Washim News: ‘मत वाचवा, देश वाचवा!’ वाशिममध्ये महाविकास आघाडीचे आंदोलन, निवडणूक आयोगाविरोधात एल्गार

Washim Maha Vikas Aghadi Protest: वाशिममध्ये जिल्हा महाविकास आघाडीच्या वतीने ‘मत वाचवा, देश वाचवा’ अभियानांतर्गत डॉ. बाबासाहेब आंबेडकर चौकातून जिल्हाधिकारी कार्यालयापर्यंत दुचाकी मोर्चा काढण्यात आला.

• मतदान प्रक्रियेवरून राजकीय वातावरण तापले
• वाशिममध्ये महाविकास आघाडी आक्रमक
• आयोगाविरोधात विरोधकांचा मोर्चा

वाशिम: जिल्हा महाविकास आघाडीच्यावतीने राजुभाऊ चौधरी वाशिम जिल्हा काँग्रेस कमिटी अध्यक्ष यांच्या पुढाकाराने गुरुवारी दुपारी १ वाजता डॉ. बाबासाहेब आंबेडकर चौक येथुन वाशिम जिल्हाधिकारी कार्यालयापर्यंत दुचाकी मोर्चा काढण्यात आला. सदरचा कार्यक्रम हा महाराष्ट्र प्रदेश कतीस कमिटीकडून मुख्य निवडणूक आयुक्त ज्ञानेशकुमार यांच्याविरोधात तात्काळ कार्यवाही करून अटक करण्यासाठी शुक्रवार ते गुरुवारदरम्यान जिल्हास्तरावर ‘लोकग्रही वाचवा सप्ताह’ आणि ‘मत वाचवा देश वाचवा मोर्चा जिल्ह्यातील समविचारी पक्षांना सोबत घेऊन भव्य मोर्चा काढण्यात आला.

बुलढाण्यात वर्षभरात ६६ बालक, १० मातांचा मृत्यू; प्रमाण चिंताजनक; आरोग्य यंत्रणेपुढील आव्हाने कायम

मोर्चातून ज्ञानेशकुमार हटाव देश बचाव, एसआयआर रद्द करा, अशा घोषणा देण्यात आल्या. तर वाशिम जिल्हाधिकारी कार्यालय येथे महाविकास आघाडीच्यावतीने सर्व पक्षाच्या संयुक्त सह्याचे निवेदन देण्यात आले. ज्ञानेश कुमारच्या पुतळ्यास जोडे मारण्यात आले व पायदळी तुडवून निषेध करण्यात आला. याप्रसंगी राष्ट्रगीत घेऊन या मोचांचा समारोप करण्यात आला. यावेळी मोर्चात काँग्रेस वाशिम जिल्हाध्यक्ष राजू चौधरी, उथाठा जिल्हाप्रमुख बालाजी वानखेडे, राकाँ शहराध्यक्ष अमित खडसे, मनसे जिल्हाध्यक्ष राजू किडसे, संभाजी ब्रिगेड जिल्हाध्यक्ष गजानन भोयर, जनता पार्टी समन्वयक गजानन धामणे, आप प्रकाश कांबळे, अॅड. दिलीपराव सरनाईक, डॉ. सिद्धार्थ देवळे, गजानन देशमुख वडजीकर, सुधीर कव्हर, किसनराव मस्के, कॅप्टन प्रशांत सुर्वे, राजू भांदुर्गे, एससी सेल जिल्हाध्यक्ष मनीष भालेराव आदी उपस्थित होते. संचालन जिल्हा काँग्रेस कमिटीचे सरचिटणीस उज्ज्वल देशमुख यांनी केले, तर आभार सचिव सुरेश रत्नपारखी यांनी मानले.

काँग्रेसच्या आंदोलनाने बुलढाणा दणाणले

निवडणूक आयोगाने चोरी आणि देशद्रोह केल्याचे सिद्ध झाले असतानाही दिल्लीश्वर मुख्य निवडणूक आयुक्त ज्ञानेश कुमार यांचे संरक्षण करत आहे. याविरोधात मोठ्या संख्येने खासदार निवडणूक आयोगाविरोधात एकवटले असताना काँग्रेस नेते राहुल गांधींना ज्याप्रकारे पोलिसांनी अटक केली, ती अत्यंत क्लेशदायक आणि लोकशाहीला काळिमा फासणारी घटना आहे. संघ आणि भाजपचा कुटील डाव आता सर्वांसमोर आला. भ्रष्टाचारासाठी आणि स्वतःचे हित साधण्यासाठी संस्थांचा वापर केला जात असून, संविधानिक संस्था उद्धवस्त करण्याचा अधिकार राज्यकत्यांना कुणी दिला? असा संतप्त सवाल करीत ज्ञानेश्वर कुमार यांच्या राजीनाम्याची मागणी केली. बुलढाणा येथे गुरुवारी बुलढाणा जिल्हा काँग्रेसच्या वतीने काँग्रेस प्रदेशाध्यक्ष हर्षवर्ध सपकाळ यांच्या नेतृत्वाखाली लोकशाही बचाव आंदोलन करण्यात आले, याप्रसंगी ते बोलत होते.

वाशिममधील २९१ ‘शून्य निपुण’ शाळांवर विशेष लक्ष; जिल्हाधिकाऱ्यांनी दिले निर्देश, प्रभावी उपाययोजनांसाठी जिल्हा सुकाणू समितीची सभा