बस नाम ही काफी है! Tukaram Mundhe यांची धडक कारवाई; दुधात डिटर्जंटचा घातक खेळ, सोनाई डेअरीपर्यंत धागे?

Tukaram Mundhe: मंचर प्रकरणात भेसळ द्रव्य व रसायन पुरवठादार, वाहतूकदार, दूध संकलन व शीतकरण केंद्रे तसेच दुग्ध व्यावसायिक अशा ३७ आरोपींची नावे निष्पन्न झाली आहेत.

• दुधात डिटर्जंटचा घातक खेळ, भेसळीचे धागे सोनाई डेअरीपर्यंत
• मंचरपासून माळशिरसपर्यंत एफडीएची कारवाई
• ३७ आरोपी निष्पन्न, १६,७३० लिटर दूध नष्ट

Tukaram Mundhe/FDA: दुधात डिटर्जंट आणि नॉनिलफेनॉल इथॉक्सिलेटसारख्या रसायनांची भेसळ करून ते पुढे प्रक्रिया डेअऱ्यांपर्यंत पोहोचविणाऱ्या साखळीचा अन्न व औषध प्रशासनाने पर्दाफाश केला आहे. पुणे जिल्ह्यातील मंचरपासून सुरू झालेल्या तपासात भेसळयुक्त दूध इंदापूर येथील सोनाई डेअरीपर्यंत पोहोचत असल्याचे प्रथमदर्शनी निष्पन्न झाले आहे. या प्रकरणात आतापर्यंत ३७ आरोपी निष्पन्न झाले असून २५ जणांना अटक करण्यात आली आहे. तसेच (Tukaram Mundhe) माळशिरस येथील दोन कारवायांमध्ये १६ हजार ७३० लिटर दूध नष्ट करण्यात आले.

अन्न व औषध प्रशासनाला मिळालेल्या गोपनीय माहितीनंतर ४ जुलै रोजी आंबेगाव तालुक्यातील अवसरी खुर्द येथील मे. नवकार डिस्ट्रिब्युटर्सवर संयुक्त कारवाई करण्यात आली. या ठिकाणी व्हे पावडर, व्हे परमिएट पावडर, डिटर्जंट, इमल्सिफायर आदी भेसळीसाठी वापरल्या जाणाऱ्या संशयित पदार्थांचा साठा आढळला. याप्रकरणी मंचर पोलिस ठाण्यात गुन्हा दाखल करण्यात आला. तपासादरम्यान मंचर येथील मे. आकाश डेअरी फार्ममधून घेतलेल्या सहाही दूध नमुन्यांमध्ये डिटर्जंट आढळले. पूरक अहवालात या नमुन्यांमध्ये नॉनिलफेनॉल इथॉक्सिलेट असल्याचेही स्पष्ट झाले. तसेच अथर्व मिल्क अँड मिल्क प्रॉडक्ट इंडस्ट्रीजच्या नमुन्यातही डिटर्जंट आढळून दूध मानवी सेवनास असुरक्षित असल्याचे निष्पन्न झाले.

Pune University Canteen Raid: सावित्रीबाई फुले पुणे विद्यापीठात FDAची धडक कारवाई! निकृष्ट अन्नावरून कॅन्टीन चालकाला नोटीस

३७ आरोपी; २६ आस्थापनांवर कारवाई –

मंचर प्रकरणात भेसळ द्रव्य व रसायन पुरवठादार, वाहतूकदार, दूध संकलन व शीतकरण केंद्रे तसेच दुग्ध व्यावसायिक अशा ३७ आरोपींची नावे निष्पन्न झाली आहेत. त्यापैकी २५ आरोपींना अटक करून दोषारोपपत्र दाखल करण्यात आले आहे. उर्वरित १२ आरोपींना अटकपूर्व जामीन मिळाला आहे. आतापर्यंत २६ अन्न आस्थापनांचे परवाने किंवा नोंदणी निलंबित अथवा व्यवसाय बंद करण्याचे निर्देश देण्यात आले आहेत.

सोनाई डेअरीपर्यंत पुरवठ्याचे धागे 

तपासाची व्याप्ती सोलापूर जिल्ह्यातील माळशिरसपर्यंत पोहोचली. पिलीव येथील महालक्ष्मी मिल्क अँड मिल्क प्रॉडक्ट्समधील ७,६३४ लिटर आणि डेलीविश अॅग्रो डेअरी प्रॉडक्टमधील ९,०९६ लिटर दूध नष्ट करण्यात आले. दोन्ही ठिकाणच्या नमुन्यांमध्ये दुधातील चरबी व घन पदार्थांचे प्रमाण निर्धारित मानकांपेक्षा कमी आणि डिटर्जंट आढळले.

महालक्ष्मी मिल्कमधील दूध योगिनीनाथा मिल्क सप्लायर्सच्या टँकरद्वारे इंदापूर येथील सोनाई डेअरी अर्थात इंदापूर डेअरी अँड मिल्क प्रॉडक्ट्स लिमिटेडकडे पाठविल्याचे दूध वितरण व टँकर पोहोच चलन तपासात मिळाले. याशिवाय अन्य एका मार्गानेही भेसळयुक्त दूध सोनाई डेअरीला विकले जात असल्याचे प्रथमदर्शनी तपासात समोर आले आहे. माळशिरसच्या दोन्ही प्रकरणांत एकूण १६,७३० लिटर दूध, सुमारे १६.६९ लाख रुपये किमतीचे, नष्ट करण्यात आले असून संबंधितांविरुद्ध गुन्हे दाखल करण्यात आले आहेत.

तुटलेला फ्रिज, शाकाहारी- मांसाहारी अन्न एकत्र अन्…; गुडइयर कॅन्टीनला FDA चा दणका

‘आर्थिक फायद्यासाठी दुधात अनधिकृत पदार्थांचा वापर करून नागरिकांच्या आरोग्याशी तडजोड करणाऱ्यांविरुद्ध कठोर कारवाई केली जाईल. भेसळीचा अंतिम नमुना पकडण्याबरोबरच मूळ पुरवठादारापासून अंतिम दूध पुरवठ्यापर्यंतची संपूर्ण साखळी शोधली जात आहे.’
– तुकाराम मुंढे, आयुक्त, अन्न व औषध प्रशासन, महाराष्ट्र राज्य