Sambhaji Nagar News : कप केकमध्ये प्लास्टिकचे तुकडे; रॉयल बेकर्सचा परवाना निलंबित, अन्न व औषध प्रशासनाची कारवाई

Sambhaji Nagar News : छत्रपती संभाजीनगर येथील चिकलठाणा एमआयडीसी परिसरातील मे. रॉयल बेकर्स अँड कन्फेक्शनर्स या बेकरीचा परवाना अन्न व औषध प्रशासनाने अन्नसुरक्षा नियमांचे उल्लंघन आणि अस्वच्छतेमुळे निलंबित केला आहे. कप केकमध्ये रबर किंवा प्लास्टिकचे तुकडे आढळल्याच्या तक्रारीनंतर ७ ऑक्टोबर रोजी तपासणी करण्यात आली.

• बेकरीत कीड नियंत्रण आणि स्वच्छतेची योग्य व्यवस्था नाही  
• अनुपालन अहवाल सादर करण्याचे निर्देश 
• तपासणीत काय आढळले?

Sambhaji Nagar News :  छत्रपती संभाजीनगर मध्ये खाण्यासाठी घेतलेल्या कप केकमध्ये रबर किंवा प्लास्टिकचे तुकडे आढळल्याची तक्रार, त्यातच तपासणीत अस्वच्छता आणि अन्नसुरक्षा नियमांचे उल्लंघन उघड झाल्याने चिकलठाणा एमआयडीसीतील मे.रॉयल बेकर्स अँड कन्फेक्षनर्सचा परवाना अन्न व औषध प्रशासनाने FDA ने निलंबित केला.

८ ऑक्टोबरपासून पुढील आदेशापर्यंत ही कारवाई लागू राहणार असून,या काळात बेकरीला अन्न व्यवसाय करता येणार नाही. सेफ फूड, सेफ महाराष्ट्र मोहिमेअंतर्गत अन्न सुरक्षा अधिकारी पी. एस. अजिंठेकर यांनी ७ ऑक्टोबर रोजी बेकरीची अचानक तपासणी केली.

यावेळी अन्नपदार्थ आणि पाण्याच्या गुणवत्तेचे प्रयोगशाळा अहवाल उपलब्ध नसणे, पुनर्पेकिंगसाठी वापरल्या जाणाऱ्या साहित्याचे फूड-ग्रेड प्रमाणपत्र नसणे, तसेच ठेवण्यासाठी पात्र तांत्रिक व्यक्ती अनुपस्थित असणे, अशा त्रुटी आढळल्या. 

ऑक्टोबर महिनाअखेर कोकण किनारपट्टीवर पावसाचे संकेत; दिवाळीच्या तोंडावर अधिक पावसाचा अंदाज व्यक्त

बेकरीत कीड नियंत्रण आणि स्वच्छतेची योग्य व्यवस्था नाही

कामगारांची वार्षिक वैद्यकीय तपासणी आणि लसीकरण झालेले नव्हते. अॅप्रन, हातमोजे व डोक्याचे संरक्षक आवरण यांचाही वापर केला जात नव्हता. बेकरीत कीड नियंत्रण आणि स्वच्छतेची योग्य व्यवस्था नव्हती. कचरा उघड्‌यावर टाकण्यात आला होता.

अनुपालन अहवाल सादर करण्याचे निर्देश

या त्रुटींमुळे अन्नपदार्थांच्या सुरक्षिततेबाबत गंभीर प्रश्न निर्माण झाल्याने परवाना प्राधिकारी तथा सहायक आयुक्त (अन्न) दयानंद विठ्ठल पाटील यांनी परवाना निलंबित करण्याचे आदेश दिले. संबंधित व्यावसायिकाला सर्व त्रुटी दूर करून आवश्यक पुराव्यांसह अनुपालन अहवाल सादर करण्याचे निर्देश देण्यात आले आहेत. निलंबन काळात बेकरीवर कडक पाळत ठेवण्याचे आदेश सहआयुक्त श्रीकांत करकळे यांनी अन्न सुरक्षा अधिकाऱ्यांना दिले.

तपासणीत काय आढळले?

कप केकमध्ये रबर-प्लास्टिकचे तुकडे आढळल्याची तक्रार, प्रयोगशाळा अहवाल, फूड-ग्रेड प्रमाणपत्र आणि साठा नोंदवहीचा अभाव, अस्वच्छता, उघड्यावर कचरा, कीड नियंत्रणाचा अभाव आणि कामगारांच्या आरोग्य-सुरक्षेकडे दुर्लक्ष.

Shivaji Park CJP Protest : मुंबईत शिवाजी पार्कवर CJP चं आंदोलन, पोलिसांचा मोठा बंदोबस्त तैनात