Sambhajinagar News: ५ हजारांत दिवाळी कशी करायची? शेतकऱ्यांची चेष्टा थांबवून १ लाख द्या : रोहित पवारांची टिका

Sambhajinagar News: राज्य सरकारकडून शेतकऱ्यांना देण्यात आलेले अनुदान म्हणजे शेतक-यांची थट्टाच असल्याची भावना व्यक्त करत साताऱ्यातील लोणंद (गोरेगाव) येथील संतप्त शेतकऱ्यांनी मुख्यमंत्री देवेंद्र फडणवीस यांच्याविरोधात अनोख्या पद्धतीने निषेध नोंदवला

•  ५,००० रुपयांची मदत म्हणजे शेतकऱ्यांच्या जखमेवर मीठ चोळण्याचा प्रकार
• ५ हजारांत दिवाळी साजरी करणे अशक्य
• बाधित शेतकऱ्यांना १ लाख रुपये आणि शेतमजुरांना २५,००० रुपयांच्या मदतीची  मागणी

Sambhajinagar News: राज्यातील शेतकरी दुष्काळाने पूर्णपणे उद्धवस्त झाला असताना, महायुती सरकारने जाहीर केलेली अवध्या ५ हजार रुपयांची मदत म्हणजे बळीराजाच्या जखमेवर मीठ चोळण्याचा आणि त्यांना भीक दिल्यासारखा प्रकार आहे. एका बाजूला भीषण महागाईने उच्चांक गाठला आहे आणि दुसरीकडे संपूर्ण खरीप पीक वाया गेले आहे. अशा बिकट स्थितीत ५ हजार रुपयांत शेतकऱ्यांची दिवाळी कशी साजरी होणार? असा सवाल राष्ट्रवादी शरद पवार गटाचे प्रदेशाध्यक्ष शशिकांत शिंदे यांनी केला.

मुख्यमंत्र्यांचे प्रवक्ते सोशल मीडियावरील जनतेच्या तीव्र प्रतिक्रिया लपवून निर्णयाचे गोडवे गात आहेत; मात्र प्रत्यक्षात हे सरकार सर्व आघाड्यांवर पूर्णपणे अपयशी ठरले आहे. सरकारने शेतकऱ्यांची चेष्टा थांबवून प्रत्येक बाधित शेतकऱ्याला १ लाख रुपये आणि शेतमजुरांना २५ हजार रुपयांची थेट आर्थिक मदत जाहीर करावी, अशी मागणी शिंदे यांनी केली आहे. छत्रपती संभाजीनगर येथे आयोजित पत्रकार परिषदेत शशिकांत शिंदे यांनी दुष्काळी धोरणांवर टीका केली.

London Protests: लंडनमध्ये आंदोलने! पार्लमेंट स्क्वेअरबाहेर भारत निवडणूक आयोगाविरोधात निदर्शने, ध्रुव राठीचे समर्थक संघटित

पाऊसच नाही तर चारा कुठून येणार ?

राज्य मंत्रिमंडळाने घेतलेल्या दुष्काळी निर्णयाची पोलखोल करताना शशिकांत शिंदे म्हणाले, मुख्यमंत्र्यांनी रब्बी हंगामात शेतकऱ्यांना चारा पिके घेण्याचा सल्ला दिला आहे. मुळात जमिनीत ओलावा नाही, पिण्याच्या पाण्याचे दुर्भिक्ष आहे आणि पाऊसच पडलेला नाही, तर चारा कुठून उगवणार? जमिनीवरची वस्तुस्थिती न समजता मंत्रालयात बसून कागदी सल्ले दिले जात आहेत.

कृषी सन्मान निधीचे चार हजार थकवले : रोहित पवार

दुष्काळग्रस्त शेतक-यांना हेक्टरी किमान एक लाख रुपये मदत देण्याची मागणी होत असताना राज्य सरकार केवळ पाच हजार रुपये देत आहे. त्यातच कृषी सन्मान निधीचे एप्रिलपासूनचे दोन हप्ते म्हणजेच चार हजार रुपये प्रलंबित असल्याचा आरोप राष्ट्रवादी काँग्रेस शरदचंद्र पवार पक्षाचे आमदार रोहित पवार यांनी केला आहे. शेतकऱ्याऱ्यांना मदत देण्याच्या नावाखाली सरकार हातचलाखी करत असल्याची टीका त्यांनी समाजमाध्यमांवरील संदेशातून केली.

भंडाऱ्यात 18430 शेतकऱ्यांना कर्जमाफीचा लाभ; पण 3698 आधार प्रमाणीकरण अपूर्ण

राज्य सरकारकडून शेतकऱ्यांना देण्यात आलेले अनुदान म्हणजे शेतक-यांची थट्टाच असल्याची भावना व्यक्त करत साताऱ्यातील लोणंद (गोरेगाव) येथील संतप्त शेतकऱ्यांनी मुख्यमंत्री देवेंद्र फडणवीस यांच्याविरोधात अनोख्या पद्धतीने निषेध नोंदवला. शेतकऱ्यांनी दिवाळीसाठी जाहिर केलेल्या पाच हजार रुपयांच्या मदतीचा निषेध म्हणून मुख्यमंत्री देवेंद्र फडणवीस यांनाच पाच हजार रुपयांचा धनादेश शुक्रवारी टपालामार्फत पाठवला आहे.

सणासुदीच्या काळात खाद्यतेल, साखर, किराणा आणि इतर जीवनावश्यक वस्तूंच्या किमती वाढल्या आहेत. अशा परिस्थितीत शेतकऱ्यांनी आपल्या कुटुंबाची दिवाळी साजरी कशी करावी? मुला-बाळांना नवीन कपडे कसे घ्यावेत? दिवाळीचा फराळ कसा करावा? असे प्रश्न उपस्थित करत शेतकऱ्यांनी सरकारच्या मदतीबाबत तीव्र नाराजी व्यक्त केली.