Chhatrapati Sambhajinagar: अवकाळी पावसाचे सत्र संपले! आता पुन्हा उष्णतेत होणार वाढ; सिमेंट रस्ते, इमारतींमुळे वाढतेय तापमान

छत्रपती संभाजीनगरमध्ये अवकाळी पाऊस संपताच तापमानात वाढ झाली आहे. हवामान तज्ज्ञ श्रीनिवास औंधकर यांनी एप्रिलमध्ये पुन्हा पावसाची शक्यता वर्तवली आहे. सिमेंटकरणाचा परिणाम उकाड्यावर होत आहे.

 

• अवकाळी पावसाचे सत्र संपले
• आता पुन्हा उष्णतेत होणार वाढ;
• सिमेंट रस्ते, इमारतींमुळे वाढतेय तापमान

Chhatrapati Sambhajinagar Weather News: अवकाळीचा पाऊस संपताच तापमानात पुन्हा वाढ सुरु झाली आहे. १६, १७, १८ मार्च रोजी सलग तीन दिवस पाऊस झाल्यामुळे कमाल तापमान घसरले होते. ते आता पुन्हा वाढीस लागले आहे. रविवारी कमाल ३४. ६ तर किमान तापमान १७. ८ अंश सेल्शियसची नोंद चिकलठाणा वेधशाळेने घेतली आहे. शुक्रवारी कमाल ३२. ६ तर १६. ८ किमान तापमानाची नोंद झाली होती. पूर्वेकडील प्रदेशांमध्ये सुरु असलेल्या हवामानातील बदलांच्या परिणामी महाराष्ट्रात आणि मराठवाड्‌यात अवकाळी पावसाने हजेरी दिली. यात छत्रपती संभाजीनगर जिल्ह्याचाही समावेश होता. अनेक ठिकाणी गारपीटही झाली. १६ मार्च रोजी सुरु झालेला हा अवकाळी सलग १७आणि १८ मार्च रोजीही कोसळला. त्यामुळे काही अंशी तापमानात घट झाली होती.

तापमानात अशी झाली घसरण

तापमानात घसरण पाहायला मिळाली. १२ मार्च रोजी ३९.८ अंशावर केलेले कमाल तापमान शुक्रवार, २० रोजी ३२. ६ अंशापर्यंत घसरले होते. शनिवारीदेखील ३३.२ अंशाची नोंद करण्यात आली. दरम्यान, आता अवकाळीचा प्रभाव संपला असून पुन्हा एकदा तापमानवाढीला सुरुवात झाली आहे. रविवार, २२ रोजी यात वाढ होऊन कमाल ३४.६ तर किमान १७.८ अंशाची नोंद चिकलठाणा वेधशाळेने घेतली आहे.

इंग्रजी शाळांना ‘संरक्षण कायदा’ लागू करा! संस्थाचालकांवरील हल्ले आणि खंडणीच्या प्रकारांमुळे ESM आक्रमक

एप्रिलमध्ये पुन्हा अवकाळी

उन्ह वाढले कि पाऊस अपेक्षित असतो. हे दरवर्षीच होते, तापमान वाढल्याने यंदा मार्चमध्ये अवकाळीने हजेरी दिल्लीस अशीच स्थिती नाही अपेक्षित उदा
श्रीनिवास औंधकर (हवामान अभ्यासक)

शहरातील उकाड्यात होणार आता वाढ

पुढील काही दिवसात यात आणखी वाढ अपेक्षित असल्याचा अंदाज हवामान अभ्यासकांनी वर्तवला आहे. मागील १० ते १२ वर्षांपासून शहराच्या उकाड्‌यात वाढ निदर्शनात येत आहे. सर्वत्र झालेले सिमेंट रस्ते, जागोजागी बसवलेले सिमेंटचे पेव्हर ब्लॉक आणि सिमेंटच्या उंच इमारतींमुळे उष्णता वाढीस लागत आहे. शहरभर हीच स्थिती आहे. लहान गल्ल्यामध्येही सिमेंटचे रस्ते करण्यात आले आहेत. तर मोकळ्या ठिकाणी पेव्हर ब्लॉक बसवून सपाट करण्यात आलेले आहे. यामुळे कमाल तापमानात सातत्याने वाढ सुरु झाल्याचा हवामान अभ्यासकांचा अंदाज आहे. डांबरी रस्त्याच्या तुलनेत सिमेंटच्या रस्त्यांमुळे अधिक उष्णता निर्माण होते. अंदाजे १० ते १२ वर्षांपूर्वी बहुतेक ठिकाणी डांबरी रस्ते होते. या रस्त्यांतून उष्णता शोषली जात होतो. मात्र सिमेंट रस्त्यामुळे उष्णतेत वाढ सुरु झाली आहे.

छत्रपती संभाजीनगर मनपाचे ‘बजेट’ अंतिम टप्प्यात! ‘इतक्या’ कोटींच्या विक्रमी अर्थसंकल्पाची शक्यता; नावीन्यपूर्ण योजनांवर भर