फोटो सौजन्य सोशल मिडिया
Sambhajinagar News : छत्रपती संभाजीनगर रोशन गेट परिसरातील अतिक्रमण हटविण्यासाठी महापालिकेने केलेली कारवाई विहित कार्यपद्धतीनुसारच झाल्याचे निरीक्षण मुंबई उच्च न्यायालयाच्या छत्रपती संभाजीनगर या खंडपीठाने नोंदविले आहे. कारवाईविरोधात सईदा फरीदा अनिस मोहम्मद अनिस अहमद यांनी ५० लाख रुपांच्या नुकसानभरपाईची मागणी करणारी याचिका दाखल केली होती. या प्रकरणाच्या सुनावणीदरम्यान महापालिकेने राबविलेल्या प्रक्रियेची दखल घेण्यात आली. रोशन गेट परिसरातील संबंधित मालमत्तेवरील अतिक्रमण हटविण्याच्या महापालिकेच्या कारवाईला आव्हान देत याचिकाकर्त्याने उच्च न्यायालयात धाव घेतली होती. कारवाईमुळे नुकसान झाल्याचा दावा करीत ५० लाख रुपयांची भरपाई मागण्यात आली होती.
सुनावणीदरम्यान महापालिकेच्या वतीने कारवाईपूर्वी करण्यात आलेल्या प्रक्रियेची माहिती न्यायालयासमोर मांडण्यात आली. महापालिकेच्या म्हणण्यानुसार, संबंधित अतिक्रमणधारकांना अतिक्रमण स्वतःहून हटविण्याची संधी देण्यात आली होती. यासाठी वर्तमानपत्रात जाहीर प्रगटन प्रसिद्ध करण्यात आले. तसेच प्रत्यक्ष कारवाईपूर्वी सलग तीन दिवस ध्वनिक्षेपकाद्वारे परिसरात सूचना देऊन अतिक्रमणे स्वतःहून काढून घेण्याचे आवाहन करण्यात आले होते. या प्रक्रियेनंतरच अतिक्रमण हटविण्याची कारवाई करण्यात आल्याची बाजू महापालिकेने मांडली.
महाराष्ट्र महानगरपालिका अधिनियमातील कलम २३० आणि २३१ नुसार रस्त्याला बाधा निर्माण करणाऱ्या अतिक्रमणांविरोधात नोटीस न देता कारवाई करण्याचे अधिकार महापालिकेला असल्याचे प्रशासनाकडून स्पष्ट करण्यात आले.
अकोल्यात एसटीच्या UPI तिकीटाला प्रवाशांची पसंती; 18917 प्रवाशांनी केला यूपीआयचा वापर
अतिक्रमणे हटविणे आणि नियोजनबद्ध शहरी विकासासाठी कायद्याच्या चौकटीत कारवाई केली जात असल्याची भूमिका महापालिकेने मांडली.सुनावणीवेळी महापालिकेच्या वतीने संतोष वाहुळे, विधीज्ञ अॅड. संभाजी टोपे आणि अॅड. वैभव देशमुख यांनी बाजू मांडली.
शहराच्या विकासासाठी आणि सार्वजनिक हिताच्या संरक्षणासाठी महापालिका कटिबद्ध आहे. अतिक्रमणविरोधी कारवाई करताना कायदेशीर तरतुदींचे पालन केले जाईल. अतिक्रमणधारकांनी स्वतःहून अतिक्रमणे हटवून संभाव्य नुकसान टाळावे, असे आवाहन अतिक्रमण निर्मूलन विभागाचे प्रमुख संतोष वाहुळे यांनी केले.
अकोल्यात भीषण पाणीटंचाई; टँकर लॉबी सक्रिय, घरगुती वापरापासून ते बांधकामापर्यंत मनमानी दर
Ans: अतिक्रमण हटविण्याची कारवाई महापालिकेने केली.
Ans: सईदा फरीदा अनिस मोहम्मद अनिस अहमद यांनी कारवाईमुळे नुकसान झाल्याचा दावा करीत याचिका दाखल केली.
Ans: ५० लाख रुपयांच्या नुकसानभरपाईची मागीतली .
.png "Videos"){kind=small}
