्या उन्हातही शेतांमध्ये मजुरांकडून सोयाबीन काढणीचे काम सुरू आहे.

Washim News: मत्स्य व्यावसायिकांना मदत देणार, मंत्री नीतेश राणे यांचे प्रतिपादन; दुष्काळाच्या पार्श्वभूमीवर आढावा

खरीप हंगाम संपल्यानंतर हे मजूर पुन्हा मध्य प्रदेशात परततील मात्र, स्थानिक – मजुरांसमोर रोजगाराचा प्रश्न राहील एवढे मात्र निश्चीत..! यंदाच्या हंगामात अत्यल्प झालेल्या पर्जन्यमानाचा फटका रब्बी – हंगामावर होणार असल्याने सहाजिकच रब्बीच्या पेऱ्यात घट होणार आहे, मजुराच्या हाताला काम मिळेल किंवा नाही याची शाश्वती, राहिली नाही. पर्यायाने रोजगाराच्या शोधात जिल्ह्यातील मजुरांना स्थलांतर व्हावे लागणार ? की प्रशासनाच्या वतीने त्यांना येथे रोजगार उपलब्ध करून दिल्या जाईल, हे पाहणे महत्त्वाचे ठरणार आहे.

रोजगारासाठी शहरांकडे धाव

जिल्ह्यातील रोजगाराच्या मर्यादित संधी आणि शेतीवर अवलंबून असलेली अर्थव्यवस्था यामुळे सोयाबीन काढणीचा हंगाम संपल्यानंतर स्थानिक मजुराचे मोठ्या शहरांकडे स्थलांतर वाढण्याची शक्यता आहे. पुणे, मुंबई आणि छत्रपती संभाजीनगर यांसारख्या शहरांकडे रोजगाराच्या शोधात मजुरांची पावले वळण्याची शक्यता आहे.

स्थानिक मजुरांसमोर रोजगाराचा प्रश्न

खरीप हंगामातील काम संपल्यानंतर मात्र स्थानिक मजुरांसमोर रोजगाराचा प्रश्न निर्माण होण्याची शक्यता आहे. जिल्ह्यात यंदा पावसाचे प्रमाण कमी राहिल्याने रब्बी हंगामातील शेतीची कामेही मर्यादित राहण्याची शक्यता आहे. त्यामुळे स्थानिक पातळीवर सर्व मजुरांच्या हाताला सातत्याने काम मिळेल, याची शाश्वती कमी झाली आहे. साधारणतः नोव्हेंबर-डिसेंबरनंतर जिल्ह्यात बांधकाम क्षेत्रातील गवंडी आणि मजुरांना कामाची संधी उपलब्ध होते. मात्र कमी पावसामुळे यंदा घरबांधणी आणि बांधकामांची संख्या कमी राहण्याची शक्यता व्यक्त होत आहे. परिणामी स्थानिक रोजगाराच्या संधी आणखी कमी होण्याची शक्यता आहे.

Washim: महसूलमंत्री चंद्रशेखर बावनकुळेंनी शेतकऱ्यांच्या जाणल्या समस्या, रणथम शिवारात अंधारात टॉर्चच्या उजेडात केली पीक पाहणी