Chhatrapati Sambhajinagar Water Crisis: ढोरकीनमध्ये मुख्य पाईपलाईन फुटली! जायकवाडीची केबल जळाल्याने शहराचा पाणीपुरवठा विस्कळीत

कर्करोग रुग्णांच्या सेवेत परिचारिकांची भूमिका मोलाची; संभाजीनगरमध्ये ‘ऑन्कोलॉजी नर्सिंग केअर’ कार्यशाळा संपन्न

जीर्ण, जुनी यंत्रणा ठरत आहे डोकेदुखी

शहराला पाणीपुरवठा करणाऱ्या ५६ व १०० दलली क्षमतेच्या दोन्ही योजना मोठ्या प्रमाणावर जीर्ण झाल्या आहेत. त्यामुळे कधी पाईपलाईन फुटणे, तर कधी विद्युत पुरवठ्यातील बिघाडामुळे वारंवार पाणीपुरवठा खंडित होण्याच्या घटना घडत आहेत. या सततच्या तांत्रिक अडचणीमुळे नागरिकाच्या संयमाची परीक्षा होत आहे. दुरुस्तीचे काम तात्काळ हाती घेण्यात आले असले तरी या पाईपलाईनवर ९०० मिमीची पाईपलाईन टाकून त्यावर सिमेंट काँक्रिट करण्यात आल्यामुळे खोदकामासाठी जेसीबीचा वापर करावा लागत आहे.

सिडको-हडकोसह अनेक भागात निर्जळी

१२०० मिमीची मुख्य पाईपलाईन बंद असल्यामुळे संपूर्ण शहराचा पाणीपुरवठा विस्कळीत झाला असून सिडको, हडकोसह अनेक नव्या वसाहतींना निर्जळीचा सामना करावा लागत आहे. ७०० व १०० मिमीच्या पाइपलाइनद्वारे मर्यादित प्रमाणात जुन्या शहरातील काही भागांनाच पाणीपुरवठा केला जात आहे. त्यामुळे इतर भागांतील पाणीपुरवठ्याचे टप्पे काही ठिकाणी एक दिवसाने तर काही भागांत दोन दिवसांनी पुढे ढकलले जाण्याची शक्यता आहे, अशी माहिती उपअभियंता किरण धांडे यांनी दिली.

‘सिद्धार्थ ‘समोरील जलवाहिनीचा पाईप बदलला

दरम्यान, रेल्वेस्टेशन ते ज्युबिली पार्क येथील जलकुंभाला पाणीपुरवठा करणाऱ्या ७५० मिमी व्यासाच्या जलवाहिनीचा काही भाग सिद्धार्थ उद्यानासमोरील नाल्यात गजल्याने खराब झाला होता. या ठिकाणी पाइपलाइन फुटून गळती होण्याची तसेच सांडपाणी जलवाहिनीतील पाण्यात मिसळण्याची शक्यता निर्माण झाली होती. दरम्यान, यामुळे खबरदारी म्हणून खराब झालेला जुना पाइप काढून सुमारे चार मीटर लांबीचा नवीन पाइप बसविण्यात आला असून त्याठिकाणी एक नवीन व्हॉल्व्हही जोडण्यात आला आहे. बुधवारी रात्री दोन वाजेपर्यंत हे दुरुस्तीचे काम सुरू होते. दुरुस्तीच्या काळात ज्युबिली पार्क येथील जलकुंभाचा पाणीपुरवठा तात्पुरता बंद ठेवण्यात आला होता, अशी माहिती मनपा पाणीपुरवठा विभागाने दिली.

Talath News: तलाठ्यांचे काम झाले सुकर! राज्यातील सर्व फेरफार नोटिसा आता ऑनलाइन; भूमी अभिलेख विभागाचा मोठा निर्णय

संबंधित बातम्या