छत्रपती संभाजीनगरला २५ डिसेंबरपासून २०० एमएलडी पाणी देण्याची तयारी (Photo Credit - X)
‘वॉर मोड’वर काम सुरू
महाराष्ट्र जीवन प्राधिकरण (MJP) आणि कंत्राटदार कंपनी जीव्हीपीआर (GVPR) यांनी कामाची गती वाढवली आहे. शहराला अपेक्षित २०० एमएलडी (Million Litres Per Day) पाणी मिळावे यासाठी प्रशासनाने नेमकी दोनशे कामांची यादी तयार केली आहे. या सर्व कामांची अंमलबजावणी करण्यासाठी यंत्रणा ‘वॉर मोड’वर (War Mode) प्रत्यक्ष काम करत असल्याने नागरिकांच्या आशा पल्लवित झाल्या आहेत.
मुख्यमंत्री कार्यालयाकडून ‘डेडलाईन’
मुख्यमंत्री कार्यालयाच्या अवर मुख्य सचिव अश्विनी भिडे यांच्या अध्यक्षतेखाली नुकताच उच्चस्तरीय आढावा घेण्यात आला. या बैठकीत २५ डिसेंबरपासून शहराला २०० एमएलडी पाणी मिळावे, या उद्देशाने दिलेल्या मुदतीत कामे पूर्ण करणे बंधनकारक असल्याची स्पष्ट सूचना करण्यात आली. प्राधिकरणाने आता सर्व कामांचे दैनिक निरीक्षण सुरू केले असून, मनुष्यबळ व यंत्रसामुग्रीमध्ये भरघोस वाढ करून ‘डेडलाईन’ पाळण्याचा प्रयत्न केला जात आहे. यातील २०० पैकी लहान-मोठी अनेक कामे एकमेकांशी जोडलेली असल्याने, पाणी आणण्याच्या वेळापत्रकाला धक्का लागू नये म्हणून सर्व कामे वेळेत पूर्ण करण्याचे आदेश देण्यात आले आहेत. यामुळे डिसेंबर अखेर २०० एमएलडी पाणी उपसा (Pumping) केला जाण्याची शक्यता निर्माण झाली आहे.
योजनेतील महत्त्वाची कामे (अभियंते प्रयत्नरत)
शहरातील पाणीटंचाईच्या पार्श्वभूमीवर २५ डिसेंबरला पाण्याची चाचणी सुरू करण्याचा संकल्प प्रशासनाने पुन्हा अधोरेखित केला आहे. ही चाचणी यशस्वी होणे अत्यंत महत्त्वाचे ठरणार आहे. उर्वरित सर्व कामे पूर्ण करण्यासाठी यंत्रणा प्राधान्याने काम करत आहे.
योजनेतील प्रमुख कामे जी तातडीने पूर्ण केली जात आहेत:
