पक्षाचं नाव गेलं, पक्षचिन्ह गेलं आता उद्धव ठाकरेंच्या हातातून शिवसेना भवनही जाणार? धर्मादाय आयुक्तांकडे तक्रार दाखल

योगेश देशपांडे यांनी शिवसेना भवन आणि शिवाई ट्रस्ट (Shivai Trust)विरोधात धर्मादाय आयुक्तांकडे तक्रार दाखल केली आहे. शिवाई पब्लिक ट्रस्ट असताना एखाद्या पक्षाला कशी दिली? एका राजकीय पक्षाला ट्रस्टची वास्तू का वापरु दिली? असा सवाल योगेश देशपांडे(yogesh deshpande ) यांनी तक्रारीत विचारला आहे.

Follow Us:

Follow Us:

मुंबई: शिवसेना पक्ष आणि धनुष्यबाण हे चिन्ह निवडणूक आयोगाने शिवसेनेच्या शिंदे गटाला दिलं आहे. हा उद्धव ठाकरेंसाठी मोठा धक्का आहे. त्यातच आता शिवसेना भवनाविरोधात (shivsena bhavan) धर्मादाय आयुक्तांकडे तक्रार दाखल करण्यात आली आहे. योगेश देशपांडे यांनी शिवसेना भवन आणि शिवाई ट्रस्ट (Shivai Trust)विरोधात धर्मादाय आयुक्तांकडे तक्रार दाखल केली आहे. शिवाई पब्लिक ट्रस्ट असताना एखाद्या पक्षाला कशी दिली? एका राजकीय पक्षाला ट्रस्टची वास्तू का वापरु दिली? असा सवाल योगेश देशपांडे(yogesh deshpande ) यांनी तक्रारीत विचारला आहे.

आतापर्यंत ही सगळी माहिती गोपनीय होती.  सर्वसामान्यांचा असा समज होता, की ही शिवसेनेची जागा आहे. असाच माझाही समज होता. तशी गोपनियता बाळासाहेबांनीच ठेवली होती का? याबाबत मी अधिक माहिती घेतली असता ही जागा शिवाई ट्रस्टची असल्याची माहिती मिळाली. मग कोणत्याही ट्रस्टला जागा भाड्यावर देता येत नाही. एखाद्या राजकीय पक्षाला ट्रस्टची वास्तू का वापरु दिली ? परवानगी नसताना राजकीय पक्षाचं कार्यलाय, इतके दिवस का वापरलं? असे प्रश्न योगेश देशपांडे यांनी विचारले आहेत.

कारवाई करा, अन्यथा नुकसान भरपाई करा, असे तक्रारीत सांगण्यात आले आहे. ‘शिवाई ट्रस्ट’ हे नाव ही सार्वजनिक ट्रस्ट असल्याचे नमूद करते. दुर्दैवाने तुमच्या कार्यालयाच्या अधिकृत वेबसाइटमधील तांत्रिक अडचणींमुळे, आम्ही आज वेबसाइटवरून अधिक माहिती मिळवू शकलो नाही.

शिवसेना आणि शिवाई ट्रस्टविषयी उपस्थित होणारे प्रश्न

• पब्लिक ट्रस्टच्या कार्यालयाचा वापर अनेक दशके-वर्षांपासून राजकीय कार्यांसाठी कसा केला गेला?
• जर असा वापर ट्रस्टच्या उद्दिष्टांचे उल्लंघन करत असेल, तर विश्वस्तांना निलंबित करुन प्रशासक का नियुक्त करू नये?
• आतापर्यंत झालेले नुकसान विश्वस्तांकडून का वसूल केले जाऊ नये?

या मुद्द्यांचे गांभीर्य लक्षात घेऊन, आम्ही तुम्हाला विनंती करतो की हे पत्र सार्वजनिक हितासाठी आमची औपचारिक तक्रार मानून पुढील कारवाईसाठी तुमच्या निरीक्षकांना त्वरित अहवाल देण्याचे आदेश द्या, असे तक्रारीत सांगण्यात आले आहे.

अनिल परब यांचं उत्तर

ज्यांनी शंका उपस्थित केली आहे, त्यांना कायदेशीर उत्तरे दिली जातील, असे ठाकरे गटाचे नेते अनिल परब यांनी सांगितलं. प्रत्येकाच्या प्रश्नांना उत्तर देण्यास आम्ही बंधनकारक नाही. संबधित अधिकाऱ्यांना उत्तर देऊ, असे परब म्हणाले. सर्व कायदेशीर मार्गाने शिवसेना भवन उभं आहे, असे अनिल परब म्हणाले.

Web Title: Complaint against shivai trust for political use of shivsena bhavan nrsr

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com