Chandrapur News: कागदावर क्रीडांगण पूर्ण, प्रत्यक्षात काम अपूर्ण? खडसंगी ग्रामपंचायतीत 24 लाखांच्या कामावर प्रश्नचिन्ह

खडसंगी येथील क्रीडांगणाचे काम सन २०२३-२४ मध्ये मंजूर करण्यात आले होते. मात्र, मंजूर काम पूर्णत्वास न जाता कागदोपत्री ते पूर्ण दाखविण्यात आल्याचा आरोप करण्यात आला. या प्रकरणात अंदाजपत्रकाबाबतही संभ्रम निर्माण झाला आहे.

• सुमारे २४ लाख रुपयांचे पेमेंट झाल्याचा दावा असून, प्रत्यक्षात क्रीडांगणाचे काम अपूर्ण असल्याचा आरोप आहे.
• बास्केटबॉल आणि कबड्डी मैदान कागदोपत्री दाखवले, मात्र प्रत्यक्षात केवळ मुरूमाचा थर टाकण्यात आल्याचा दावा करण्यात आला आहे.
• मंजुरी आदेश, अंदाजपत्रक, मोजमाप पुस्तिका आणि देयकांची चौकशी करून दोषी आढळल्यास कारवाई व निधीवसुलीची मागणी करण्यात आली आहे.’

चिमूर: महात्मा गांधी राष्ट्रीय ग्रामीण रोजगार हमी योजनेंतर्गत (मनरेगा) मंजूर झालेल्या क्रीडांगणाच्या कामात मोठा गैरव्यवहार झाल्याचा गंभीर आरोप खडसंगी ग्रामपंचायतीतून समोर आला आहे. प्रत्यक्षात काम अपूर्ण असतानाही ते पूर्ण झाल्याचे प्रमाणपत्र काढण्यात आल्याचा आरोप होत असून, या प्रकारामुळे ग्रामपंचायत व संबंधित प्रशासनाच्या कारभारावर प्रश्नचिन्ह निर्माण झाले आहे. खडसंगी येथील क्रीडांगणाचे काम सन २०२३-२४ मध्ये मंजूर करण्यात आले होते. मात्र, मंजूर काम पूर्णत्वास न जाता कागदोपत्री ते पूर्ण दाखविण्यात आल्याचा आरोप करण्यात आला. विशेष म्हणजे, काम अपूर्ण असतानाही पूर्णत्व प्रमाणपत्र कसे देण्यात आले? असा सवाल उपस्थित होत आहे.

Raigad News: माथेरानमध्ये राजकीय भूकंपाची चाहूल! शिंदे गटात बड्या नेत्यांचा प्रवेशाची चर्चा, अधिकृत घोषणेची प्रतीक्षा

या प्रकरणात अंदाजपत्रकाबाबतही संभ्रम निर्माण झाला आहे. क्रीडांगणाच्या कामाचे मूळ अंदाजपत्रक ग्रामपंचायतीकडे उपलब्ध नसल्याचा दावा करण्यात आला आहे. निविदा प्रक्रिया कशी राबविण्यात आली? कामाची प्रत्यक्ष मोजणी झाली का? तसेच देयके कोणत्या आधारावर मंजूर करण्यात आली? याची सखोल चौकशी होणे आवश्यक असल्याची मागणी होत आहे. काम पूर्ण झाल्याचे प्रमाणपत्र देताना प्रत्यक्ष स्थळाची पाहणी करण्यात आली होती का? असा प्रश्नही उपस्थित करण्यात आला आहे. मैदानावर काम अपूर्ण असताना अधिकाऱ्यांच्या संगनमताने कागदोपत्री प्रक्रिया पूर्ण करण्यात आली का? याबाबत संशय व्यक्त होत आहे.  (फोटो सौजन्य – AI Created) 

या प्रकरणाची चौकशी करून मंजुरी आदेश, मूळ अंदाजपत्रक, मोजमाप पुस्तिका, ऑनलाइन नोंदी, देयके आणि संबंधित कागदपत्रांची तपासणी करावी, अशी मागणी करण्यात आली आहे. दोषी आढळणाऱ्या सरपंच, ग्रामसेवक व संबंधित अधिकारी यांच्यावर कठोर कारवाई करून निधीची वसुली करावी, अशीही मागणी पुढे आली आहे. ग्रामीण भागातील विकासकामांसाठी शासनाकडून मोठ्या प्रमाणात निधी उपलब्ध करून दिला जात असताना तो निधी प्रत्यक्ष कामांवर खर्च होतो की केवळ कागदोपत्री विकास दाखविला जातो? हा प्रश्न खडसंगीतील या प्रकरणामुळे पुन्हा ऐरणीवर आला. आता या गंभीर आरोपांची प्रशासनाकडून निष्पक्ष चौकशी होऊन सत्य बाहेर येणार का? याकडे नागरिकांचे लक्ष लागले आहे.

प्रत्यक्षात क्रीडांगणाच्या ठिकाणी केवळ नाममात्र काम करण्यात आले आहे. कागदोपत्री बास्केटबॉल व कबड्डी मैदान दाखविण्यात आले असून, प्रत्यक्षात मुरूमाचा थर टाकून काम पूर्ण झाल्याचे दाखविण्यात आले. बोगस बिले जोडून निधीचा गैरवापर झाल्याची शंका असून, या संपूर्ण प्रकरणाची सखोल चौकशी करून सत्य समोर आणावे.- रुपचंद शास्त्रकार, ग्रामपंचायत सदस्य, खडसंगी

मुंबईची ग्लोबल झेप! ‘वर्क फ्रॉम एनिव्हेअर’मध्ये लंडन-मियामीला टाकलं मागे

क्रीडांगणाच्या कामासाठी इस्टीमेटनुसार सुमारे २४ लाख रुपयांचे पेमेंट झालेले आहे, मात्र, हे काम माझ्या कार्यकाळात झालेले नसल्यामुळे त्या कामाच्या प्रक्रियेबाबत मला माहिती नाही.- कवड्डू तरारे, ग्रामपंचायत अधिकारी, खडसंगी

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)