छत्रपती संभाजीनगरचा पारा ४१ पार! यंदाच्या हंगामातील सर्वोच्च तापमानाची नोंद; ‘या’ तारखेला हीट वेव्हचा इशारा

Chhatrapati Sambhajinagar Temperature: मागील तीन दिवसांपासून कमाल तापमानात होत असलेली वाढ मंगळवारी देखील नोंदवण्यात आली. मंगळवार दि. १४ रोजी ४१. ४ अंश सेल्शियस कमाल तापमानाची नोंद चिकलठाणा वेधशाळेने घेतली आहे.

 

• छत्रपती संभाजीनगरचा पारा ४१ पार!
• यंदाच्या हंगामातील सर्वोच्च तापमानाची नोंद
• ‘या’ तारखेला हीट वेव्हचा इशारा

छत्रपती संभाजीनगर (शहर प्रतिनिधी): संभाजीनगर शहरात उन्हाचा तडाखा कायम असून दररोज साततयाने वाढ होत आहे. मागील तीन दिवसांपासून कमाल तापमानात होत असलेली वाढ मंगळवारी देखील नोंदवण्यात आली. मंगळवार दि. १४ रोजी ४१. ४ अंश सेल्शियस कमाल तापमानाची नोंद चिकलठाणा वेधशाळेने घेतली आहे. यंदाच्या हंगामात ही सर्वोच्च तापमान आहे.

मार्च महिन्यापासून वाढलेल्या तापमानाचा जोर एप्रिलच्या सुरुवातीपासून अधिक तीव्र झाला आहे. आता खऱ्या अर्थाने उन्हाचे चटके बसू लागले आहेत. चिकलठाणा वेधशाळेने नोंदवलेल्या आकडेवारीनुसार, यंदाच्या उन्हाळ्यात पहिल्यांदाच शहराचे कमाल तापमान चाळीशी पार गेले असून ते थेट ४१.४ अंश सेल्सिअसवर पोहोचले आहे. अचानक वाढलेल्या या उकाड्यामळे नागरिक चांगलेच हैराण झाले आहेत. विशेष म्हणजे सकाळी ८ ते दुपारी ४ या वेळेत तासण्यासार तापमानाचा पारा वेगाने वर जात आहे.

हवेतील आर्द्रता अवघी १२ टक्के असल्याने शहरात कोरड्या आणि उष्ण वाऱ्यांचा प्रभाव वाढला आहे. परिणामी, दुपारच्या वेळेस उन्हाचे चटके असह्य होत असून रस्त्यांवर अघोषित संचारबंदीसारखे चित्र पाहायला मिळत आहे.

छत्रपती संभाजीनगरसाठी खुशखबर! १ मेपासून नव्या योजनेचे पाणी मिळणार; ‘या’ ५ जलकुंभांतून होणार पुरवठा

दरवर्षी मे महिन्यात होणारी तापमानवाढ यंदा एप्रिल मधेच अनुभवायला मिळत आहे. भौगोलिक परिस्थिनुसार शहराच्या विविध भागांतील तापमानात तफावत आढळते. चिकलठाणा वेधशाळेने मंगळवारी कमाल ४१. ४ तर किमान २५. ८ अंश सेल्शियस तापमानाची नोंद केली आहे. गांधेली, एमजीएम परिसरात यात काहीसा दिलासा दिसून येतो. दरम्यान, वाढत्या उन्हामुळे रस्ते आणि बाजारपेठांमध्ये शुकशुकाट दिसत आहे.

आठवडाभर कडाका राहण्याची शक्यता

पुढील संपूर्ण आठवडाभर शहरात उन्हाचा हा कडाका कायम राहण्याची शक्यता असून यात वाढ होण्याची शक्यता हवामान अभ्यासकांनी वर्तवली आहे. अभ्यासकांच्या अंदाजानुसार आगामी आठवड्यात शहराचे कमाल तापमान ४१ ते ४४ अंश सेल्सिअसपर्यंत वाढण्याची शक्यता आहे. तर हवामान विभागाच्या अंदाजानुसार शनिवारपर्यंत शहराचे तापमान चाळिशीपार राहणार आहे. ते १६ एप्रिल रोजी उष्णतेचाय लाटेचा (हिट वेव्ह) इशारा देण्यात आला आहे.

१४ एप्रिलचे कमाल तापमान असे किमान

४१.४°C
२५.८ °C

Chhatrapati Sambhajinagar: उन्हाळ्याच्या सुट्टीत शिक्षकांना शासकीय कामांचा विळखा! जनगणना आणि प्रशिक्षणावरून शिक्षक समिती आक्रमक