Washim News: नागरिकांना दिलासा; रिसोडचा पाणीप्रश्न सुटण्याच्या मार्गावर; ७५ कोटींच्या पाणी योजनेला हिरवा कंदील

Washim Risod Water Supply 75 Crore Scheme: वाढती लोकसंख्या आणि शहराचा विस्तार लक्षात घेता रिसोडच्या पिण्याच्या पाण्याची गरज भागवण्यासाठी ७५ कोटी रुपयांची वाढीव पाणीपुरवठा योजना मंजूर होणार आहे.

• रिसोडचा पाणीप्रश्न सुटणार
• वाढीव पाणीपुरवठा योजनेसाठी ७५ कोटींचा निधी
• भावना गवळींच्या पाठपुराव्याला यश

वाशिम: वाढती लोकसंख्या आणि शहराचा झपाट्याने होत असलेला विस्तार यामुळे रिसोड शहराच्या पिण्याच्या पाण्याची गरज दिवसेंदिवस वाढत आहे. भविष्यात निर्माण होणारी पाणीटंचाई लक्षात घेऊन वाढीव पाणीपुरवठा योजनेसाठी ७५ कोटी रुपयांचा निधी उपलब्ध होणार आहे. आ. भावना गवळी-पाटील यांनी केलेल्या सातत्यपूर्ण पाठपुराव्यामुळे या योजनेला राज्याचे उपमुख्यमंत्री तथा नगरविकास मंत्री एकनाथ शिंदे यांनी हिरवा कंदील दाखविला आहे. रिसोड शहराचा पाणीप्रश्न कायमस्वरूपी सोडविण्याच्या दृष्टीने माजी खा. पुंडलिकराव गवळी यांनी यापूर्वी नळगंगा पाणीपुरवठा योजना मंजूर करून घेतली होती.

मात्र, कालांतराने शहराची लोकसंख्या वाढल्याने पाणीपुरवठा अपुरा पडण्याची शक्यता निर्माण झाली. त्यामुळे शहराची सध्याची तसेच भविष्यातील गरज लक्षात घेऊन वाढीव पाणीपुरवठा योजनेचा प्रस्ताव पुढे नेण्यात आला. आत्यांनी याबावत शासनाकडे सातत्याने पाठपुरावा करून उपमुख्यमंत्री एकनाथ शिंदे यांच्याकडे शहराची पाणीस्थिती आणि भविष्यातील गरज मांडली. त्यानंतर ७५ कोटी रुपयांच्या निधीसाठी सकारात्मक निर्णय घेण्यात आला. या योजनेची अंमलबजावणी झाल्यानंतर रिसोड शहरातील नागरिकांना भविष्यातील वाढत्या पाणी गरजेपासून मोठा दिलासा मिळण्याची अपेक्षा आहे. शहरासह प्रलाबत तालुक्यातील विकासकामांना गती देण्याचा प्रयत्न सुरू असल्याचेही सांगण्यात आले.

आमदार,भावना गवळी-पाटील म्हणाले की, 6 शहराची काढती लोकसंख्या लक्षात घेऊन वाढीव पाणीपुरवठा योजनेचा प्रस्ताव चार वर्षापूचीच तयार करण्यात आला. य योजनेसाठी ईसापूर चरणातून पाणी उपलब्ध करून घेण्याची प्रक्रिया सुरू आहे. ही प्रक्रिया पूर्ण झाल्यानंतर वाशिम शहराच्या वाढीव पाणीपुरवठा योजनेलाही लवकरच मंजुरी मिळणार आहे.

Buldhana News: एस-३ ईव्हीएममुळे मतदान प्रक्रिया सुलभ,राज्य निवडणूक आयुक्त दिनेश वाघमारे; बुलढाण्यात नवीन ईव्हीएम वापर